Skip to main content

10 ரூபாய்க்கு பட்டுப்புடவை; கிடைக்காமல் போய்விடுமோ என முண்டியடித்து ஷட்டரை உடைத்து கடைக்குள் சென்ற பெண்கள் கூட்டம்!!

Published on 17/02/2019 | Edited on 17/02/2019

 

 10 rupees to silk; The crowd that went out of the shop to break up the shutter as if they were not available

 

தெலுங்கானாவில் பத்து ரூபாய்க்கு பட்டு புடவை வாங்க சென்ற பெண்கள் ஷட்டரை உடைத்து கொண்டு கடைக்குள் ஓடி சென்ற சிசிடிவி காட்சிகள் வெளியாகி தற்போது பரபரப்பை ஏற்படுத்தி வருகிறது.

 

ஹைதராபாத்தின் சித்திபேட்டையில் சி எம் ஆர் என்ற ஷாப்பிங் மாலில் ஒரு கடையில் பத்து ரூபாய்க்கு பட்டுப்புடவை விற்கப்படுவதாக விளம்பரம் தரப்பட்டது. இந்த தகவல் காட்டுத்தீ போல அப்பகுதியில் உள்ள பெண்களுக்கு பரவ கூட்டம் கூட்டமாக அந்த கடையின் வாசலில்  பெண்கள் குவிந்தனர். கூட்ட நெரிசலில் மூச்சுத் திணற திணற கடையின் சிறிய வாயில் வழியே உள்ளே புகுந்த பெண்கள் முண்டியடித்துக்கொண்டு புடவை வாங்க முற்பட்டனர்.

 

 10 rupees to silk; The crowd that went out of the shop to break up the shutter as if they were not available

 

இதனையடுத்து வெளியில் நின்று கொண்டிருந்த பெண்கள் தங்களுக்கு  பட்டுப்புடவை கிடைக்குமோ கிடைக்காதோ என்ற குழப்பத்தில் கடையின் ஷட்டரை உடைத்து கொண்டு முண்டியடித்துக் கொண்டுகீழே விழுந்து எழுந்து ஓடினார். அப்படி ஷட்டரை உடைத்து கொண்டு பெண்கள் கூட்டமாக உள்ளே ஓடிய சிசிடிவி காட்சிகள் வெளியாகி உள்ளது.

 

இந்த கடும் கூட்ட நெரிசலை பயன்படுத்தி திருடர்கள் பெண்களிடமும் கைவரிசை காட்டியுள்ளனர். அங்கு வந்த பெண் ஒருவரின் கைப்பையிலிருந்த 6 ஆயிரம் ரூபாய் பணம் மற்றும் 5 சவரன் நகை திருடப்பட்டது.

 

 

 

சார்ந்த செய்திகள்

 

Next Story

ரவுடிகள் வேட்டை; சரணடைந்த சாமி ரவி

Published on 15/07/2024 | Edited on 15/07/2024
owdies hunting; Surrendered Sami Ravi

தமிழகத்தில் பகுஜன் சமாஜ் கட்சி தலைவர் ஆம்ஸ்ட்ராங் படுகொலை செய்யப்பட்டதைத் தொடர்ந்து தமிழகம் முழுவதும் போலீசார் ரவுடிகளை கைது செய்து வருகின்றனர். பல்வேறு இடங்களில் தீவிர கண்காணிப்பு ஏற்பாடுகள் மேற்கொள்ளப்பட்டு வருகிறது. ஆம்ஸ்ட்ராங் கொலை வழக்கில் சரணடைந்த 11 பேரில் திருவேங்கடம் என்ற ரவுடி போலீசார் விசாரணையின் பொழுது தப்பிக்க முயன்றதோடு பதுக்கி வைத்திருந்த துப்பாக்கியால் போலீசாரை நோக்கி சுட முயன்றதால் என்கவுன்டர் செய்யப்பட்டது பரபரப்பை ஏற்படுத்தி இருந்தது. இந்த என்கவுன்டர் ரவுடிகள் மத்தியில் கலக்கத்தை ஏற்படுத்தியுள்ளது.

இந்நிலையில் தஞ்சை மாவட்டம் திருக்காட்டுப்பள்ளி காவல் நிலையத்தில் பிரபல ரவுடி சாமி ரவி சரணடைந்துள்ளதாக தகவல் வெளியாகி உள்ளது. ராமஜெயம் கொலை வழக்கில் சம்பந்தப்பட்டவர் என்று கூறப்படுபவரும், பல்வேறு குற்றச் சம்பவங்களில் தொடர்புடையவராகவும் உள்ள சாமி ரவி காவல் நிலையத்தில் சரணடைந்துள்ளதாக தகவல்கள் வெளியாகி உள்ளது. அதேபோல் ராக்கெட் ராஜா உள்ளிட்ட பல்வேறு ரவுடிகளும் கைது செய்யப்பட்டுள்ளதாக தகவல்கள் வெளியாகி உள்ளது.

Next Story

ஆம்ஸ்ட்ராங் கொலை வழக்கு; காவல்துறை வெளியிட்ட புதிய சிசிடிவி காட்சி

Published on 14/07/2024 | Edited on 14/07/2024

 

Armstrong's case; New CCTV footage released by police


தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் கடந்த 05.07.2024 அன்று இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டது தமிழகத்தில் பரபரப்பை ஏற்படுத்தியுள்ளது. தொடர்ந்து ஆம்ஸ்ட்ராங்கின் உடல் பெரம்பூர் பந்தர் கார்டன் மாநகராட்சி பள்ளியில் பொதுமக்கள் அஞ்சலிக்காக வைக்கப்பட்டு பின்னர் அடக்கம் செய்யப்பட்டது.

இது தொடர்பாக 11 பேர் சரணடைந்த நிலையில் 11 பேரும் கைது செய்யப்பட்டு போலீஸ் கஸ்டடி காவலில் விசாரணைக்காக அனுமதிக்கப்பட்டுள்ளனர். இந்த வழக்கில் கைது செய்யப்பட்டுள்ள ஆற்காடு சுரேஷின் தம்பி பொன்னை பாலு, ராமு, திருவேங்கடம், திருமலை, செல்வராஜ், மணிவண்ணன், சந்தோஷ், அருள், கோகுல், விஜேஷ், சிவசக்தி ஆகிய 11 நபர்களும் போலீசார் கஸ்டடியில் எடுக்கப்பட்டு விசாரணை நடைபெற்று வருகிறது.

குற்றவாளிகளை தங்கள் கஸ்டடியில் எடுத்து விசாரிக்க காவல்துறையினர் 7 நாட்கள் அனுமதி கேட்ட நிலையில், நீதிமன்றம் 5 நாள் விசாரணைக்கு அனுமதி வழங்கியது, இதையடுத்து காவல்துறையினர் 11 பேரையும் தங்களது விசாரணை வளையத்திற்குள் கொண்டு சென்று விசாரித்த போது, வழக்கில் தொடர்புடைய முக்கிய குற்றவாளி பிரபல ரவுடி திருவேங்கடம் ஆம்ஸ்ட்ராங் கொலை வழக்கு தொடர்பான திடுக்கிடும் தகவல்களையும்,  அதற்கான சதி திட்டம் தீட்டிய இடத்தில் நாட்டு வெடிகுண்டுகள் பதுக்கி வைக்கப்பட்டுள்ள குறித்தும்  தெரிவித்துள்ளான்.

இதனால் அவன் குறிப்பிட்ட புழல் வெஜிடேரியன் நகருக்கு அவனை இன்று அதிகாலை அழைத்துச் சென்று தடயங்கள் ஏதேனும் உள்ளதா ? என்பது குறித்து கண்டறிவதற்காக காவல்துறையினர் சென்றபோது, அவர்களின் பிடியில் இருந்து ரவுடி திருவேங்கடம் தப்பிச் சென்று, அப்பகுதியில் உள்ள இரும்பு தகடு மேய பட்ட சிறு கூரையின் உள்ளே பதுங்கிக் கொண்டு அங்கு மறைத்து வைத்திருந்த துப்பாக்கியால் காவல்துறையினரை நோக்கி சுட்டுள்ளான். அப்போது சரணடையும்படி எச்சரிக்கை விடுத்தும் சரணடையாமல் வெளியே வர மறுத்து  தப்பி செல்ல திட்டம் தீட்டியதாக தெரிகிறது. இதனால் வேறு வழியின்றி காவல்துறையினர் ரவுடி திருவேங்கடத்தை இரண்டு முறை துப்பாக்கியால் சுட்டதில் மார்பிலும், வயிற்றிலும் துப்பாக்கி குண்டு பாய்ந்ததில் சுருண்டு விழுந்த அவனை மீட்டு மாதவரத்தில் உள்ள தனியார் மருத்துவமனை கொண்டு சென்றனர்.

nn

அங்கு உடலைப் பரிசோதித்த மருத்துவர்கள் ஏற்கனவே இறந்து விட்டதாக தெரிவித்ததை தொடர்ந்து ரவுடி திருவேங்கடத்தின் உடலைக் கைப்பற்றி உடற்கூறு ஆய்வுக்காக சென்னை ஸ்டான்லி மருத்துவமனைக்கு அனுப்பி வைத்த புழல் காவல்துறையினர் சம்பவம் தொடர்பாக வழக்குப்பதிவு செய்து விசாரணை நடத்தி வருகின்றனர். பகுஜன் சமாஜ் கட்சியின் மாநிலத் தலைவர் ஆம்ஸ்ட்ராங் கொலை வழக்கில் தொடர்புடைய முக்கிய குற்றவாளியை காவல்துறையினர் துப்பாக்கியால் சுட்டு கொன்ற சம்பவம் பரபரப்பை ஏற்படுத்தியுள்ளது. இதன் காரணமாக காவல்துறையினரால் சுட்டுக் கொல்லப்பட்ட ரவுடி திருவேங்கடத்தின் உடல் வைக்கப்பட்டுள்ள ஸ்டான்லி மருத்துவமனைக்கு நீதிபதி ஒருவர் முன்பு உடற்கூறாய்வு நடைபெற உள்ளது.மேலும் என்கவுன்டர் நடைபெற்ற இடத்தில் காவல்துறை உயரதிகாரிகள் ஆய்வு செய்து வருகின்றனர்.

தற்போது என்கவுன்டர் செய்யப்பட்ட திருவேங்கடம் உள்ளிட்ட 11 பேரும் ஆம்ஸ்ட்ராங்கை வெட்டி படுகொலை செய்யும் புதிய காட்சிகளை காவல்துறை வெளியிட்டுள்ளது. முன்னதாக வெளியான சிசிடிவி காட்சியில் கொலையை நிகழ்த்திவிட்டு தப்பியோடும் காட்சிகள் மட்டும் வெளியாகி இருந்த நிலையில் தற்போது வெளியான புதிய காட்சி பரபரப்பை ஏற்படுத்தியுள்ளது.