“பாகிஸ்தானின் ஒவ்வொரு அங்குலத்தையும்...” - எச்சரிக்கை விடுத்த ராஜ்நாத் சிங்

இந்தியாவின் அண்டை நாட்டின் ஒவ்வொரு அங்குலத்தையும் பிரம்மோஸ் ஏவுகணைகள் துளைக்கும் என பாகிஸ்தானுக்கு மத்திய பாதுகாப்புத்துறை அமைச்சர் ராஜ்நாத் சிங் எச்சரிக்கை விடுத்துள்ளார்.

உத்தரப் பிரதேச மாநிலம், லக்னோவின் சரோஜினி நகரில் அதிநவீன பிரிவு, ஏவுகணை ஒருங்கிணைப்பு, சோதனை மற்றும் இறுதி தர சோதனைகளுக்கான அனைத்து நவீன வசதிகளையும் கொண்டு ஏரோபேஸ் ஆலை உள்ளது. இந்த ஆலையில், பிரம்மோஸ் ஏரோஸ்பேஸ் ஏவுகணை அமைப்பின் முதல் தொகுப்பை வெற்றிகரமாக தயாரித்துள்ளது. வெற்றிகரமான சோதனைக்குப் பிறகு, ஏவுகணைகள் இந்திய ஆயுதப் படைகளால் பயன்படுத்த தயாராக உள்ளன என்று கூறப்படுகிறது.

இந்த நிலையில், லக்னோ விண்வெளி நிலையத்தில் தயாரிக்கப்பட்ட உள்நாட்டு பிரம்மோஸ் ஏவுகணைகளின் முதல் தொகுப்பை மத்திய பாதுகாப்ப்புத் துறை அமைச்சர் ராஜ்நாத் சிங் மற்றும் உத்தரப் பிரதேச முதல்வர் யோகி ஆதித்யநாத் ஆகியோர் இன்று (18-10-25) கொடியசைத்து தொடங்கி வைத்தனர். இந்த நிகழ்ச்சியில் பேசிய ராஜ்நாத் சிங், “ஆபரேஷன் சிந்தூர் நடவடிக்கையின் போது இந்தியாவின் பாதுகாப்பிற்கு பிரம்மோஸ் பயனுள்ளதாக நிரூபிக்கப்பட்டது. வெற்றி பெறுவது வெறும் ஒரு சம்பவம் மட்டுமல்ல, அது நமது பழக்கமாகிவிட்டது. பாகிஸ்தானின் ஒவ்வொரு அங்குல நிலமும் பிரம்மோஸின் கைக்கு எட்டக்கூடிய தூரத்தில் உள்ளது. ஆபரேஷன் சிந்தூரில்  நடந்தது வெறும் டிரெய்லர்தான், ஆனால் அந்த டிரெய்லர் மட்டுமே இந்தியா பாகிஸ்தானைப் உருவாக்க முடிந்தால், நேரம் வரும்போது, ​​அதுவும் முடியும் என்பதை பாகிஸ்தானுக்கு உணர்த்தியது இப்போது, ​​நான் உங்களுக்கு மேலும் சொல்லத் தேவையில்லை, நீங்கள் அனைவரும் புத்திசாலிகள்.

பிரம்மோஸ் ஏவுகணையின் நடைமுறைச் செயல் விளக்கத்தில், நமது எதிரிகள் தப்பிக்க மாட்டார்கள் என்பதை நிரூபித்துள்ளது. பிரம்மோஸ் ஏவுகணை வெறும் ஆயுத அமைப்பு மட்டுமல்ல, இந்தியாவின் வளர்ந்து வரும் உள்நாட்டு திறன்களின் சின்னம். வேகம், துல்லியம் மற்றும் சக்தியை பிரம்மோஸ் ஒருங்கிணைத்து உலகின் சிறந்த அமைப்புகளில் ஒன்றாக மாறியுள்ளது. இன்று இது இந்திய ராணுவம், கடற்படை மற்றும் விமானப்படையின் முதுகெலும்பாக மாறியுள்ளது. இந்திய ஆயுதப் படைகளின் முக்கிய தூணாக பிரம்மோஸ் மாறியுள்ளது. இந்த பிரம்மோஸ் வசதி சுமார் 200 ஏக்கரில் கட்டப்பட்டுள்ளது. இதன் மொத்த செலவு சுமார் ரூ. 380 கோடி. மேலும் இது நூற்றுக்கணக்கான மக்களுக்கு வேலைவாய்ப்பை வழங்கும். இது கனவுகளை நனவாக்க முடியும் என்ற நாட்டின் நம்பிக்கையை வலுப்படுத்தியுள்ளது. லக்னோ தளத்திலிருந்து ஒவ்வொரு ஆண்டும் கிட்டத்தட்ட 100 ஏவுகணைகள் ஏவப்படும். அவை மூன்று சேவைகளுக்கும் வழங்கப்படும்” எனத் தெரிவித்துள்ளார்.