செஸ் கிராண்ட் மாஸ்டர் இளம்பரிதிக்கு முதல்வர் மு.க. ஸ்டாலின் வாழ்த்து!

தமிழ்நாட்டைச் சேர்ந்த 16 வயதான இளம்பரிதி என்ற இளம் செஸ் வீரர், செஸ் கிராண்ட் மாஸ்டர் பட்டத்தை வென்றுள்ளார். இதன் மூலம் இந்தியாவின் 90வது மற்றும் தமிழ்நாட்டின் 35வது கிராண்ட் மாஸ்டர் என்ற பெருமையை இளம்பரிதி பெற்றுள்ளதும் குறிப்பிடத்தக்கது. இந்நிலையில் செஸ் கிராண்ட் மாஸ்டர் இளம்பரிதிக்கு பாராட்டுகள் குவிந்து வருகின்றன. அந்த வகையில் முதல்வர் மு.க. ஸ்டாலின் எக்ஸ் சமூக வலைத்தளத்தில் வெளியிட்டுள்ள பதிவில், “தமிழ்நாட்டின் 35வது கிராண்ட்மாஸ்டர் இளம்பர்த்தி 64 சதுக்கங்களில் நமது ஆட்சியை பிரகாசமாக்குகிறார். 

அவர் வரலாற்றில் தனது திறமையுடன் போராடி, தனது பட்டத்தைப் பெற்று, தமிழ்நாட்டின் சாம்பியன் கிரீடத்தில் மற்றொரு ரத்தினத்தைச் சேர்த்துள்ளார். தமிழ்நாடு சதுரங்கத்தில் சூரியன் உதிக்கும் போது, ​ திராவிட மாடல் ஆட்சி ஒவ்வொரு நம்பிக்கைக்குரிய நகர்வையும் ஒரு திறமையான அல்லது புத்திசாலித்தனமான செயலாக மாற்றும்.  தமிழ்நாட்டில் இன்னும் பல செஸ் கிராண்ட் மாஸ்டர்கள் உருவாகி வருகின்றனர்” எனப் பெருமையோடு தெரிவித்துள்ளார். மேலும் துணை முதல்வர் உதயநிதி ஸ்டாலின் வெளியிட்டுள்ள பாராட்டு பதிவில், “ஒரு குறிப்பிடத்தக்க மைல்கல், தமிழகத்திற்கும் இந்திய சதுரங்கத்திற்கும் இன்னுமொரு பெருமைமிக்க தருணம்! 

இந்தியாவின் 90வது கிராண்ட்மாஸ்டராகவும், தமிழ்நாட்டின் 35வது கிராண்ட்மாஸ்டராகவும் ஆன இளம்பர்த்திக்கு வாழ்த்துக்கள். தமிழ்நாடு விளையாட்டு மேம்பாட்டு ஆணையத்தின் (SDAT) சாம்பியன்ஸ் மேம்பாட்டுத் திட்டத்தின் பெருமைமிக்க பயனாளியான அவர், போஸ்னியா மற்றும் ஹெர்சகோவினாவில் நடந்த கிராண்ட் மாஸ்டர் செஸ் போட்டியில் (GM4 Bijeljina 2025 Chess Festival) பங்கேற்று தனது கிராண்ட் மாஸ்டருக்கான தகுதியை பெற்றார். அவரது எதிர்கால சதுரங்கப் பயணத்தில் தொடர்ந்து வெற்றி பெறவும், இன்னும் பல வெற்றி நகர்வுகளைப் பெறவும் வாழ்த்துகிறேன்” எனக் குறிப்பிட்டுள்ளார்.