புதுப்பொலிவுடன் ஜனாதிபதியின் இணையதளம்
நாட்டின் புதிய ஜனாதிபதியாக பிரணாப் முகர்ஜி பதவியேற்ற பிறகு ஜனாதிபதி மாளிகையின் அலுவலக இணையதளம் புதுப்பிக்கப்பட்டு உள்ளது. மொகலாயர் தோட்டத்தை பார்க்க பொதுமக்கள் ஆர்வம் காட்டுகின்றனர்.
புதுப்பிக்கப்பட்ட இணையதளத்தில் `யு டியூப்', `பேஸ்புக்' போன்ற சமூக வலைத்தளங்கள் இணைக்கப்பட்டு உள்ளன. இதன் மூலம் பொதுமக்கள் ஜனாதிபதியுடன் எந்த நேரத்திலும் நேரடியாக தொடர்புகொள்ளும் வசதி ஏற்படுத்தப்பட்டு உள்ளது.
`யு டியூப்' சமூக வலைதளத்தில் ஜனாதிபதி மாளிகையில் உள்ள `மொகல் கார்டன்' என்று அழைக்கப்படும் மொகலாயர் தோட்டம் உள்பட 8 வீடியோ காட்சிகள் பதிவு செய்யப்பட்டு இணைக் கப்பட்டு உள்ளன. இந்த வீடியோவை அதிகம் பேர் இதுவரை கண்டு களித்துள்ளனர். இதனால் இந்த வீடியோ காட்சி பொதுமக்களிடையே மிகவும் பிரபலம் அடைந்துள்ளது.
இதேபோல், பிரணாப் முகர்ஜி ஜனாதிபதியாக பதவியேற்றபோது எடுத்த வீடியோ காட்சிகள், ஜனாதி பதி மாளிகையின் முன்புறத்தோற்றங்கள், பாரா விளையாட்டு வீரர்களுடன் ஜனாதிபதி சந்திக்கும் காட்சிகள், ஜனாதிபதி மாளிகை முன்பு அவருக்கு அளிக்கப்படும் வரவேற்பு, வழியனுப்பு காட்சிகள் ஆகியவற்றின் வீடியோ காட்சிகளும் `யு டிïப்' சமூகவலைதளத்தில் இணைக்கப்பட்டு உள்ளன.
மொகலாயர் தோட்டத்துக்கு அடுத்தபடியாக, அருணாச்சல பிரதேச மாநில முதல்-மந்திரி நபாம் துகி ஜனாதிபதியை சந்திக்கும்போது எடுத்த வீடியோ காட்சியை அதிகம்பேர் பார்த்து ரசித்து உள்ளனர்.
பிரணாப் முகர்ஜி ஜனாதிபதியாக பதவியேற்ற பின்பு ஜுலை 26-ந் தேதியில் இருந்து இதுவரை ஜனாதிபதி தொடர்பான 55 படங்கள் `பேஸ்புக்' சமூக வலைத்தளத்தில் வெளியிடப்பட்டு உள்ளன. இவற்றில், பல்வேறு மாநில கவர்னர்கள், முதல்-மந்திரிகள், வெளிநாட்டு பிரஜைகள் ஆகியோர் ஜனாதிபதியுடன் சந்திக்கும் காட்சிகள், குழந்தைகள் ஜனாதிபதிக்கு ராக்கி கயிறு கட்டும் காட்சிகள் ஆகியவை அடங்கும்.
ஜனாதிபதி மாளிகையின் புதுப்பிக்கப்பட்ட இணையதளத்தில் வீடியோ காட்சிகள் அரங்கும் உள்ளது. இந்த பட்டனை அழுத்துவதன் மூலம் பொதுமக்கள் நேரடியாக ஜனாதிபதியுடன் தொடர்பு கொள்ள முடியும். மேலும், தங்களது குறைகளை ஜனாதிபதிக்கு நேரடியாக ஹெல்ப்லைன் மூலம் தெரிவிக்க முடியும்.