அலெக்ஸ்பால் மேனனை மீட்பதற்கு தமிழக அரசு பிரதமரை சந்திக்க வேண்டும்: திருமாவளவன்

அண்மைச் செய்திகள்

ஐபிஎல் 6: ராஜஸ்தான் ராயல்ஸ் வெற்றி || கூட்டணி தலைவர்களுக்கு மன்மோகன் சிங் விருந்து! முலாயம் சிங் புறக்கணித்தார்! || சினிமா படத்தில் ஸ்ரீசாந்த் நடித்த காட்சிகள் நீக்கம்! || சேலம்-கரூர் ரெயில் பாதையில் 25-ந்தேதி முதல் பயணிகள் ரெயில் இயக்கம் || சென்னை மாநகராட்சி கூட்டத்தில் தி.மு.க. கவுன்சிலர்கள் வெளிநடப்பு (படங்கள்) || ராகுல் காந்தியை பிரதமர் வேட்பாளராக முன்னிலைப்படுத்த இது சரியான நேரம்: கமல்நாத் || இலங்கை பிரச்சனையில் வசூல் வேட்டையில் ஈடுபடும் சில கட்சிகள் குற்றம்சாட்டுகிறது: நாராயணசாமி || டெல்டா மாவட்டங்களில் சாகுபடி பொய்த்துப்போகும் நிலை: கலைஞர் வேதனை || ஐக்கிய முற்போக்கு கூட்டணி அதன் ஆட்சி காலத்தை நிறைவு செய்யும்: சல்மான் குர்ஷித் || பா.ஜனதா செயல்பாடுகளால்தான் பாராளுமன்றம் முடங்கியது: சோனியா காந்தி கடும் தாக்கு || சென்னையில் 35 பவுன் நகை திருட்டு || தனியார் வங்கி முகவர்களை நிறுத்தக் கோரி ஆர்பாட்டம் (படம்) || மகப்பேறு மருத்துவமனையின் அவலம்! (படங்கள்) ||

திங்கட்கிழமை, 23, ஏப்ரல் 2012

முந்தைய செய்திகள்

தேர்ந்தெடு	மாதம்	வருடம்

ஏப்ரல் 2012

ஞா

திங்

செ

புதன்

வியா

வெ

சனி

1
55

2
61

3
50

4
53

5
62

6
50

7
46

8
33

9
59

10
46

11
61

12
56

13
48

14
52

15
50

16
50

17
43

18
46

19
48

20
47

21
61

22
58

23
61

24
62

25
62

26
68

27
60

28
52

29
53

30
71

திங்கட்கிழமை, 23, ஏப்ரல் 2012 (22:26 IST)

அலெக்ஸ்பால் மேனனை மீட்பதற்கு தமிழக அரசு பிரதமரை சந்திக்க வேண்டும்: திருமாவளவன்

அலெக்ஸ்பால் மேனனை மீட்பதற்கு தமிழக அரசின் குழு இந்தியத் தலைமை அமைச்சரை சந்திக்க வேண்டும் என்று விடுதலைச் சிறுத்தைகள் கட்சியின் தலைவர் தொல்.திருமாவளவன் கூறியுள்ளார்.

இதுகுறித்து அவர் வெளியிட்டுள்ள அறிக்கையில்,

21 4 2012 அன்று சத்தீஸ்கர் மாநிலத்தில் மாவட்ட ஆட்சியராகவுள்ள தமிழகத்தைச் சேர்ந்த அலெக்ஸ்பால் மேனன் ஆயுதம் தாங்கிய மாவோயிசக் குழுவினரால் கடத்தப்பட்டுள்ளது மிகுந்த அதிர்ச்சியையும் வேதனையையும் அளிக்கிறது. ஆயுதம் தாங்கிய குழுவினரின் தாக்குதல்கள், மற்றும் ஆள் கடத்தல்கள் போன்ற தீவிரவாதப்போக்குகள் நிறைந்த பகுதியில் மாவட்ட ஆட்சியராக வடஇந்திய மாநிலங்களைச் சேர்ந்த, அப்பகுதியின் வட்டார மொழிகளை அறிந்த அதிகாரிகளை நியமிக்க வேண்டிய அரசு, அப்பகுதி பற்றிய சூழலையும் வட்டார மொழியும் அறியாத தமிழகத்தைச் சேர்ந்த ஒருவரை அங்கே மாவட்ட ஆட்சியராக நியமித்திருப்பது மைய, மாநில அரசுகளின் மெத்தனப் போக்கை வெளிப்படுத்துகிறது.

மாவோயிச ஆயுதக் குழுவினர் பரவியுள்ள பல்வேறு மாநிலங்களில் ஏற்கனவே இத்தகைய நெருக்கடிகள் ஏற்பட்டுள்ளன என்பதை நாடறியும். வெளிநாட்டுப் பயணிகள் கடத்தப்பட்டதும், ஒடிசா மாநிலத்தில் சட்டமன்ற உறுப்பினர் கடத்தப்பட்டிருப்பதும், அதனால் நெருக்கடிகள் உருவாகியிருப்பதும் முன்அனுபவமாக இருக்கிற நிலையிலும்கூட, மைய மாநில அரசுகள் போதிய பாதுகாப்பு இல்லாமலும், முற்றிலும் அப்பகுதிக்கு புதியவருமான ஒருவரை அங்கே மாவட்ட ஆட்சியராக நியமித்தது வன்மையான கண்டனத்துக்குரியதாகும்.

ஒடிசாவில் கடத்தப்பட்டுள்ள சட்டமன்ற உறுப்பினர் இன்னும் மீட்கப்படாத நிலையில், சத்தீஸ்கரில் மாவட்ட ஆட்சியர் கடத்தப்பட்டு மூன்று நாட்களாகியிருப்பது மைய மாநில அரசுகள் எவ்வாறு இந்த மீட்பு நடவடிக்கையை வெற்றிகரமாக நிறைவேற்றப் போகின்றன என்கிற அய்யத்தையும் அச்சத்தையும் ஏற்படுத்தியுள்ளது. மாவோயிச ஆயுதக் குழுவினருக்கு அடிபணிந்து விடக்கூடாது என்று கருதி மைய மாநில அரசுகள் வறட்டுக் கவுரவம் பாராமல் அவர்களின் கோரிக்கைகளைப் பரிசீலித்து கடத்தப்பட்டுள்ள அலெக்ஸ்பால் மேனனை மீட்பதற்கு விரைந்து நடவடிக்கைகளை மேற்கொள்ள வேண்டும்.

மாவோயிசக் குழுவினர் விடுத்துள்ள காலக்கெடு நெருங்கிக்கொண்டிருக்கும் வேளையில் அவர்களின் கோரிக்கைகளை நிறைவேற்றாமல் காலம் தாழ்த்துவது தெரிந்தே ஒரு உயிரைப் பலிகொடுப்பதற்கு இடமளித்துவிடும். இதுகுறித்து இதுவரையில் தமிழக அரசு மவுனம் சாதிப்பது ஏனென்று விளங்கவில்லை. தமிழகத்தைச் சேர்ந்த உயர் அதிகாரி ஒருவரின் உயிர் பணயம் வைக்கப்பட்டுள்ள நிலையில் தமிழக அரசு அவரை மீட்பதற்கு விரைந்து செயலாற்ற வேண்டும் என்கிற எதிர்பார்ப்பு தமிழக மக்களிடையே உள்ளது. தமிழக அரசே அக்கறை இல்லாமல் இருக்கிறது என்கிற மெத்தனப்போக்கு இந்திய ஆட்சியாளர்களுக்கும் சத்தீஸ்கர் மாநில அரசுக்கும் ஏற்பட வாய்ப்பு அளித்துவிடக் கூடாது.

எனவே தமிழக அரசு இந்தியத் தலைமை அமைச்சர் திரு.மன்மோகன் சிங் அவர்களைச் சந்தித்து அலெக்ஸ்பால் மேனனை மீட்பதற்குரிய நடவடிக்கைகளை மேற்கொள்ள வலியுறுத்தும் வகையில் தமிழக அரசின் சார்பில் அமைச்சர்கள் மற்றும் அதிகாரிகள் அடங்கிய குழுவை அனுப்பி வைக்க வேண்டுமென விடுதலைச் சிறுத்தைகள் கேட்டுக்கொள்கிறது.

தங்கள் கருத்துக்களை பதிவு செய்யவும் * Indicates mandatory fields

Name *

Email Id *

Left: Press Ctrl+g to toggle between English and Tamil

Comment * (500)