பள்ளி, கல்லூரிகளுக்கு விடுமுறை; வெளியான அதிரடி உத்தரவு!

வடகிழக்கு பருவமழை தொடங்கியுள்ள நிலையில், வங்கக் கடலில் ‘டிட்வா’ புயல் உருவாகியுள்ளது. இந்த புயல், தென்மேற்கு வங்கக்கடல் மற்றும் அதனை ஒட்டி இருக்கக்கூடிய இலங்கை கடற்கரை வழியாக வடக்கு வடமேற்கு திசையை நோக்கி நகர்ந்து, வரும் 30ஆம் தேதி அதிகாலையில், வட தமிழ்நாடு, புதுச்சேரி மற்றும் அதனை ஒட்டி இருக்கக்கூடிய தெற்கு ஆந்திர பிரதேச கடற்கரையை நோக்கி நகரக்கூடும் என்று தெரிவிக்கப்பட்டுள்ளது.

இதன் காரணமாக, கடலோர மாவட்டங்கள், காவிரிப்படுகை மாவட்டங்கள், வட கடலோர மாவட்டங்களுக்கு மிக கனமழைக்கான எச்சரிக்கை விடுக்கப்பட்டுள்ளது. குறிப்பாக ஒரு சில இடங்களில் அதிக கனமழை பெய்ய வாய்ப்பு உள்ளதால் தமிழகத்திற்கு இரு நாட்களுக்கு ரெட் அலர்ட் எச்சரிக்கையும் விடுக்கப்பட்டுள்ளது.டிட்வா புயல் வலுவடைய உள்ள நிலையில், தமிழகத்தில் உள்ள பல்வேறு இடங்களில் கனமழை, மற்றும் மிக கனமழை பெய்து வருகிறது.

இந்த நிலையில், தமிழகத்தில் உள்ள அனைத்து பள்ளிகளுக்கும் நாளை (29-11-25) விடுமுறை அளிக்கப்பட்டுள்ளது. இது தொடர்பாக பள்ளி கல்வித்துறை தெரிவித்துள்ளதாவது, தமிழகத்தில் உள்ள அனைத்து பள்ளிகளுக்கும் விடுமுறை அளிக்கப்படுவதாகவும் பள்ளிகளில் சிறப்பு வகுப்புகள் நடத்தக்கூடாது என்றும் உத்தரவிட்டுள்ளது. மேலும், மயிலாடுதுறை உள்ள கல்லூரிகளுக்கு விடுமுறை அளிக்கப்படுவதாக உத்தரவிட்டுள்ளது.