Skip to main content

தொகுதிவாசிகளுக்குத்தான் சீட்! - ராகுல்காந்திக்கு போகும் புகார்கள்!

Published on 19/02/2021 | Edited on 19/02/2021

 

ddd

 

ஒவ்வொரு தேர்தலின்போதும் காங்கிரசுக்கு ஒதுக்கப்படும் தொகுதிகளில், தொகுதிக்குச் சம்பந்தமில்லாத பலரும் சீட் வாங்கி விடுகின்றனர். இதனால் காலம் காலமாக உழைத்த தொண்டர்களுக்குப் போட்டியிட வாய்ப்பு கிடைப்பதில்லை. டெல்லியில் உள்ள மேலிடச் செல்வாக்கைப் பயன்படுத்தி பணம் படைத்த பலரும் சீட் வாங்கி விடுவதால், உழைக்கும் அடிமட்ட தொண்டர்களுக்கு சீட் கிடைப்பதே இல்லை என்கிற குரல் தமிழக காங்கிரசில் வலுத்து வருகிறது. 

 

இந்த நிலையில், இந்த முறை சட்டமன்றத் தேர்தலில் அப்படி நடந்து விடக்கூடாது என இப்போதே டெல்லி தலைமைக்குப் புகார்களை அனுப்பி வருகிறார்கள் உண்மையான கதர்ச்சட்டை தொண்டர்கள். குறிப்பாக, தமிழக காங்கிரசில் வேட்பாளர்களைத் தேர்வு செய்வதில் சில முக்கிய விசயங்களைப் பின்பற்ற வேண்டும் என கோஷ்டி அரசியலில் சிக்காத கதர்ச்சட்டை நிர்வாகிகள், ராகுல் காந்திக்குத் தகவல் அனுப்பியுள்ளனர்.  

 

அதாவது, ’’தொகுதியில் இருப்பவர்களுக்கு மட்டுமே இந்த முறை சீட் வழங்க வேண்டும். மாவட்டம் மாறி, தொகுதி மாறி சீட்டு கேட்பவர்களுக்கு வாய்ப்பு தரக்கூடாது. கட்சியின் தலைவராக இருந்தாலும் இந்த நடைமுறையைக் கடைப்பிடியுங்கள். 

 

திமுக கூட்டணியில் எந்த தொகுதியை வேண்டுமானாலும் கேட்டு வாங்குங்கள். அது பிரச்சனை இல்லை. ஆனால், காங்கிரசுக்கு ஒதுக்கப்படும் தொகுதியில் சம்மந்தப்பட்ட தொகுதியைச் சேர்ந்தவரையே வேட்பாளராகத் தேர்வு செய்ய வேண்டும். தொகுதியின் வாக்காளர் பட்டியலில் சம்மந்தப்பட்டவரின் பெயர் இருப்பதோடு, சம்மந்தப்பட்டவர் தொகுதியிலேயே வசித்தவராக, வசிப்பவராக இருப்பது அவசியம். தொகுதி மாறியோ, மாவட்டம் மாறியோ சீட்டுகள் யாருக்கும் ஒதுக்கக்கூடாது. 

             

அப்படி ஒதுக்கினால், தொகுதிமாறி நிற்கும் நபரால் ஜெயிக்க முடியாது. இந்த தேர்தலில் மண்ணின் மைந்தர்களைத்தான் வாக்காளர்கள் தேடுகிறார்கள். அதனால், இந்த ஒரு முறையாவது தொகுதியில் வசிப்பவர்களுக்கு சீட் வழங்குங்கள்‘’ என்று சோனியாவுக்கும் ராகுலுக்கும் மெசேஜ் பாஸ் செய்துள்ளனர் கோஷ்டிகளில் சிக்காத காங்கிரஸ் தொண்டர்கள். 
                      

’’இந்த குரல் நியாயமானதுதான். ஆனால் கட்சியில் உள்ள சாமானியர்களின் குரலை எங்கள் மேலிடம் பரிசீலிக்குமா, என்ன?’’ என்கிறார் முன்னாள் தலைவர் ஒருவர் நம்மிடம் நமட்டுச் சிரிப்புடன்!

 

 

சார்ந்த செய்திகள்

Next Story

மயிலாடுதுறை காங்கிரஸ் வேட்பாளர் அறிவிப்பு!

Published on 26/03/2024 | Edited on 26/03/2024
Mayiladuthurai Congress candidate announcement!

நாட்டின் 18ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டுள்ளது. மொத்தமாக ஏழு கட்டங்களாகத் தேர்தல் அறிவிக்கப்பட்டுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது. அந்த வகையில், தி.மு.க, அ.தி.மு.க., காங்கிரஸ், தேமு.தி.க., பா.ம.க., பா.ஜ.க. உட்படப் பல்வேறு கட்சிகள் தேர்தல் கூட்டணி, தொகுதிப் பங்கீடுகள் முடிவடைந்து வேட்பாளர்கள் அறிவிப்பு, தேர்தல் பிரச்சாரம், வேட்பு மனுத்தாக்கல் உள்ளிட்ட தேர்தல் பணிகளில் தீவிரமாக ஈடுபட்டு வருகின்றன.

இதற்கிடையே தமிழகத்தில் தி.மு.க. தலைமையிலான இந்தியா கூட்டணியில் காங்கிரஸ் கட்சிக்கு தமிழகம் மற்றும் புதுவையில் 10 தொகுதிகள் ஒதுக்கப்பட்டது. இதனையடுத்து காங்கிரஸ் சார்பில் போட்டியிடும் 8 வேட்பாளர்களின் பெயர்கள் ஏற்கனவே அறிவிக்கப்பட்டனர். இத்தகைய சூழலில் நாடாளுமன்ற மக்களவைத் தேர்தலில் போட்டியிடும் வேட்பாளர்களின் ஆறாவது பட்டியலை நேற்று (25.03.2024) காங்கிரஸ் வெளியிட்டிருந்தது. அதில் மொத்தம் 5 வேட்பாளர்கள் அறிவிக்கப்பட்டனர். அந்த அறிவிப்பில் தமிழகத்தின் திருநெல்வேலி மக்களவை தொகுதிக்கு ராபர்ட் புரூஸ் காங்கிரஸ் சார்பில் போட்டியிட உள்ளார். மேலும் விளவங்கோடு சட்டமன்றத் தொகுதியில் இருந்து தமிழ்நாடு சட்டப் பேரவைக்கு இடைத்தேர்தலில் போட்டியிடும் காங்கிரஸ் வேட்பாளராக டாக்டர் தாரஹாய் குத்பர்ட்டின் அறிவிக்கப்பட்டுள்ளார் எனத் தெரிவிக்கப்பட்டிருந்தது. அதேசமயம் தமிழகத்தின் மயிலாடுதுறை தொகுதியில் போட்டியிடும் வேட்பாளரின் பெயர் அறிவிக்கப்படாமல் இருந்து வந்தது.

இந்நிலையில் மயிலாடுதுறை மக்களவைத் தொகுதி காங்கிரஸ் வேட்பாளராக வழக்கறிஞர் ஆர்.சுதா போட்டியிட உள்ளதாக அக்கட்சித் தலைமை அறிவித்துள்ளது. இவர் சென்னை டாக்டர் அம்பேத்கர் சட்டக்கல்லூரியில் சட்டம் பயின்று சென்னை உயர் நீதிமன்றத்தில் வழக்கறிஞராக இருந்து வருகிறார். காங்கிரஸ் கட்சியில் நீண்ட காலமாக பணியாற்றி வருபவர் ஆர். சுதா. தமிழ்நாடு மகிளா காங்கிரஸ் தலைவியாகவும் பொறுப்பு வகித்து வருகிறார். மாணவப் பருவத்தில் இருந்தே காங்கிரஸ் கட்சியின் பல்வேறு பொறுப்புகளில் மிக நீண்ட காலமாக இருந்து வருகிறார். 

Next Story

நெல்லை மக்களவைத் தொகுதி, விளவங்கோடு இடைத்தேர்தலுக்கான காங்கிரஸ் வேட்பாளர்கள் அறிவிப்பு!

Published on 25/03/2024 | Edited on 25/03/2024
Nellai Lok Sabha Constituency Announcement of Congress candidate for the by elections!

நாட்டின் 18ஆவது நாடாளுமன்ற மக்களவைத் தேர்தலுக்கான தேதிகள் அறிவிக்கப்பட்டுள்ளது. மொத்தமாக ஏழு கட்டங்களாகத் தேர்தல் அறிவிக்கப்பட்டுள்ள நிலையில், முதற்கட்டமாகத் தமிழ்நாட்டில் ஏப்ரல் 19 ஆம் தேதி வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே தமிழகத்தில் உள்ள அரசியல் கட்சிகள் தேர்தல் பணியில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்துவிட்டது. அந்த வகையில், தி.மு.க, அ.தி.மு.க., காங்கிரஸ், தேமு.தி.க., பா.ம.க., பா.ஜ.க. உட்படப் பல்வேறு கட்சிகள் தேர்தல் கூட்டணி, தொகுதிப் பங்கீடுகள் முடிவடைந்து வேட்பாளர்கள் அறிவிப்பு, தேர்தல் பிரச்சாரம், வேட்பு மனுத்தாக்கல் உள்ளிட்ட தேர்தல் பணிகளில் தீவிரமாக ஈடுபட்டு வருகின்றன.

அதன் ஒரு பகுதியாக தமிழக முதலமைச்சரும் தி.மு.க. தலைவருமான மு.க. ஸ்டாலின் தமிழ்நாடு முழுவதும் இந்தியா கூட்டணி வேட்பாளர்களை ஆதரித்து தேர்தல் பிரச்சாரம் மேற்கொண்டு வருகிறார். இதற்கிடையே தமிழகத்தில் தி.மு.க. தலைமையிலான இந்தியா கூட்டணியில் காங்கிரஸ் கட்சிக்கு தமிழகம் மற்றும் புதுவையில் 10 தொகுதிகள் ஒதுக்கப்பட்டது. இதனையடுத்து காங்கிரஸ் சார்பில் போட்டியிடும் 8 வேட்பாளர்களின் பெயர்கள் ஏற்கனவே அறிவிக்கப்பட்டனர். அதேசமயம் தமிழகத்தின் மயிலாடுதுறை மற்றும் திருநெல்வேலி தொகுதியில் போட்டியிடும் வேட்பாளர்கள் அறிவிக்கப்படாமல் இருந்து வந்தன.

இந்நிலையில், நாடாளுமன்ற மக்களவைத் தேர்தலில் போட்டியிடும் வேட்பாளர்களின் ஆறாவது பட்டியலை காங்கிரஸ் வெளியிட்டுள்ளது. இதில் மொத்தம் 5 வேட்பாளர்கள் அறிவிக்கப்பட்டுள்ளனர். அதன்படி ராஜஸ்தான் மாநிலத்திற்கு 4 வேட்பாளர்களின் பெயர்கள் வெளியாகியுள்ளன. தமிழகத்தின் திருநெல்வேலி மக்களவை தொகுதிக்கு ராபர்ட் புரூஸ் காங்கிரஸ் சார்பில் போட்டியிட உள்ளார். மேலும் விளவங்கோடு சட்டமன்றத் தொகுதியில் இருந்து தமிழ்நாடு சட்டப் பேரவைக்கு இடைத்தேர்தலில் போட்டியிடும் காங்கிரஸ் வேட்பாளராக டாக்டர் தாரஹாய் குத்பர்ட்டின் அறிவிக்கப்பட்டுள்ளார். இதற்கான ஒப்புதலை காங்கிரஸ் கட்சியின் தேசிய தலைவர் மல்லிகார்ஜூனா கார்கே அளித்துள்ளார்.