Skip to main content

கீர்த்தி சுரேஷுக்கு பை பை சொன்ன சமந்தா 

Published on 20/03/2018 | Edited on 21/03/2018
samantha mahanati


மறைந்த நடிகை சில்க் ஸ்மிதாவின் வாழ்க்கையை மையமாக வைத்து எடுத்த டர்ட்டி பிக்சர்ஸ் படத்தின் மாபெரும் வெற்றியை தொடர்ந்து மறைந்த முன்னாள் நடிகை சாவித்திரியின் வாழ்க்கை பற்றிய படம் தெலுங்கில் 'மகாநதி' என்றும், தமிழில் 'நடிகையர் திலகம்' என்ற பெயரிலும் வரும் மே 9ஆம் தேதி  வெளியாகவுள்ளது. தெலுங்கு இயக்குனர் நாக் அஸ்வின் இயக்கத்தில் உருவாகும் இப்படத்தில் சாவித்திரியாக நடிகை கீர்த்தி சுரேஷ் நடிக்கிறார். ஜெமினி கணேசனாக துல்கர்சல்மான் நடிக்கிறார். பத்திரிக்கை நிருபராக சமந்தா நடிக்கிறார். வைஜெயந்தி மூவிஸ் தயாரிக்கும் இப்படத்தின் இறுதிக்கட்ட பணிகள் விறுவிறுப்பாக நடந்து வரும் நிலையில், நிருபராக நடிக்கும் சமந்தா தனது காட்சிகளை நடித்து முடித்துவிட்டதாக அவரது டுவிட்டர் பக்கத்தில் தெரிவித்துள்ளார். இந்த மாதத்தில் மட்டும் அடுத்தடுத்து 3 படங்களை நடித்து முடித்ததில் மகிழ்ச்சி என்றும், சாவித்ரி வாழ்க்கை சம்பந்தப்பட்ட படத்தில் தானும் ஒரு அங்கமாக இருப்பதில் பெருமை என்றும் சமந்தா அதில் குறிப்பிட்டுள்ளார். 

சார்ந்த செய்திகள்

Next Story

இரண்டாம் பாதிக்கு தயாராகும் சமந்தா 

Published on 09/06/2018 | Edited on 09/06/2018
samantha


திருமணத்திற்கு பிறகு யாரும் எதிர்பாரத விதமாக வெற்றிகரமான நாயகியாக வலம் வந்து கொண்டிருக்கும் நடிகை சமந்தா அடுத்தடுத்து ரங்கஸ்தலம், இரும்புத்திரை மற்றும் நடிகையர் திலகம் படங்களின் வெற்றி மூலம் ஆண்டின் முதல் பாதியில் தன் மார்க்கெட்டை இன்னமும் உச்சத்தில் வைத்துள்ளார். இந்நிலையில் இவர் அடுத்ததாக சூப்பர் டீலக்ஸ், சீமராஜா, யு டர்ன் ஆகிய படங்களில் நடித்து வருகிறார். இதில் 'சூப்பர் டீலக்ஸ்' படத்தின் படப்பிடிப்பு தற்போது முடிந்துவிட்ட நிலையில், நடிகை சமந்தா இப்படத்தின் டப்பிங் பணியை துவங்கியதன் மூலம் ஆண்டின் இரண்டாம் பாதியை வெற்றியுடன் முடிக்க தற்போது ஆயத்தமாகியுள்ளார்.  வேம்பு என்ற கதாபாத்திரத்தில் சமந்தா நடித்திருக்கும் இப்படத்தில் ஷில்பா என்ற திருநங்கை கதாபாத்திரத்தில் விஜய் சேதுபதி நடிக்கிறார். இவர்களுடன் பகத் பாஷில், காயத்ரி சங்கர், பகவதி பெருமாள் உள்ளிட்ட பலரும் முக்கிய கதாபாத்திரத்தில் நடித்துள்ளனர். மேலும் 'ஆரண்யகாண்டம்' தியாகராஜன் குமாரராஜா இயக்கும் இப்படத்திற்கு மிஷ்கின், நலன் குமாரசாமி மற்றும் நீலன் சேகர் இணைந்து திரைக்கதை எழுதியிருக்கின்றனர். யுவன் ஷங்கர் ராஜா இசையமைக்கும் இப்படத்தை வரும் அக்டோபர் மாதம் இப்டத்தை திரைக்கு கொண்டுவர படக்குழு திட்டமிட்டுள்ளனர்.

Next Story

நடிகையர் திலகம் படத்துக்காக சமந்தாவின் மிடுக்கான செயல்பாடு 

Published on 20/04/2018 | Edited on 20/04/2018
samantha


நடிகை கீர்த்தி சுரேஷ் தற்போது நடிகை சாவித்திரியின் வாழ்க்கை படமான 'மகாநதி' படத்தில் நடித்து வருகிறார். தமிழிலும் 'நடிகையர் திலகம்' என்ற பெயரில் உருவாகும் இப்படத்தை தெலுங்கு இயக்குனர் நாக் அஸ்வின் இயக்குகிறார். இதில் சாவித்திரியாக கீர்த்தி சுரேஷும், ஜெமினி கணேசனாக துல்கர் சல்மானும் நடிக்கின்றனர். மற்றும் பத்திரிகை நிருபராக சமந்தா நடிக்கிறார். மேலும் சாவித்திரியை பிரபல நடிகையாக உயர்த்திய, பல வெற்றி படங்களுக்கு கதாசிரியராக பணியாற்றிய அலூரி சக்ரபாணி கதாபாத்திரத்தில் பிரகாஷ்ராஜ் நடிக்கிறார். மறைந்த பழம்பெரும் நடிகை பானுமதி வேடத்தில் அனுஷ்காவும், நாகேஷ்வரராவ் கதாபாத்திரத்தில் நாக சைதன்யாவும் நடிக்கின்றனர். வருகிற மே 9ஆம் தேதி ரிலீஸ் ஆக இருக்கும்  இப்படத்தின் படப்பிடிப்புகள் முடிந்து தற்போது பின்னணி வேலைகள் மும்முரமாக நடைபெற்று வருகின்ற நிலையில் பத்திரிகை ரிப்போர்டராக நடிக்கும் சமந்தா தனது காட்சிகளுக்கான டப்பிங் பணியை முடித்திருக்கிறார். மேலும் பன் சாப்பிட்டுகிட்டே டப்பிங் பேசிய தனது புகைப்படத்தை சமூக வலைத்தளத்தில் தற்போது பதிவு செய்திருக்கிறார்.