அடுத்த விடுதலைப் போராட்டம்!

அண்மைச் செய்திகள்

பிரதீபா பாட்டீல் கம்போடியா பயணம் || இலவச அமரர் ஊர்தி திட்டம்: எம்.ஆர்.கே. || பிற்படுத்தப்பட்டோருக்கு வருமான வரம்பு உயர்வு || பொது இடங்களை ஆக்கிரமிக்க தடை || பெரியார் சிலை சேதம்: 4 பேர் கைது || நடிப்பில் விருப்பமில்லை: கமல் மகள் அக்ஷரா || கள் குடித்து பலியானோர் எண்ணிக்கை உயர்வு || முதல்வர் கருணாநிதி திருச்சி பயணம் || போலி பூச்சி மருந்துகள்: விவசாயிகள் அதிர்ச்சி || ராஜபக்சேவின் அராஜகம் தொடர்கிறது: ரணில் || கடலோர பாதுகாப்பில் தமிழகம் முன்னோடி || மத்திய கண்காணிப்பு புதிய ஆணையர் நியமனம் || டாக்டர்கள் போராட்டம்: 50 பேர் உயிரிழப்பு ||

சிறப்பு கட்டுரை

சிறப்பு கட்டுரை

: Email this Article

திங்கட்கிழமை, 9, நவம்பர் 2009 (11:43 IST)

எரிசக்திப்பிரச்னையைப் பற்றிச் சொல்லிக் கொண்டிருந்தேன் அல்லவா? பெட்ரோல் என்னும் விலங்கிலிருந்து நாம் விடுதலை அடைந்தே ஆக வேண்டும், உண்மையில் நம்முடைய அடுத்த விடுதலைப் போராட்டமாகவே அதைச் சொல்லலாம். அந்த சங்கிலியை உடைக்கப் போகும் டெக்னாலஜியின் பெயர்தான் “மாற்று எரிசக்தி’. கச்சா எண்ணெய் தவிர எத்தனையோ அற்புதமான சக்திகளை பஞ்ச பூதங்களாக இயற்கை ஒளித்து வைத்திருக்கிறது. அதைக் கண்டெடுப்பதுதான் நம் வேலை.

பொருளாதார ரீதியாகப் பார்க்கும் போது இந்தியாவினால் மாற்று எரிசக்தியைப் பயன்படுத்தும் நிலை ஏற்படும் சமயம் ஆண்டுக்கு எண்பது முதல் நூறு மில்லியன் டாலர்களை மிச்சப்படுத்த முடியும். பெட்ரோல் கச்சா எண்ணெய் எரி சக்தியிலிருந்து விடுபடுவது என்பது பொருளாதார ரீதியான விடுதலை மட்டும் அல்ல, சுற்றுச்சூழல் கேடு என்கிற மற்றொரு பெரும் அபாயத்தி லிருந்தும் நம்மைக் காப்பாற்றும்.

ஆப்பிரிக்காவின் கிளிமாஞ்சோரா மலையுச்சியில் இருக்கும் பனிப்பாறைகள் உருகி இன்னும் இருபது வருடங்களில் காணாமல் போய் விடும் என்கிற சமீபத்திய செய்தியைப் படிக்கும் போது மனதுக்கு மிகவும் கலக்கமாக இருக்கிறது. அங்கே மட்டும் அல்ல, இமயமலையில் கிளேஷியர்கள், ஜப்பானின் ஃப்யூஜி, இந் தோனேஷியாவின் இரியன் ஜெயா, தென் அமெரிக்கா வின் சியாரா நெவேடா , ஐஸ்லாந்து மற்றும் துருவப்பிரதேசங் களில் உள்ள பனிப் பாறைகளும் மிக வேகமாக உருகி வருகின்றன. அதற்கு முக்கியக் காரணம் “குளோ பல் வார்மிங்’’. கச்சா எண் ணெய் பயன்பாடு என்பது இந்த குளோபல் வார்மிங் கின் முக்கிய காரணம். பெட்ரோல் எரிசக்திக்கு மாற்று சக்தியை அடை வதில் இந்தப் பனிச்சிக ரங்கள் மேலும் உருகாமல் பாதுகாக்க முடியும்.

பனிப்பாறைகள் உரு கும் போது கடல் நீர் மட்ட மும் உயர்கிறது. அதனால் பல மோசமான விளைவுகள் ஏற்படுகின்றன. நீண்ட கோடைகாலம், குறைவான மழைக்காலம் என்பது உலகம் எதிர்நோக்கி இருக் கும் பயங்கரமான சுற்றுச் சூழல் கேடு. இன்றைக்கு மாலத்தீவு திடீரென்று கடலில் மூழ்கக் கூடிய அபாயம் ஏற்பட்டு விட்டது. உலகெங்கும் கடலோரங் களில் கோடிக்கணக்கான மக்கள் வாழ்கிறார்கள். அவர்களும் அபாயகரமான நிலையைத் தான் எதிர் நோக்கி இருக்கிறார்கள்.

“உலக எனர்ஜி ஃபாரம்’’ என்கிற அமைப்பு பூமிக்கிரகத்தின் "ஃபாஸில் ஃப்யூல்' எனப்படும் எண் ணெய் எரிசக்தியும் நிலக் கரியும் வேகமாகக் குறைந்து வருகிறது என்று சுட்டிக் காட்டுகிறது. இந்த தட்டுப் பாடு, நாளுக்கு நாள் உயர்ந்து வரும் கச்சா எண்ணெய்யின் அநியாய விலை மற்றும் இந்த எண் ணெய்களைப் பயன் படுத்துவதால் ஏற்படும் பூமி வெப்பமயமாதல் என் பதுதான் நாம் முன் னோக்கி இருக்கும் மூன்று கட்டப் பிரச்னைகள். கடந்த ஐந்து வருடங்களாக உலக கச்சா எண்ணெய்யின் விலைவாசிப் பட்டியலை நான் அவதானித்து வருகிறேன். 2003ம் வருடம் செப்டம்பர் மாதம் கச்சா எண்ணெய் ஒரு பாரலுக்கு 25 டாலராக இருந்தது. 2009-ம் வருடம் ஒரு பாரலுக்கு 100 டாலரை எட்டியது. இவ்வளவு விலை கொடுத்து சுற்றுச் சூழலுக்கு கேடு விளைவிக்கும் ஒரு விஷயத்தை நாம் வாங்கு வது என்பது அறிவுக்கு உகந்தது அல்ல. ஆனாலும் இப்போ தைக்கு அதை முழுவதுமாகக் குறைப்பதும் சாத்தியமில்லை.

இரண்டு சக்கர வாகனங்கள், கார்கள், விமானங்கள், டீஸல் எஞ்சின் ரயில்கள், கப்பல்கள், ஜெனரேட்டர்கள், கேஸ் சிலிண்டர்கள் என்று கோடிக்கணக்கில் உலகமெங்கும் குவிந்து கிடக்கும் இயந்திரங்கள் இந்தக் கச்சா எண்ணெய் யையே நம்பியிருக்கின்றன. இவற்றின் டிஸைன் மற்றும் எரி சக்திப் பயன்பாடு சாதனங்கள் எல்லாமே கச்சா எண்ணெய் யில் ஓடுமாறுதான் அமைக்கப்பட்டிருக்கின்றன. அதனால் கச்சா எண்ணெய்யிலிருந்து உடனே விடுதலை பெறுவது கடி னம்தான். ஆனாலும் அந்த விடுதலையை நாம் அடைந்தே தான் ஆகவேண்டும். கச்சா எண்ணெய் வந்த போது நீராவி யிலும் நிலக்கரியிலும் ஓடிக்கொண்டிருந்த ரயில் எஞ்சின்கள் காணாமல் போயின. மின்சார சக்தியில் ஓடும் ரயில்கள் வந்த போது டீஸல் எஞ்சின் ரயில்கள் விடை பெற்றன. “புதியன புகுதல்’’ என்பது மனித குல வரலாற்றின் அடிப்படை விதி. அதனால் மாற்று எரிசக்திக்கான ஏற்பாடுகளையும் அதற்கு ஏற்றாற் போன்ற இயந்திரங்களையும் எஞ்சின்களையும் நாம் உடனே வடிவமைப்பதில் இறங்க வேண்டும்.

“பயோ-ஃபியூல்’’ எனப்படும் இயற்கைத் தாவர எரிசக்தி என்பதும் இப்போது ஆராய்ச்சிகளில் வெற்றி பெறுகிறது. “இந்தப் பேருந்து முழுக்க முழுக்க சோயா எண்ணெய் எரிசக்தியில் ஓடுகிறது’’ என்கிற வார்த்தைகள் பொருத்திய வண்டிகளை நான் வெளிநாடுகளில் பார்த்ததுண்டு.

மாற்று எரிசக்தியின் மிக முக்கியமானது மின்சாரம். நாம் இப்போது உற்பத்தி செய்யும் மின்சார சக்தியின் அளவு ஆண்டுக்கு 1,30,000 மெகா வாட். 2030-ம் வருடத்துக்குள் இதன் தேவை அதிகரித்து நாம் ஆண்டுக்கு 4,00,000 மெகாவாட் அளவுக்கான மின்சாரத் தை உற்பத்தி செய்தே ஆக வேண்டும்.

இதில் நீர்வழி மின்சாரம் எனப் படும் ஹைடல் பவர் ஜெனரேஷன் மட்டுமே இன்னும் 50,000 மெகாவாட் அளவுக்கு அதிகரிக்கப்பட முடியும். அதற்குப் புதிய தண்ணீர் வழிச்சாலை களும் நதிநீர் இணைப்புத் திட்டங் களும் அவசியம் தேவை. சூரிய சக்தி யை சேமித்து பிரமாண்டமான ஜென ரேட்டர்களின் மூலம் இன்னும் 50,000 மெகாவாட் அளவுக்கு மின்சார உற் பத்தியை அதிகரிக்க முடியும். காற் றாலைகளின் மூலம் 64,000 மெகா வாட்டும், அணுமின்சக்தியின் மூலம் 50,000 மெகாவாட்டும் கிடைக்க வாய்ப்பு உண்டு.மிச்சம் தேவைப்படும் 51,000 மெகா வாட் மின்சக்தியை கச்சா எண்ணெய், நிலக்கரி, பயோ மாஸ் மற்றும் வேறு பல மாற்று எரிசக்திகளின் மூலமாகப் பெற்று விடலாம்.இதுதான் ஃபார்முலா.

இப்படி கச்சா எண்ணெய்யை மிகக் குறைந்த அளவு மட்டுமே பயன்படுத்தி, மாற்று எரிசக்திகளுக்கு ரத்தினக் கம்பளம் விரித்து வர வேற்பது ஒன்றுதான் நமக் கான எரிசக்தி விடுதலை யைப் பெற்றுத் தரும் ஒரே வழி. இந்த மாற்று எரிசக்திக் கான டெக்னாலஜி வளர்ச்சி என்பது இப்போது 5 சதவீதமே இருக்கிறது. தேவைகளோடு ஒப்பிட்டுப் பார்க்கும் போது அது 28 சதவீதமாக இருக்க வேண்டும். அப்படி என்றால் இந்தத் துறையில் எத்தனை பேர், எத்தனை தலைவர்கள் வேலை பார்க்க வேண் டும் என்று யோசித்துப் பாருங்கள்!

இந்த விஷயத்தில் நமக்குக் கை கொடுக்க இயற்கையே தயாராக இருக்கிறது. ஆயிரம் கைகள் மறைத்து நின்றாலும் மறையாத ஆதவன் நமக்கு உதவத் தயாராக இருக்கிறான். சூரிய சக்தி என்பது மகா சக்தி! நான் இன் னும் அதிகம் உணராத பிரம்மாண்ட மான சக்தி!

(தொடரும்)

நள்ளிரவுக்கு பிறகும் நீண்ட நேரம் விவாதிக்கும் வாய்ப்பினை இரண்டு முறை எனக்கு கொடுத்தவர் அப்துல் கலாம். என்னுடைய கடந்த கால வாழ்க்கையை பற்றி முழுவதும் அறிந்தே எனக்கு நேரம் ஒதுக்கியிருந்தார். சுயநல தலைவர்களால் நாடு மோசமான நிலையில் இருக்கிறது என ஒரு காலத்தில் தீவிரவாத பாதையை தேர்ந்தெடுத்தவன் நான். அப்படிப்பட்ட என்னை கவர்ந்தவராக இருக்கிறார் கலாம். அவரோடு பேசியதிலிருந்து தேச நலனில் அக்கறை கொண்ட மாபெரும் தலைவர் என்பதை அறிந்து கொண்டேன்.

மக்கள் போராட்டத்தின் ஒரு வடிவமாக தீவிரவாதத்தை தேர்ந்தெடுப்பதை விட அந்த மக்களுக்காக கிராஸ் ரூட் லெவலில் பணியாற்றுவதே சிறந்த வழி என்பதை உணர்ந்து இப்போது பெரம்பலூர், கடலூர் மாவட்டங்களில் 60-க்கும் அதிகமான இரவு பாடசாலைகளை நடத்துகிறேன். தொழிற் பயிற்சி மையங்களை இலவசமாக நடத்துகிறேன். கலாம் அய்யா கொடுத்த உற்சாகம் இதற்கு மிக முக்கிய காரணம்.

தன்னுடைய கூட்டங்களில் அவ்வப்போது என்னைப் பற்றி பேசுவதாகவும் கலாம் குறிப்பிட்டார். நாடு முழுவதும் நக்சல் போராட்டங்கள் அதிகரித்து வரும் இந்த நேரத்தில் இளைஞர்கள் பாதை மாறாமல் இருக்க கலாம் போன்ற தலைவர்கள் மிக அவசியம்.

அவரோடு பேசிக் கொண்டிருந்தபோது, ""அய்யா எனக்கு இந்த அரசியலே வெறுத்துப் போய் விட்டது. பேசாமல் முழு நேரமாக சர்வீஸ் பணியில் இறங்கி விடவா?'' என்று கேட்டேன். சமூகப் பணியில் முழுமையாக ஈடுபடுங்கள் என்று சொல்வார் என எதிர்பார்த்தேன். டாக்டர் கலாமோ, ""அரசியல்வாதிகளில் இரண்டு வகையானவர்கள் இருக்கிறார்கள். பொலிடிக்கல் பொலிட்டிஷியன் ஒரு வகை. டெவலப்மெண்ட் பொலிட்டிஷியன் இன்னொரு வகை. நாட்டுக்கு அதிகம் தேவை டெவலப்மென்ட் பொலிட்டி ஷியன்ஸ்தான். நீங்களும் வளர்ச்சியில் அக்கறை கொண்ட அரசியல்வாதியாக உங்கள் பணியை தொடருங்கள்'' என்றார்.

மக்களுக்காக சிந்திக்கிற டெவலப்மெண்ட் பொலிட்டி ஷியன்களாக நிறைய இளைஞர்களை உருவாக்க வேண்டும் என்கிற ஆசை அவருக்கு இருப்பதையும் அவரோடு விவாதித்த நேரத்தில் புரிந்து கொண்டேன்.

தங்கள் கருத்துக்களை பதிவு செய்யவும் * Indicates mandatory fields
Name *	:
Email Id *	:
		Loading... Left: Press Ctrl+g to toggle between English and Tamil
Comment * (500)	:

கருத்துக்கள்(3)

Name : Ranga		Date :11/13/2009 5:50:21 PM
சார் நீங்கள் சொல்வது மிக சரி. ஆனால் அரசு இப்படி ஆயில் இறக்குமதி செய்து மலிவு விலையில் பெட்ரோல் டீசல் விற்பது எதற்காக ? பொது வாகன போக்குவரத்தை பலப்படுத்தாமல் இப்படி பெட்ரோல் வீனாக்கம் தேவைதானா ? மாற்று எரிபொருள் பற்றி நீங்கள்தான் பேசுகிறீர்கள். அரசு?
Name : N.Kathiresan		Date :11/11/2009 12:16:02 PM
Mr APJ sir Vanakam. india become versatile country with your guidence you give more idea to overcome the disel and petrol. This defenitely help human health and plant. we are expecting more from your side thank you
Name : PANDI		Date :11/9/2009 5:41:44 PM
local transport in big cities....Govt should try to reduce the number of two wheeler users by developing a solid transports like tram and metro trains....Only using buses is not enough...