தவறான கண்ணோட்டத்துடன் என்னை பார்க்காதீர் :பார்வதி ஓமனகுட்டன்
உலக அழகி போட்டியில் இரண்டாவது இடம் பெற்ற பார்வதி ஓமனகுட்டன், `பில்லா-2' படத்தின் மூலம் சினிமா கதாநாயகியாக அறிமுகம் ஆகிறார். படத்தில் இவர், அஜீத் ஜோடியாக நடித்து இருக்கிறார்.
`பில்லா-2' படப்பிடிப்பு தளத்தில் பார்வதி ஓமனகுட்டன் நிருபர்களுக்கு பேட்டி அளித்தார்.
`பில்லா-2' படத்தின் கதை என்ன, அதில் உங்கள் கதாபாத்திரம் என்ன?
அதை சொன்னால், சுவாரஸ்யம் போய்விடும். அஜீத்துக்கு ஜோடியாக, படத்தின் கதையை திசை திருப்பும் கதாபாத்திரத்தில் நான் நடிக்கிறேன். இந்த படம் ரசிகர்களை பெரிய அளவில் ஈர்க்கும் என்று மட்டும் என்னால் உறுதியாக சொல்ல முடியும்.
முன்னணி கதாநாயகியாக உயர்வதற்கு கவர்ச்சி அவசியம். நீங்கள் எப்படி, கவர்ச்சிக்கு எல்லை எதுவும் வைத்து இருக்கிறீர்களா?
பார்வதி ஓமனகுட்டன் உலக அழகி என்பதால் தாராளமாக கவர்ச்சி காட்டுவார் என்ற தவறான கண்ணோட்டத்துடன் யாரும் என்னை அணுக வேண்டாம். நான் நடிக்கிற வேடத்துக்கு எந்த அளவுக்கு கவர்ச்சியும், நெருக்கமும் தேவைப்படுகிறதோ, அதை நான் தயங்காமல் செய்வேன்.
நடிப்பு திறனை வெளிப்படுத்த உதவும் கதாபாத்திரம் அமைந்து, அந்த கதாபாத்திரத்துக்கு கவர்ச்சி தேவைப்பட்டால், நிச்சயம் செய்வேன்.
சினிமாவில் நீங்கள் சாதிக்க நினைப்பது என்ன? மிக சிறந்த நடிகை என்ற பெயர் வாங்க வேண்டும். எவ்வளவு கனமான கதாபாத்திரம் என்றாலும் பார்வதி ஓமனகுட்டன் வெளுத்துக் கட்டுவார் என்ற பெயர் வாங்க வேண்டும். நான் சாதிப்பேன் என்ற தன்னம்பிக்கை எனக்கு உண்டு. சிறந்த நடிகையாவதற்காக இரவு-பகலாக உழைக்கவும் தயாராக இருக்கிறேன்.''