பூக்கள் விலை குறைந்தது: மல்லிகைப்பூ கிலோ 100 ரூபாய்
சென்னை கோயம்பேடு மார்க்கெட்டுக்கு ஓசூரில் இருந்து சாமந்தி பூ, ரெட்கில்ஸ் ஆரிக்கம் பேடு பகுதியில் இருந்து மல்லிகைப்பூ அதிக அளவில் வந்து குவிகிறது. இதே போல் திண்டுக்கல்லில் இருந்து கனகாம்பரம், வேலூரில் இருந்து ஜாதி மல்லி, ஸ்ரீரங்கத்தில் இருந்து கோழிக்கொண்டை, நிலக்கோட்டையில் இருந்து வாடாமல்லி ஆகிய பூக்களும் அதிகமாக வருகிறது.
அனைத்து ஊர்களிலும் கடந்த சில நாட்களாக பரவலாக மழை பெய்த காரணத்தால் பூ அதிக அளவு கிடைத்து வருகிறது. ஓணம் பண்டிகையையும் முடிந்து விட்டதால் கடந்த வாரத்தைவிட இந்த வாரம் பூ விலை மிகவும் மலிவாக கிடைக்கிறது.
கோயம்பேடு மார்க்கெட்டில் விற்கப்படும் பூ விலை கிலோவுக்கு வருமாறு:- கடந்த வார விலை அடைப்பு குறிக்குள் உள்ளது.
மல்லிகைப்பூ ரூ.100 (ரூ.300), ஜாதி மல்லி ரூ.120 (ரூ.350), வாடாமல்லி ரூ.30 (ரூ.80), கனகாம்பரம் ரூ.300 (ரூ.800), சாமந்தி ரூ.30 (ரூ.120), சம்பங்கி ரூ.60 (ரூ.120), கோழிக்கொண்டை ரூ.20 (ரூ.40), ரெட்ரோஸ்-100 பூ ரூ.10 (ரூ.30), குயின்ரோஸ் ரூ.30 (ரூ.70), செண்டு பூ ரூ.10 (ரூ.30).