எம்.நடராஜன் காலமானார்!

வி.கே.சசிகலாவின் கணவர் எம்.நடராஜன் காலமானார். அவருக்கு வயது 76.

நடராஜனுக்கு கடந்த ஆண்டு அக்டோபர் மாதம் உடல்நல குறைவு ஏற்பட்டது. அவரது கல்லீரல், சிறுநீரகம் இரண்டும் செயல் இழந்தது. இதனை தொடர்ந்து அவருக்கு உடல் உறுப்பு மாற்று அறுவை சிகிச்சை செய்யப்பட்டது.

இந்த நிலையில் கடந்த 16-ந் தேதி நடராஜனுக்கு மீண்டும் உடல்நல குறைவு ஏற்பட்டு குளோபல் மருத்துவமனையில் அனுமதிக்கப்பட்டார். அங்கு தீவிர சிகிச்சை பிரிவில் நடராஜனுக்கு சிகிச்சை அளிக்கப்பட்டது.

இந்த நிலையில் இன்று (மார்ச் 20) அதிகாலை 1.35 மணிக்கு சென்னை குளோபல் மருத்துவமனையில் காலமானார்.