தமிழக துணை முதல்வரும், திமுக இளைஞரணி செயலாளருமான உதயநிதி ஸ்டாலினின் பிறந்தநாள் விழா கடந்த 27ஆம் தேதி திமுகவினரால் கொண்டாடப்பட்டது. அந்த வகையில், அவரது பிறந்தநாளையொட்டி, சென்னை பாரிமுனையில் சென்னை கிழக்கு மாவட்ட திமுக இளைஞரணி சார்பில் விழா ஒன்று நடைபெற்றது.

Advertisment

இந்து சமய அறநிலையத்துறை அமைச்சர் சேகர்பாபு தலைமையில் நடைபெற்ற இவ்விழாவில், திமுக எம்.பி ஆ.ராசா, பள்ளிகல்வித்துறை அமைச்சர் அன்பில் மகேஷ் பொய்யாமொழி, சென்னை மேயர் பிரியா, நடிகர் வலுவேலு உள்ளிட்டோர் பங்கேற்றனர். இந்த விழாவில் பேசிய வடிவேலு, “உதயநிதி ஸ்டாலின் அரசியலில் இறங்கி மக்களுக்கு பணி செய்ய வந்த உடனே அவரது உருவம், அவரது பேச்சு எல்லாமே சினிமாவுக்கும் இதற்கும் சம்பந்தமே இல்லாமல் இருக்கிறது. சினிமா பாணியை அவரது முகத்தில் பார்க்கவே முடியாது” என்று கூறினார்.

Advertisment

அதனை தொடர்ந்து நெஞ்சம் உண்டு நேர்மை உண்டு என்ற பாடல் வரிகளை பாடினார். அவர், “உண்டு உண்டு என்று நம்பி காலை,
இங்கு உன்னை விட்டால் பூமி ஏது கவலைவிடு, ரெண்டில் ஒன்று பார்ப்பதற்கு தோலை நிமித்து! ரெண்டில் ஒன்று பார்ப்பதற்கு
தோலைநிமிர்த்து! அதி நீதி வரவில்லை எனில் வாளை தொடுத்து” என்று பாடிய பிறகு எனக்கொரு மகன் பிறப்பான் பாடல் வரிகளையும் உதயநிதி ஸ்டாலினுக்காக பாடினார்.