Skip to main content

சபரிமலையில் 144 தடை உத்தரவு!!

Published on 04/11/2018 | Edited on 04/11/2018

 

 

144 injunctions in Sabarimala

 

சபரிமலை ஐயப்பன் கோவிலில் 144 தடை உத்தரவு பிறப்பிக்கப்பட்டுள்ளது.

 

உச்சநீதிமன்றம் அனைத்து வயது பெண்களும் சபரிமலைக்கு செல்லலாம் என தீர்ப்பளித்திருந்தது இந்த தீர்ப்பினை எதிர்த்து விஷ்வ ஹிந்து பரிஷத் மற்றும் இந்துத்துவ அமைப்புகள், ஐயப்ப பக்தர்கள் அனைத்து வயது பெண்களையும் கோயிலுக்குள் நுழைய அனுமதிக்க முடியாது என்று போராட்டம் நடத்தி வந்தனர்.

 

அந்த நிலையில் கடந்த முறை ஆறு நாட்கள் ஐயப்பன் கோவில் நடை திறக்கப்பட்டது. அப்பொழுது கோயிலுக்குள் நுழைய முயன்ற பெண்கள் மற்றும் பெண் பத்திரிகையாளர்களை போராட்டக்காரர்கள் தடுத்து நிறுத்தினர். இதனையடுத்து அங்கு நடந்த கலவரத்தில் 3 ஆயிரம் பேருக்கு மேற்பட்டவர்கள் கைது செய்யப்பட்டனர். இந்த பரபரப்பான நிகழ்வுகள் நடந்து முடிந்த நிலையில் தற்போது நாளை சித்திரை ஆட்டம் எனும்  திருவிழாவிற்காக நாளை ஐயப்பன் கோயில் நடை மாலை திறக்கப்படுகிறது. இந்நிலையில் மீண்டும் பெண் பக்தர்கள் கோவிலுக்குள் நுழையலாம் என்று ஐயப்ப பக்தர்கள் மற்றும் இந்துத்துவ அமைப்புகள் போராட்டம் நடத்த வாய்ப்பு இருக்கலாம் என ஐயப்பன் சன்னதி, நிலக்கல், பந்தல், பம்பை ஆகிய இடங்களில் 144 தடை உத்தரவு பிறப்பிக்கப்பட்டுள்ளதாக  போலீஸ் தரப்பில் கூறப்பட்டுள்ளது.

 

சார்ந்த செய்திகள்

 

Next Story

ஐயப்பன் கோவிலுக்குச் சென்ற போது விபத்து; சிறுவன் உயிரிழப்பு!

Published on 15/05/2024 | Edited on 15/05/2024
Accident while visiting Ayyappan temple; The boy was lose their live

ஐயப்பன் கோவிலுக்குச் சென்ற போது நேர்ந்த விபத்தில் சிறுவன் உயிரிழந்த சம்பவம் பரபரப்பை ஏற்படுத்தியுள்ளது.

திருவண்ணாமலை தெற்கு மாவட்டம் திமுக வழக்கறிஞர் அணியின் துணை அமைப்பாளராக இருப்பவர் 35 வயதுடைய ராஜசேகர். இவர் தன்னுடைய நான்கு வயது மகன் கவின் உட்பட தனது நண்பர்களுடன் சபரிமலை ஐயப்பனுக்கு மாலை அணிந்து கொண்டு இரண்டு தினங்களுக்கு முன்பு கேரளா சபரிமலைக்கு காரில் சென்றனர். ஐயப்பனை தரிசனம் செய்துவிட்டு இன்று மே 15 ஆம் தேதி திருவண்ணாமலைக்கு திரும்பி வந்துக்கொண்டிருந்தனர். வரும் பொழுது மாலை 6 மணியளவில் பத்தனம்திட்டா மாவட்டம் துலாப்பல்லி கிராமப் பகுதியில் காரும், பேருந்தும் நேருக்கு நேர் மோதிக்கொண்டு விபத்தானது.

இதில் ராஜசேகரின் நான்கு வயதான கவின் என்ற குழந்தை சம்பவ இடத்திலேயே உயிரிழந்தது அதிர்ச்சியையும், சோகத்தையும்  ஏற்படுத்தி உள்ளது. பத்தனம்திட்டா போலீசார் குழந்தையின் உடலைக் கைப்பற்றி அரசு மருத்துவமனைக்கு அனுப்பி வைத்தனர். இது தொடர்பான புகாரை பெற்று வழக்குப் பதிவு செய்து விசாரணை நடத்தி வருகின்றனர்.

Next Story

பொன்னம்பலமேட்டில் ஏறிய மகர ஜோதி; சரண கோஷமிட்ட பக்தர்கள் 

Published on 15/01/2024 | Edited on 15/01/2024
Makara Jothi ascended at Ponnambalamed; Devotees chanting

கேரள மாநிலம் சபரிமலையில் இன்று ஐயப்பன் கோவிலில் மகரஜோதி தரிசனம் நடைபெற இருப்பதால் பக்தர்கள் அதிகப்படியாக குவிந்துள்ளனர்.

கேரள மாநிலம் சபரிமலை ஐயப்பன் கோவிலில் கார்த்திகை மாதம் முதலே ஐயப்ப பக்தர்கள் மாலையிட்டு விரதம் இருந்து சாமி தரிசனம் செய்து வருகின்றனர். அண்மையில் கூட்ட நெரிசல் ஏற்பட்டு அதனால் அதிக நேரம் காக்க வைக்கப்பட்ட பக்தர்கள் போராட்டத்தில் ஈடுபட்ட சம்பவங்களும் நிகழ்ந்து இருந்தது. அதனைத் தொடர்ந்து கேரள அரசும் சபரிமலை கோவில் தேவஸ்தானமும் பல்வேறு சிறப்பு ஏற்பாடுகளை செய்திருந்தது. தற்போது சபரிமலை ஐயப்பன் கோவிலில் ஐயப்பன் சிலைக்கு தங்க ஆபரணம் அணிவிக்கப்பட்டு மகரஜோதி ஏற்றப்பட உள்ளது. இதன் காரணமாக அங்கு அதிகப்படியான பக்தர்கள் மகரஜோதி தரிசனம் காண குவிந்தனர்.

தற்போது பொன்னம்பல மேட்டில் மகர ஜோதி ஏற்றப்பட்ட நிலையில் பக்தர்கள் 'சரணம் ஐயப்பா... சரணம் ஐயப்பா...' என விண்ணதிர  கோஷம் எழுப்பினர்.