Skip to main content

ஐஏஎஸ் தேர்வில் வெற்றி பெற்றவர்களை பாராட்டிய மாவட்ட ஆட்சியர்...

Published on 06/08/2020 | Edited on 06/08/2020
cuddalore

 

 

மத்திய அரசு பல்வேறு பணியிடங்களுக்கு மத்திய அரசு தேர்வாணையம் மூலம் தேர்வு நடத்தி தகுதியானவர்களை தேர்ந்தெடுத்து அரசு பணியில் நியமனம் செய்து வருகிறது. அந்த வகையில் கடந்த ஆண்டு ஐஏஎஸ், ஐபிஎஸ் உள்ளிட்ட உயரதிகாரிகள் பணியிடங்களுக்கான சிவில் சர்வீஸ் தேர்வு நடத்தப்பட்டது.

 

அதில் கடலூர் மாவட்டம் பண்ருட்டி தாலுகா மருங்கூர் சேர்ந்த இராமநாதன் மகள் ஐஸ்வர்யா தேசிய அளவில் 47 இடத்தையும் தமிழக அளவில் இரண்டாவது இடத்தையும், கண்டரக்கோட்டை பகுதியைச் சேர்ந்த சிவப்பிரகாசம் மகள் பிரியங்கா தேசிய அளவில் 68-வது இடத்தையும் தமிழக அளவில் மூன்றாவது இடத்தையும், பண்ருட்டி ஒட்டியுள்ள புதுப்பேட்டையை சேர்ந்த சம்பத் மகள் கிருஷ்ணபிரியா தேசிய அளவில் 514 இடத்தை பிடித்து தேர்ச்சி பெற்றுள்ளார்.

 

இவர்கள் மூவரும் பண்ருட்டி அருகிலுள்ள பகுதியைச் சேர்ந்தவர்கள். ஒரே மாவட்டத்தை சேர்ந்த இவர்களை நேற்று மாவட்ட ஆட்சியர் சந்திரசேகர் சகா மூரி, தமது அலுவலகத்திற்கு வரவழைத்து மூவருக்கும் பூங்கொத்து கொடுத்தும், சால்வை அணிவித்தும் பாராட்டி வாழ்த்தினார். இதில் பிரியங்கா கிருஷ்ணபிரியா ஆகிய இருவரும் அவர்களது பெற்றோர்கள் உடன் கலந்து கொண்டனர். ஐஸ்வர்யா ரயில்வேயில் வேலை பார்த்து வருவதால் அவருக்கு பதிலாக அவர் தந்தை ராமநாதன் தாய் இளவரசி ஆகியோர் வந்திருந்தனர். 

 

தேர்வில் வெற்றி பெற்றுள்ள மூவரும் சிறந்த முறையில் அரசு பணி செய்து இந்திய ஆட்சி பணியில் சிறந்த பணியாளர்களாக பேரும் புகழும் பெற வேண்டும் என்று மாவட்ட ஆட்சியர் வாழ்த்தி பேசி தெரிவித்துள்ளார் மாவட்ட ஆட்சியர். மூன்று மாணவிகள் ஐஏஎஸ் தேர்வில் வெற்றி பெற்றதை அறிந்து அவர்களை வரவழைத்து வாழ்த்து தெரிவித்தது, பொதுமக்கள் மற்றும் வெற்றி பெற்ற மாணவிகள் அவர்களது உறவினர்கள் மத்தியில் பெரும் சந்தோஷத்தை ஏற்படுத்தியுள்ளது. 

 

 

சார்ந்த செய்திகள்

Next Story

“எதிரணியாக இருந்தாலும் அடையாளம் காட்டுங்கள் வாக்கு சேகரிக்கிறேன்” - தங்கர்பச்சான்

Published on 26/03/2024 | Edited on 26/03/2024
Cuddalore Constituency pmk  candidate director Thangabachan launched  campaign

கடலூர் தொகுதி பாமக வேட்பாளர் இயக்குநர் தங்கபாச்சன் அவரது மாந்தோப்பில் பிரச்சாரத்தை துவக்கி பாமக மற்றும் கூட்டணி கட்சியினரை உற்சாகப்படுத்தினார்.

கடலூர் மக்களவை தொகுதி பாமக வேட்பாளர் இயக்குநர் தங்கர்பாச்சன் செவ்வாய்க்கிழமை அவரது சொந்த ஊரான பத்திரக்கோட்டையில் உள்ள அவரது மாந்தோப்பில் தேர்தல் பிரச்சாரத்தை துவக்கினார். அப்போது அவர் பேசியதாவது கும்பல், கும்பலாக கூடி பேசாமல், தனித்தனியாக வீடு, வீடாக வாக்கு சேகரிப்பில் ஈடுபட வேண்டும். இந்த தேர்தல் மிகப்பெரிய மாற்றத்தை ஏற்படுத்தும், என்னிடம், எதிரணியராக இருந்தாலும் அடையாளம் காட்டுங்கள், அவர்களிடம் நான் பேசி வாக்கை பெறுகிறேன்.

நான் கடந்த 15 ஆண்டுகளுக்கு மேலாக பாட்டாளி மக்கள் கட்சியுடன் தொடர்பில் இருந்து வருகிறேன். தற்போது  அரசியலுக்காக வெளியே வந்துள்ளேன். பாட்டாளி மக்கள் கட்சியின் வெற்றிக்கு அனைவரும் உறுதி ஏற்க வேண்டும். சமூக வலைத்தளங்களில் பரப்புவதை மட்டும் நமது நோக்கமாக இருக்கக் கூடாது, அது வாக்காக மாறாது. கட்சியின் கொள்கைகளை மக்களிடத்தில் கொண்டு போய் சேர்த்தால் பல லட்சம் வாக்குகளாக மாறும். இந்தத் தொகுதியில் அன்புமணி மைத்துனர் நிற்பதாக கூறி வருகிறார்கள். யார் நிற்பதை பற்றியும் கவலைப்பட தேவையில்லை. தேர்தல் பணியை மேற்கொள்ளுங்கள் என்றார். இவருடன் பாட்டாளி மக்கள் கட்சியின் மாவட்ட செயலாளர் ஜெகன் மற்றும் கூட்டணி கட்சிகளின் நிர்வாகிகள் உடன் இருந்தனர்.

Next Story

கடலூர் பாராளுமன்ற தொகுதி காங்கிரஸ் வேட்பாளர் வேட்பு மனு தாக்கல்

Published on 26/03/2024 | Edited on 26/03/2024
Cuddalore Parliamentary Constituency Congress candidate filing nomination

கடலூர் பாராளுமன்ற தொகுதியில் இந்தியா கூட்டணியில் திமுக தலைமையில் காங்கிரஸ் கட்சியின் சார்பில் எம்.கே.விஷ்ணு பிரசாத் வேட்பாளராக அறிவிக்கப்பட்டார்.  இதனைத் தொடர்ந்து இவர் கடலூர் மாவட்டத்தில் உள்ள தமிழக வேளாண் மற்றும் உழவர் நலத்துறை அமைச்சர், தொழிலாளர் நலத்துறை அமைச்சர், காங்கிரஸ் கட்சியினர், கூட்டணி கட்சியினர் உள்ளிட்ட அனைத்து முக்கிய நிர்வாகிகளையும் சந்தித்து ஆதரவு திரட்டினார்.

இதனைத் தொடர்ந்து செவ்வாய்க்கிழமை மதியம் கடலூர் மாவட்ட ஆட்சியர் அலுவலகத்தில் உள்ள தேர்தல் அலுவலரிடம் வேட்பு மனு தாக்கல் செய்தார். இவருடன் தமிழக வேளாண் மற்றும் உழவர் நலத்துறை அமைச்சர் எம் ஆர் கே பன்னீர்செல்வம், தமிழக தொழிலாளர் நலன் மற்றும் மேம்பாட்டு துறை அமைச்சர் சி.வெ கணேசன் காங்கிரஸ் கட்சியின் முன்னாள் மாநில தலைவர் கே எஸ் அழகிரி, காட்டுமன்னார்கோவில் சட்டமன்ற உறுப்பினர் சிந்தனைச் செல்வன் ஆகியோர் உடன் இருந்தனர்.

இதனைத் தொடர்ந்து  வேட்பாளர் வேட்பாளர் எம். கே. விஷ்ணு பிரசாத் செய்தியாளர்களை சந்தித்து பேசுகையில், “கடலூர் பாராளுமன்ற தொகுதியான நெய்வேலி சட்டமன்ற தொகுதியில் உள்ள என்.எல்.சி இந்தியா நிறுவனத்தில் வெளிமாநிலத்தில் உள்ளவர்கள் அதிக அளவில் பணியில் உள்ளனர். இதில் தமிழகத்தில் உள்ளவர்களை பணியாற்ற நடவடிக்கை எடுப்பேன். மேலும் கடலூர் தொகுதிக்கு நான் புதியது என்றாலும் இங்குள்ள அமைச்சர் எம் ஆர் கே பன்னீர்செல்வம் மற்றும் சி.வெ கணேசன் ஆகியவரின் அறிவுறுத்தல் படி  தேவையான அனைத்து திட்டங்களையும் செயல்படுத்த நடவடிக்கை மேற்கொள்வேன்” என கூறினார்

இந்நிகழ்வில் எம்எல்ஏக்கள் கடலூர் ஐயப்பன்,  நெய்வேலி சபா ராஜேந்திரன், விருதாச்சலம் ராதாகிருஷ்ணன், கடலூர் மாநகராட்சியின் துணை மேயர் தாமரைச்செல்வன், திமுக நகர செயலாளர் ராஜா மற்றும் கூட்டணி கட்சி நிர்வாகிகள் உடன் இருந்தனர்.