யுத்தம்! 8 - நக்கீரன் கோபால்

அண்மைச் செய்திகள்

பிரதீபா பாட்டீல் கம்போடியா பயணம் || இலவச அமரர் ஊர்தி திட்டம்: எம்.ஆர்.கே. || பிற்படுத்தப்பட்டோருக்கு வருமான வரம்பு உயர்வு || பொது இடங்களை ஆக்கிரமிக்க தடை || பெரியார் சிலை சேதம்: 4 பேர் கைது || நடிப்பில் விருப்பமில்லை: கமல் மகள் அக்ஷரா || கள் குடித்து பலியானோர் எண்ணிக்கை உயர்வு || முதல்வர் கருணாநிதி திருச்சி பயணம் || போலி பூச்சி மருந்துகள்: விவசாயிகள் அதிர்ச்சி || ராஜபக்சேவின் அராஜகம் தொடர்கிறது: ரணில் || கடலோர பாதுகாப்பில் தமிழகம் முன்னோடி || மத்திய கண்காணிப்பு புதிய ஆணையர் நியமனம் || டாக்டர்கள் போராட்டம்: 50 பேர் உயிரிழப்பு ||

சிறப்பு கட்டுரை

சிறப்பு கட்டுரை

: Email this Article

திங்கட்கிழமை, 14, டிசம்பர் 2009 (11:58 IST)

Untitled Document

நடிப்பு-

கர்நாடகப் போலீசார்.

திரைக்கதை-இயக்கம் :

ஜெ. அரசு

-இதுதான்நக்கீரன் மீதான நடவடிக்கைகளின் பின்னணி. தவளை தன் வாயா லேயே தன்னை வெளிக்காட்டிக் கொள்வதுபோல, நாங்கள்தான் இந்தக் கைது நடவடிக்கையின் பின்னணியில்இருக்கிறோம் என்பதை சொல் லாமல் சொன்னார் ஜெ. அரசின் உள்துறைச் செய லாளராகஇருந்த நரேஷ் குப்தா. (தற்போதைய தமிழக தேர்தல் ஆணையர்)

தம்பிசிவா கடத்திக் கைது செய்யப்பட்டு ஒரு வாரம் கடந்த நிலையில், 2001 நவம்பர்27-ந் தேதியன்று சென்னை தலைமைச் செயலகத்தில் பத்தி ரிகையாளர்களைசந்தித்தார் உள்துறைச் செயலாளர் நரேஷ்குப்தா.

""நிருபர்சிவசுப்ரமணியன் கைது செய்யப்பட்டதில் தமிழக காவல்துறைக்கும் தமிழகஅதிரடிப்படைக்கும் எந்த சம்பந்தமும் இல்லை. கர்நாடக போலீசார்தான் அவரைகைது செய்துள்ளனர். கைது பற்றி கர்நாடக அரசிடம் தமிழக அரசு தகவல் கேட்டுள்ளது. கர்நாடக அரசிட மிருந்து தகவல் வந்ததும்தான் அடுத்தகட்ட நடவடிக்கைகுறித்து ஆலோசிக்கப்படும். தேவாரம் இரு மாநில அதிரடிப்படையின் தலைவர்.இந்த கைது விவகாரத்தில் அவருக்கு சம்பந்தம் இருக்கும் என்று நான்கருதவில்லை'' -என்று "எங்கப்பன் குதிருக்குள் இல்லை' என்பதுபோல அவரைஅறியாமல் தேவாரம் பெயரை சொல்லி பதிலளித்துக் கொண்டிருந்த நரேஷ்குப்தாவிடம் ஒரு நிருபர், ""ராஜ்குமாரை மீட்பதற்காக இரு மாநில அரசுகளும் அளித்தஉறுதி மொழிகளின்படி, இரு மாநில அரசுகளின் தூதராக சென்றவர்களை கைதுசெய்திருப்பது, உறுதிமொழியை மீறியதாக ஆகாதா?'' எனக் கேட்டார்.

எச்சிலைவிழுங்கிக் கொண்ட நரேஷ்குப்தா, ""கோபாலிடம் அளிக்கப்பட்ட அந்தஉறுதிமொழிகள் ராஜ்குமாரை மீட்கும் ஒரு சம்பவம் தொடர்பானது மட்டும்தான்.எப் போது வேண்டுமானாலும் காட்டுக்குள் போய்வரலாம் என்பதற்காக அல்ல.மேலும், கர்நாடக அரசு அப்படி ஒரு வாக்குறுதி அளித்ததா என்பது பற்றிஎனக்குத் தெரியாது. சிவசுப்ரமணியத்திடம் விசாரணை மேற்கொள்ளப்பட்டுவருகிறது'' என்றார். இதுதான் பூனைக்குட்டி வெளியே வந்த தருணம்.

ஜெ.அரசு எழுதிய திரைக்கதையின் ஒன் லைனைத்தான் நரேஷ்குப்தா தன் பேட்டியில்குறிப்பிட்டார். அந்த ஸ்கிரிப்ட் படி கர்நாடக போலீசார் நடித்துக்கொண்டிருந்தனர். தங்கள் மாநில முதல்வரான எஸ்.எம்.கிருஷ்ணாவுக்கு எதிராகவலை விரிக்கும் ஜெ. அரசின் திரைக்கதைக் கு அவர்கள் ஆக்ட் கொடுத் தார்கள்என்பதுதான் முக்கியமானது.

சென்னைசோழா ஓட்டலில் எஸ்.எம். கிருஷ்ணாவின் பி.ஏ. ராகவேந்திரா சாஸ்திரிதங்கியிருப்பதையறிந்து தம்பி காமராஜ், நமது ஆடிட்டர் ஜான் மோரீஸ்,அட்வகேட் பி.டி.பெருமாள் மூவரும் போய் சந்தித்தனர். சிவா கைது தொடர்பாகமூவரிடமும் வருத்தமான குரலில் பேசிய சாஸ்திரி, ""இது எங்க சி.எம்.முக்கும்ஹோம் மினிஸ்டருக்கும் தெரியாமலேயே நடந்த விஷயம். எங்க எஸ்.டி.எஃப் சீஃப்கெம்பையாகிட்டே பேச பல முறை நாங்க ட்ரை பண்ணியும் பிடிக்க முடியலை. ஹையர்அத்தாரிட்டிகளுக்குத் தெரியாமல் கெம்பையாவே தன்னிச்சையாக செயல் படுகிறார்.தமிழ்நாடு எஸ்.டி.எஃப்.பும் கெம்பையாவும் கைகோர்த்துக் கொண்டுசெயல்படுறாங்க. நாங்க என்ன பண்ண முடியும்?'' என தங்களின் நிலைமையைசொல்லியிருக்கிறார். தமிழ்நாடு அதிரடிப் படையுடன் கைகோர்த்துதான் கர்நாடகஅதிரடிப்படைத்தலைவர் செயல்படுகிறார் என கர்நாடகத் தரப்பு ஒப்புக்கொண்டபோதும், தேவாரத்திற்கு இதில் தொடர் பிருக்காது என முழு பூசணிக்காயை டிபன்பாக்ஸ் சோற்றில் மறைக்கப் பார்த்தார் தமிழக உள்துறைச் செயலாளர் நரேஷ்குப்தா.

சிவாவைபார்ப்பதற்கு அவரது துணைவியார் ஜெயந்தி சார்பில் சாம் ராஜ்நகர் கோர்ட்டில்மனு தாக்கல் செய்யப்பட்டது. பார்க்க அனுமதிக்குமாறு கர்நாடக காவல்துறைக்குநீதிபதி உத்தரவிட்டார். ஆனாலும், மைசூர் சிறை அதிகாரிகளிடமிருந்துஉடனடியாக அனுமதி கிடைத்துவிடவில்லை. காத்திருந்தோம்.

நமதுவழக்கறிஞர் ஈஸ்வரசந்திராவுக்கு, சிவா மீதான வழக்கின் விசாரணை அதிகாரிஒருவர் போன் செய்திருக்கிறார். ""சிவசுப்ர மணியத்தை நாளை நாங்கள் கொள்ளேகாலுக்கு கூட்டிக்கிட்டு வருவோம். நாங்க அங்கே வருவதற்கு மதியம் 12மணியாகும். 2 மணிக்குள்ளே உங்க க்ளையண்ட் வந்தால் பார்க்கலாம். இல்லேன்னாபார்க்க முடியாது'' எனச் சொல்ல, ஈஸ்வரசந்திரா உடனே இந்தத் தகவலை எனக்குசொல்ல தம்பிகள் சுப்பு, ஆத் தூர் சேகருக்கு போன் செய்து ஜெயந்தியையும்அவரது சகோதரரையும் (சிவாவின் மைத் துனர்) தயாராகும்படி சொல்லச் சொன்னேன்.

நேரில்சந்திக்க அதிகம் பேருக்கு அனுமதி கிடைக்காது. ஃபோட்டோக்களை எடுத்துக்கொண்டு போனால் நிறைய பேரின் முகங் களைப் பார்த்த திருப்தி தம்பிக்குகிடைக்கும். அது அவரது மனதுக்கு தைரியத்தைக் கொடுக்கும் என நினைத்தேன்.அதன்படி, சிவாவின் திருமண ஆல்பம், அவரது அம்மா-அப்பா போட்டோ ஆகியவற்றைஎடுத்துக் கொண்டு போகச் சொன்னேன். அத்துடன், சிவாவை சந்திக்க ஜெயந்திக்குஅனுமதி கிடைத்திருப்பது பற்றி நமது ஈரோடு வழக்கறிஞர் ப.பா.மோகனிடம்தெரிவிக்குமாறு தம்பி ஜீவாவிடம் சொன்னேன். கடத்திக் கைது செய்யப்பட்ட சிவாஎன்ன நிலையில் இருக் கிறார் என்பதை முதன் முதலாக தெரிந்து கொள்ளப் போகும்வாய்ப்பு என்பதால் நக்கீரன் டீம் எதிர்பார்ப்புடன் இருந்தது.

அந்த நேரத்தில், வழக்கறிஞர் ஈஸ்வர சந்திரா விடமிருந்து மறுபடியும் எனக்கு போன்.

""மிஸ்டர்கோபால் நாளைக்கு காலையில 9 மணிக்கெல்லாம் சாம்ராஜ்நகருக்கும் மைசூருக்கும்இடையிலே உள்ள சந்தேமரலி கிராமத்திற்கு வந்திடணுமாம். அங்கேதான் சிவாவைபார்க்க முடியும்னும் லேட்டா வந்தால் பார்க்க முடியாதுன்னும் அந்த ஐ.ஓ.(விசாரணை அதிகாரி) என்னிடம் சொன்னார்'' என்றார்.

மறுபடியும்பர பரப்பு. மதியம் 2 மணி வரை இருந்த அவகாசம், காலை 9 மணி எனசுருங்கிவிட்டது. கொள்ளேகால் பகுதியே உள்ளடங்கிய பகுதி. அதில் இந்தகிராமம் எங்கே இருக்கிறது, ஆத்தூரிலிருந்து சரியான நேரத்துக்குள்போய்விடமுடியுமா என்ற மலைப்பு தோன்றியது. அது ஒரு நொடிதான். அடுத்தநொடியே, தம்பிகளுக்கு தகவல் கொடுத்து வேகப்படுத்தினேன்.

இரவோடுஇரவாக ஜெயந்தியையும் அவரது அம்மா, சகோதரர் ஆகியோரையும் அழைத்துக்கொண்டுதம்பிகள் சுப்பு, சேகர், பாலமுருகன் நண்பர் நாகராஜ் அனைவரும் ஓசூரில்தம்பி ஜெ.பி வீட்டுக்குப் போனார்கள். அங்கிருந்து பொழுது விடியும்நேரத்தில் மைசூர் லாயர் வீட்டுக்கு அவர்களின் வாகனம் பறந்தது. நிமிடங்கள்கரைய கரைய பதட்டம் கூடிக்கொண்டே இருந்தது. லாயர் வீட்டிலிருந்து சந்தேமரலிகிராமம் நோக்கி அவர்களின் வாகனம் சென்றது. வழியெல்லாம் காடு. எந்தத்திசையில் போய்க் கொண்டிருக்கிறோம் என்பதைக்கூட புரிந்துகொள்ள முடியாத ஒருபயணம்.

சாம்ராஜ்நகர்மாவட்ட எல்லையில் உள்ள ஒரு குக்கிராமம் சந்தேமரலி. அங்கே போலீஸ் ஸ்டேஷன்என்ற பெயரில் ஒரு சின்ன இடம். அதிலே ஒரு குறுகலான பகுதியில் போலீஸ்காவலுக்கு நடுவே இருந்தார் தம்பி சிவா. அவரைப் பார்த்ததும் ஜெயந்தியின்கண்களுக்கு கண்ணீர் திரை கட்டின. அந்த குறுகலான இடத்தில் தான் சிவாவுடன்பேச வேண்டும் என ஜெயந்திக்கு உத்தரவிடப்பட்டது. தம்பிகளையும் மற்ற உறவினர்களையும் ஓரமாக நிற்கச் சொன்னது காக்கிகளின் விரைப்பு.

சிவாவைஅந்த குறுகலான இடத்தில் ஜெயந்தி சந்திக்க, அவர்களின் இருபுறமும் இரண்டுகர்நாடக காக்கிகள் தங்கள் தலையை நீட்டிக் கொண்டு நின்றார்கள். என்னபேசுகிறார்கள் என்று கவனிக்கும்படி மேலதிகாரிகளின் உத்தரவாம். அதனால்தான்முகத்தை உரசுவதுபோல நின்றிருக்கிறார்கள். இதைப் பதிவு செய்வதற்காக கேமராவைவெளியே எடுத்தார் அங்கு வந்திருந்த பாலிமர் சேனல் கேமராமேன் ரத்னகுமார்.

அடுத்த நொடி..

-(யுத்தம் தொடரும்)

தங்கள் கருத்துக்களை பதிவு செய்யவும் * Indicates mandatory fields
Name *	:
Email Id *	:
		Loading... Left: Press Ctrl+g to toggle between English and Tamil
Comment * (500)	: