யுத்தம் 7- நக்கீரன் கோபால்

அண்மைச் செய்திகள்

மனஅழுத்தத்தை குறைக்கும் இன்டர்நெட் || சோனியாவுக்கு சர்வதேச காங்கிரஸ் வாழ்த்து || கச்சத்தீவு அருகே தமிழக மீனவர்கள் மீது தாக்குதல் || 15 வயது சிறுமியின் திருமணம் ரத்து || பாமக துணையில்லாமல் ஆட்சி அமைக்க முடியாது: அன்புமணி ராமதாஸ் || திருச்சி என்ஐடி இயக்குநர் சஸ்பெண்ட் || சென்னையில் திருநங்கைகள் உண்ணாவிரதம் || பெரம்பலூர், விழுப்புரத்தில் கலைஞர் || திரைப்பட தயாரிப்பாளர் ராமநாயுடுவுக்கு தாதாசாகேப் பால்கே விருது || சாம்பியன்ஸ் லீக் அட்டவணை || தென்ஆப்பிரிக்காவில் சாம்பியன்ஸ் லீக் போட்டி || டெங்கு காய்ச்சல்: டெல்லியில் 1580 பேர் பாதிப்பு || காமன்வெல்த் ஏற்பாடுகள்: பிரதமர் ஆய்வு ||

சிறப்பு கட்டுரை

சிறப்பு கட்டுரை

: Email this Article

திங்கட்கிழமை, 14, டிசம்பர் 2009 (11:47 IST)

தம்பிசிவாவை கர்நாடகப் போலீசார் கடத்தி கைது செய்த அதே நாளில், தமிழகத்தில் ஜெஅரசின் போலீசும் தனது வலையை விரிக்கத் தொடங்கிவிட்டது. ஏற்கனவே விசாரணைமுடிந்த கந்தவேலு கொலை வழக்கை தொடர் விசாரணைக்கு அனுமதிக்கக் கோரி பவானிகோர்ட்டில் நம்மை குறி வைத்து அமைக்கப்பட்ட சிறப்பு விசாரணை டீம் ஒருமனுவை தாக்கல் செய்தது. அதைப் போலவே, வெள்ளித்திருப்பூர் காவல்நிலையத்தில்துப்பாக்கிகள் கொள்ளையடிக்கப்பட்ட வழக்கிலும் சிவா வின் பெயரைசேர்த்துவிட்டு, அது தொடர்பாக அவரது துணைவியார் ஜெயந்திக்கு ஒரு தந்திகொடுத்தது. ஜெ போலீசின் ஆட்டம் வேகமெடுத்த நிலையில்....

கர்நாடகப்போலீசாரால் கைது செய்யப்பட்ட சிவாவை எங்கே வைத்திருக்கிறார்கள், என்னநிலையில் வைத்திருக்கிறார்கள் என்பதை வெளியே கசியவிடாமல் கர்நாடகஅதிரடிப்படையினர் கடும் இறுக்கத்துடன் செயல் பட்டதால், சென்னை உயர்நீதிமன்றத்தில் ஆட்கொணர்வு மனுவை (ஹேபியஸ் கார்பஸ்) நான் தாக்கல் செய்தேன்.நீதியரசர் ஜெகதீசன் முன்பாக இந்த மனு விசாரணைக்கு வந்தது.

ஒருவரைகைது செய்த 24 மணிநேரத்துக்குள் கோர்ட்டில் ஆஜர்படுத்த வேண்டும் என்பதுசட்டவிதி. நவம்பர் 20-ந் தேதி, கடத்திக் கைது செய்யப்பட்ட சிவாவை அதேநாளில் கொள்ளே கால் ஜூரிஸ்டிகேஷன் மாஜிஸ் திரேட் முன் ஆஜர்படுத்தியதாகநமக்கு அனுப்பிய கடிதத்தில் தெரிவித்திருந்தார் கர்நாடக மாநிலம்சாம்ராஜ்நகர் மாவட்ட எஸ்.பி. ஹரிசேகரன்.

On20-11-2001 P.Shiva subramanian, has been arrested in Ramapura PoliceStation (Cr.No.100/2001/ u/s 212 r/w 34 IPC) and produced before theJurisdictional Magistrate at Kollegal on the same day, who inturnremanded him to police custody till 5-12-2001.

கர்நாடகப்போலீசார் ரொம்பவும் யோக்கியமாக நடந்து கொண்டதுபோல அந்த கடிதத்தில்தெரிவிக்கப்பட்டிருந்தது. சிவா கடத்தப்பட்டு, இரண்டாம் நாள் இரவு வரை அவர்என்ன ஆனார் என்பதே தெரியாமல் நக்கீரன் குடும்பம் பரிதவித்தது நம்மனசாட்சிக்குத்தான் தெரியும். போலீஸ் அதிகாரி தன் கடிதத்தில் மனதார பொய்சொல்லியிருந்தார். கெட்டிக்காரன் பொய்யே எட்டு நாளைக்குத்தான் என்றால்,மேலிடத்துக் கட்டளைப்படி செயல்படும் காக்கிகளின் பொய்கள் எத்தனைநாளைக்குத் தாக்குப் பிடிக்கும்?

சிவாமீதான வழக்கு தொடர்பாக கர்நாடக கோர்ட்டு களிலிருந்து ஆவணங்களைப் பெறுகின்ற முயற்சியில் வழக்கறிஞர் ஈஸ்வரசந்திரா, அவரது ஜூனியர் புட்டண்ணாஆகியோரது துணை யுடன் தம்பிகள் ஜெ.பி.யும் சுப்புவும் ஆத்தூர் சேகரும்ஈடுபட்டிருந்தனர். அவர்களின் சளைக்காத முயற்சியால், கொள்ளேகால்மாஜிஸ்திரேட் கோர்ட்டிலிருந்து சிவாவை ரிமாண்ட் செய்ததற்கான ஆர்டர் காப்பிகிடைத்தது.

அது,சாம்ராஜ்நகர் எஸ்.பி.யின் பொய்யை சம்மட்டியால் நொறுக்கி தவிடுபொடியாக்கியது. நவம்பர் 21-ந் தேதி இரவு 8.15 மணிக்குத்தான் கொள்ளேகால்கோர்ட்டில் சிவா ஆஜர்படுத்தப்பட்டார் என்பதை அந்த ஆர்டர் காப்பிஅம்பலமாக்கியது. இந்த ஆதாரங்களுடன் நமது ஆட் கொணர்வு மனுவை ஏற்றுக்கொண்டசென்னை உயர்நீதிமன்றம், தமிழக- கர்நாடக மாநில அரசுகளுக்கு நோட்டீஸ்அனுப்பியது.

சிறைப்பட்டிருக்கும்சிவாவை ஜாமீனில் எடுப்பதற்கான மனு சாம்ராஜ்நகர் கோர்ட்டில் போடப் பட்டு,தள்ளுபடியானது. இதையடுத்து கர்நாடக உயர்நீதிமன்றத்தில் ஜாமீன் மனு தாக்கல்செய்தோம். நீதியரசர் குருராஜன் முன் விசாரணைக்கு வந்த இந்த மனுவில், நமதுசார்பில் ஆஜரானவர் கர்நாடகா வின் பிரபல வழக்கறிஞர் பசவபிரபு பாட்டீல்.இவர் சென்னை உயர்நீதிமன்ற முன் னாள் நீதியரசர் சிவராஜ் பாட்டீலின் மகனும்,மத்திய உள்துறை அமைச்சராக இருந்த சிவராஜ்பாட்டீலின் மருமகனு மாவார்.வாதத்தில் புலி. சிவா கைது நடவடிக்கையில் நடந்த சட்டமீறல்களையும்போலீசாரின் அராஜகங்களையும் புட்டு புட்டு வைத்தார். அரசுத் தரப்பு வைத்தசொத்தை வாதங்கள் செத்து விழுந்தன.

விசாரணைநடத்திய நீதியரசர் குருராஜன், சட்ட சவுக்கால் காவல்துறையை விளாசி னார்."மனுதாரர் (சிவசுப்ர மணியன்) ஒரு புலனாய்வுப் பத்திரிகையாளர் என்பதைமறந்துவிடக்கூடாது. இன்றைய நவீன கால பத்திரிகையியலில் உரிய கருவிகள்மூலமாகப் புலனாய்வு செய்து, வெளியுலகில் என்ன நடக்கிறது என்பதை மக்களிடம்சேர்த்து, அவர்களின் கவனத்தை ஈர்ப்பதுதான் நடை முறையாக இருக்கிறது. அவரிடமிருந்து கைப்பற்றப்பட்டதாக காவல்துறை சொல்லும் பொருட் களெல்லாம்பத்திரிகைத்துறை நடவடிக்கைக்கான (கேமரா, டேப்ரெகார்டர் உள்ளிட்ட)பொருட்களாகும்.

மனுதாரர்மீது வெடி பொருட்கள் சட்டப்பிரிவு 3, 5, 6 மற்றும் 9 ஆகியவற்றின் கீழ்வழக்குப் பதிவு செய்யப் பட்டுள்ளது. வெடிப்பொருட்கள் சட்டத்தில் 9-வதுபிரிவு என ஒன்றே கிடையாது. இல்லாத பிரிவில் வழக்குப் பதிவு செய்துள்ளதுஎன்ன வகையான நடவடிக்கை? மனுதாரர் ஒரு புலனாய்வுப் பத்திரிகை யாளர். அவர்ஒரு குற்றவாளியை சந்திக்கச் சென்றார் என்பதே குற்ற நடவடிக்கையாகி விடாது..இவற்றையெல் லாம் கவனத்தில் கொள்ளவேண்டும்' என நீதியரசர் அழுத்தமாகக்குறிப்பிட்டார். விசா ரணை தொடர்ந்தது. கர்நாடக உயர்நீதிமன்ற நீதியரசரின்கருத்து களையும் சென்னை உயர்நீதிமன்றத்தில் தாக்கல் செய்திருந்தஆட்கொணர்வு மனுவில் இணைத்தோம்.

சாம்ராஜ்நகர்நீதிமன்றத்தில் சிவசுப்ரமணியன் ஆஜர்படுத்தப் பட்டார். அவரது கைகளில்விலங்கு போடப் பட்டிருந்தது. கைவிலங்கு போட்டு கோர்ட்டுக்கு இழுத்துவந்ததை நீதிமன்ற வளாகத்தில் இருந்தவர்கள் அதிர்ச்சியுடன் பார்த்தனர்.சிவாவுக்கு நீதிமன்றக் காவல் நீட்டிக்கப்பட்டது. டிசம்பர் 22-ந் தேதிஆஜர்படுத்தவேண்டும் என உத்தரவிட்டார் சாம்ராஜ்நகர் நீதிபதி தேவராஜ் பட்.

கோர்ட்டுக்குசிவாவை கைவிலங்குடன் அழைத்து வந்ததை அதிர்ச்சியுடன் பார்த்த தம்பி ஜெ.பி.உடனே அதை தன் கேமராவில் க்ளிக் செய்தார். கைது செய்யப்பட்டவரை நடத்தவேண்டிய விதிமுறைகள் பற்றிய உச்சநீதி மன்றத்தின் டி.கே.பாசு வழக்கில்உச்சநீதி மன்றம் கொடுத்த தீர்ப்பின் வழிகாட்டுதல் களை கர்நாடகப் போலீசார்எப்படி மீறியுள்ளனர் என்பதை அந்தப் புகைப்படம் அம்பலமாக்கியது. இந்த மனிதஉரிமை மீறலை ஃபோட்டோ ஆதாரத்துடன் தேசிய மனித உரிமை ஆணையம், பிரஸ்கவுன்சில் உள்ளிட்ட அனைத்து அமைப்புகளுக்கும் நாம் அனுப்பினோம்.

சாம்ராஜ்நகர் கோர்ட்டில் நடந்த வழக்கிற்கான பெயில் மனுதான் கர்நாடக ஹைகோர்ட்டில்விசாரிக்கப்பட்டு வருகிறது. பெயில் கிடைத்துவிடும் என்ற எண்ணம் கர்நாடககாவல்துறையினருக்கு வந்துவிட்டது. அதனால், அடுத்த வழக்கை ரெடிசெய்துவிட்டனர்.

அது,வெள்ளித்திருப்பூர் காவல் நிலையத்தில் துப்பாக்கிகள் கொள்ளை யடிக்கப்பட்டவழக்கு. (இதற்காகத்தான் சிவாவின் துணைவியார் ஜெயந்திக்கு தந்தியைஅனுப்பியிருந்தது போலீஸ்) வெள்ளித்திருப்பூர் இருப்பது தமிழகத்தில்.கர்நாடகாவில் வைத்தே எல்லாவற்றையும் செய்துவிட்டு, இயக்கத்தை மட்டும் தன்கையில் வைத்துக்கொள்ளலாம் என நினைத்த ஜெயலலிதா அரசுக்கும் அதன்காவல்துறைக்கும், கர்நாடகாவில் நாம் மேற்கொண்ட சட்ட நடவடிக்கைகளின் வேகம்மிரள வைத்தது. அதனால், சிவாவை தமிழகத்துக்கு கொண்டு வந்து சிறைப்படுத்தும்நோக்கத்துடன் வெள்ளித்திருப்பூர் வழக்கை திணித்தனர். மைசூர் சிறையிலிருந்தசிவாவை வெள்ளித்திருப்பூர் வழக்கிற்காக தமிழகத்திற்கு கொண்டு செல்வதற்கானபி.ட்டி(கைதி இடமாற்றம்) வாரண்ட்டை மைசூர் சிறையதிகாரிகளிடம் கொண்டுபோய்கொடுத்தார் சி.பி.சி.ஐ.டி இன்ஸ்பெக்டர் பெரியசாமி.

இதையடுத்து,டிசம்பர் 21-ந் தேதி வெள்ளித்திருப்பூர் வழக்குக்காக தமிழ் நாட்டுக்குக்கொண்டு செல்வதால் 22-ந் தேதி இங்கு ஆஜர்படுத்த முடியாது என சாம்ராஜ்நகர்நீதிபதியிடம் தெரிவித்தனர் கர்நாடக காவல்துறை யினர். அவர்களின் உள்நோக்கத்தைப் புரிந்துகொண்ட நீதிபதி தேவ ராஜ்பட் கோபமடைந்தார். "எனக்கு சந்தேகமாகஉள்ளது. தமிழ்நாட்டுக்கும் கொள்ளேகாலுக்கும் 110 கிலோ மீட்டர்தான்.

21-ந்தேதி தமிழ்நாட்டில் ஆஜர்படுத்திவிட்டு, 22-ந் தேதி கொள்ளேகாலில் ஏன்ஆஜர்படுத்த முடியாது? உங்கள் செயல்பாட்டின் பின் னணியில் ஏதோ பெரிய சதிஇருக் கிறது. அவரது (சிவசுப்ரமணியன்) உயிருக்கு ஆபத்து ஏற்படுமோ எனசந்தேகப்படுகிறேன்'

-நீதிபதியேஅச்சப்படும் சூழ் நிலையை உருவாக்கிய கர்நாடகப் போலீசாரின் பிடிக்குள்சிக்கியிருந் தார் சிவா. மரண மிரட்டல்கள் தொடர்ந்தன. எல்லாவற்றுக்கும்பின்னணி ஜெயலலிதா அரசாங்கம்தான் என்பதை முதன்முதலில் வெளிப் படுத்தியவர்,தமிழகத்தின் அப்போதைய உள்துறைச் செயலாளர் நரேஷ்குப்தா...

அது...

(யுத்தம் தொடரும்)

தங்கள் கருத்துக்களை பதிவு செய்யவும் * Indicates mandatory fields
Name *	:
Email Id *	:
		Loading... Left: Press Ctrl+g to toggle between English and Tamil
Comment * (500)	: