|
|
மக்கள் நடத்திய மாநாடு!-கோவி. லெனின் "எங்கள் பணத்தில் தானே அரசாங்கம் இந்த மாநாட்டை நடத்துகிறது? அப்படின்னா நாங்கதான் இந்த மாநாட்டிற்குச் சிறப்பு விருந்தினர்கள்' என்று தமிழக மக்கள் ஒட்டு மொத்தமாக மாநாட்டு வளாகத்திற்குத் திரண்டு வந்தால் எப்படி இருக்கும்? ஏறத்தாழ அப்படித்தான் இருந்தது- திருவள்ளுவராண்டு 2041, ஆனி 9 முதல் 13 வரை (2010-சூன் 23 முதல் 27) ஐந்து நாட்கள் கோவையில் நடந்த உலகத் தமிழ்ச் செம்மொழி மாநாடு.கோவை, திருப்பூர், ஈரோடு மாவட்ட மக்கள் பெருமளவிலும் தமிழகத்தின் பிற மாவட்டத்து மக்கள் பரவலாகவும் திரண்டு, தங்கள் குடும்ப விழாவாகச் செம்மொழித் திருவிழாவை நடத்திக் காட்டியிருக் கிறார்கள். மாநாடு நடந்த கோவை கொடீசியா வளாகத்தில் மாநாட் டுக்கு முந்தைய நாட் களிலும், மாநாட்டிற் குப் பிந்தைய நாட்களிலும் மக்கள் கூட்டம் கூட்ட மாக வந்து கொண்டே இருந்தது, புதிய தமிழுணர்வை உண்டாக்கி இருந்தது. உலகில் வேறெந்த இனமும் தனது மொழிக் காக இத்தனை சிறப்பாகவும் பிரம்மாண்டமாகவும் விழா நடத்தியதுமில்லை- நடத்திடவும் முடியாது என்பதை உயிருக்கு நேரான தமிழுக்கு நடத்திய மாநாட்டின் மூலம் உலகிற்கு நிரூபித்திருக்கிறார்கள் தமிழர்கள்.அரசாங்கம்தான் மாநாட்டை நடத்தியது. ஆனால் ஆட்சியாளர்களின் கெடுபிடிகள் இல்லை. ஆளுங் கட்சியினர்தான் ஆட்சிப் பொறுப்பில் இருக்கிறார்கள். ஆனால், அக்கட்சியின் கொடிகளோ பதாகைகளோ பாதைகளில் இல்லை. காவலர்கள் பாதுகாப்புப் பணியில் இருந்தார்கள். ஆனால் வழக்கமான கடுகடுப்பு இல்லை. அரசாங்கத்தின் செயல்பாட்டைத் தங்களுடையதாக மக்கள் நினைத்து அதில் பங்கேற்றால் எத்தகைய மாற்றங்கள் ஏற்படும் என்பதற்குச் செம்மொழி மாநாடே சாட்சி.    
|
|