Advertisment

‘டிட்வா’ புயல் எதிரொலி : பள்ளி, கல்லூரிகளுக்கு விடுமுறை அறிவிப்பு!

rain-holiday-ai-image

சித்தரிக்கப்பட்ட படம்

வடகிழக்கு பருவமழை தொடங்கியுள்ள நிலையில், வங்கக் கடலில் ‘டிட்வா’ புயல் உருவாகியது. இந்த புயல், தென்மேற்கு வங்கக்கடல் மற்றும் அதனை ஒட்டி இருக்கக்கூடிய இலங்கை கடற்கரை வழியாக வடக்கு வடமேற்கு திசையை நோக்கி நகர்ந்து, நாளை (30.11.2025)  அதிகாலையில், வட தமிழ்நாடு, புதுச்சேரி மற்றும் அதனை ஒட்டியுள்ள தெற்கு ஆந்திர பிரதேச கடற்கரையை நோக்கி நகரக்கூடும் என்று தெரிவிக்கப்பட்டது. இதன் காரணமாக, தமிழக கடலோர மாவட்டங்கள், காவிரிப்படுகை மாவட்டங்கள், வட கடலோர மாவட்டங்களுக்கு மிக கனமழைக்கான எச்சரிக்கை விடுக்கப்பட்டது. 

Advertisment

அதிலும் குறிப்பாக, ஒரு சில இடங்களில் அதிக கனமழை பெய்ய வாய்ப்பு உள்ளதால் தமிழகத்திற்கு இரு நாட்களுக்கு ரெட் அலர்ட் எச்சரிக்கையும் விடுக்கப்பட்டள்ளது. இந்த வலுவடைய உள்ள நிலையில், தமிழகத்தில் உள்ள பல்வேறு இடங்களில் கனமழை மற்றும் மிக கனமழை பெய்து வருகிறது. இந்நிலையில் இந்திய வானிலை ஆய்வு மையத்தின் சார்பில் வெளியிடப்பட்டுள்ள வானிலை முன்னெச்சரிக்கை அறிவிப்பில், “ டிட்வா புயல் சென்னைக்கு 430 கி.மீ. தூரத்திலும், புதுச்சேரிக்கு 330 கி.மீ. தெற்கு தென்கிழக்கிலும், காரைக்காலுக்கு 220 கி.மீ. தெற்கு தென்கிழக்கிலும் மையம் கொண்டுள்ளது

Advertisment

அதாவது இலங்கை கடலோரப் பகுதிகளை ஒட்டிய தென்மேற்கு வங்க கடல் பகுதிகளில் மையம் கொண்டுள்ள டிட்வா புயல், கடந்த 6 மணி நேரத்தில் மணிக்கு 7 கி.மீ. வேகத்தில் வடக்கு திசையில் நகர்ந்து வருகிறது” எனத் தெரிவிக்கப்பட்டது. இந்நிலையில் டிட்வா புயல், கனமழை எச்சரிக்கை காரணமாக தஞ்சாவூர் மாவட்டத்தில் உள்ள அனைத்து பள்ளிகளுக்கும் இன்று (29.11.2025) விடுமுறை அறிவிக்கப்பட்டுள்ளது. இன்று சனிக்கிழமை என்றாலும் கூட மாணவர்களுக்கு எவ்விதமான சிறப்பு வகுப்புகளும் நடத்தக் கூடாது எனவும் உத்தரவு பிறப்பிக்கப்பட்டுள்ளது. அதே போன்று  பெரம்பலூர் மாவட்டத்தில் உள்ள பள்ளி மற்றும் கல்லூரிகளுக்கும் இன்று விடுமுறை அறிவித்து மாவட்ட ஆட்சியர் ந.மிருணாளினி உத்தரவு பிறப்பித்துள்ளார். அதோடு எவ்விதமான சிறப்பு வகுப்புகளும் நடத்தக் கூடாது எனவும் உத்தரவு பிறப்பிக்கப்பட்டுள்ளது. 

rain-holiday

மேலும், ராமநாதபுரம், ராமேஸ்வரம், ஆர்.எஸ். மங்களம் மற்றும் திருவாடானை ஆகிய 4  வட்டங்களில் உள்ள பள்ளிகளுக்கு இன்று (29.11.2025) விடுமுறை அறிவித்து ராமநாதபுரம் மாவட்ட ஆட்சியர் உத்தரவிட்டுள்ளார். திருவாரூர், கடலூர், மயிலாடுதுறை, நாகப்பட்டினம், கள்ளக்குறிச்சி, புதுக்கோட்டை, பெரம்பலூர் மற்றும் சிவகங்கை ஆகிய மாவட்டங்களில் உள்ள அனைத்து பள்ளி மற்றும் கல்லூரிகளுக்கும் இன்று விடுமுறை அளிக்கப்பட்டுள்ளது. தஞ்சாவூர், விழுப்புரம், அரியலூரில் உள்ள பள்ளிகளுக்கு மட்டும் இன்று விடுமுறை அளிக்கப்பட்டுள்ளது. 

colleges heavy rain holiday rain school cyclone ditwah
Advertisment
இதையும் படியுங்கள்
Here are a few more articles:
Read the Next Article
Subscribe