தொடர் மழை; மின்கம்பி அறுந்து விழுந்து ஆடு, மாடுகள் பலி!

டெல்டா மாவட்டங்களில் நேற்று மதியத்தில் இருந்து இடைவிடாமல் தொடர்ந்து மழை பெய்து வருகிறது. இதனால் பொதுமக்களின் இயல்பு வாழ்க்கை பாதிக்கப்பட்டுள்ளது. புதுக்கோட்டை, தஞ்சாவூர், திருவாரூர், நாகபட்டினம், மயிலாடுதுறை உள்பட டெல்டா கடலோர மாவட்டங்களில் தண்ணீர் தேங்கும் தாழ்வான பகுதியில் உள்ள குடியிருப்புகளில் வசிக்கும் மக்களை பாதுகாப்பாக முகாம்களுக்கு மாற்றியுள்ளனர்.

இதனிடையே, தஞ்சாவூர் மாவட்டம் பேராவூரணி அருகில் உள்ள பைங்கால் உக்கடை கிராமத்தில் வயல் பகுதியில் மின்கம்பி அறுந்து கிடந்துள்ளது. இந்த நிலையில் மேய்ச்சலுக்கு சென்ற பழனிவேல் என்பவரின் பசுமாடு மற்றும் சிந்தாமணி என்பவரின் ஆடு ஆகியவை மேய்ச்சல் முடிந்து வீடு திருமம்பும் போது ஆடு, மாடுகள் அறுந்து கிடந்த மின்கமம்பியில் மிதித்ததால் மின்சாரம் தாக்கி அதே இடத்தில் பலியான துயர சம்பவம் நடந்துள்ளது. சம்பவம் குறித்து வட்டடாட்சியர் உள்பட அதிகாரிகள் விசாரனை செய்து வருகின்றனர்.