விருதுநகர் மாவட்டம் ராஜபாளையத்தில் இந்திய கம்யூனிஸ்டு கட்சியின் 22-வது மாநில மாநாடு நடந்தது. மாநாட்டை இந்திய கம்யூனிஸ்டு கட்சியின் அகில இந்திய பொதுச்செயலாளர் ஏ.பி.பரதன் தொடங்கி வைத்து பேசினார். அப்போது அவர்,
’’சுரண்டலற்ற, அடக்கு முறையற்ற இந்தியா உருவாக வேண்டும். வளர்ச்சி அடைய வேண்டும் என்று இந்திய கம்யூனிஸ்டு கட்சி விரும்புகிறது. மக்களின் வாழ்வாதாரத்திற்காக கம்யூனிஸ்டு கட்சி போராடி வருகிறது. பொருளாதார நெருக்கடிக்கு காரணம் முதலாளித்துவம் தான். முதலாளித்துவத்தால் வறுமையை ஒழித்து விட முடியாது.
நாட்டில் உள்ள எல்.ஐ.சி. போன்ற பொதுத்துறை நிறுவனங்களை தனியார் மயமாக்க மத்திய அரசு கடும் முயற்சி செய்து வருகிறது. இதற்கு இடதுசாரிகள் கடும் எதிர்ப்பு தெரிவித்து பல்வேறு போராட்டங்களை நடத்தியதால் இன்னும் பொதுத்துறை நிறுவனங்கள் இங்கு செயல்படுகிறது. காங்கிரஸ் கட்சியை போலவே பாரதீய ஜனதாவும் முதலாளித்துவத்தை வளர்த்து வந்தது. க்முக்கிய கோரண்டம் த பா.ஜ.க. இந்திய மக்களை பல வகுப்புகளாக பிரித்து ஆட்சிக்கு வர முயற்சி செய்கிறது. இக்கட்சிகளுக்கு மாற்றாக மத்தியில் இடதுசாரிகள் மட்டும் இருக்க முடியும் என்பதை மக்கள் உணர்ந்து கொண்டு இதற்காக போராட முன்வர வேண்டும். வருகிற 28-ந்தேதி நடைபெற உள்ள வேலை நிறுத்தம் வரலாற்று சிறப்புமிக்க மக்கள் எழுச்சி போராட்டமாக அமைய வேண்டும்’’ என்றார் ஏபி. பரதன்.
மார்க்சிஸ்டு கட்சியின் மாநில செயலாளர் ஜி.ராம கிருஷ்ணன் பேசியபோது,
’’இரு கம்யூனிஸ்டு கட்சிகளும் இணைந்து ஒற்றுமையுடன் செயல்பட்டால்தான் போராட்டத்தில் வெற்றி காண முடியும். 95-ம் ஆண்டு தமிழகத்தில் நடைபெற்ற முதல் சட்டப் பேரவை தேர்தலில் 14 தொகுதிகளை கம்யூனிஸ்டு கைப்பற்றியது. இதில் தஞ்சை மாவட்டத்தில் மட்டும் 6 தொகுதிகளில் வெற்றி பெற்றது. ஒற்றுமையுடன் வெற்றியை எட்டியதற்கு இதை காரணமாக சொல்லலாம்’’ என்ற் தெரிவித்தார்.