அஜித்குமார் தீவிர உடற்பயிற்சி : 6 கிலோ எடை குறைந்தார்
மங்காத்தா, பில்லா ஆகிய இரண்டு படங்களிலும் அவருடைய கதாபாத்திரங்களுக்காக, உடல் எடையை கூட்டினார். இரண்டு படங்களிலும் அவருடைய தோற்றம் புஷ்டியாக இருந்தது.
அடுத்து அவர், ஏ.எம்.ரத்னம் தயாரிக்க, விஷ்ணுவர்தன் டைரக்டு செய்யும் புதிய படத்தில் நடிக்கிறார். முதல் கட்ட படப்பிடிப்பு 10 நாட்கள் மும்பையில் நடந்தது. இந்த படத்தில் அவருடைய தோற்றம் ஒல்லியாக இருக்க வேண்டும் என்று டைரக்டர் விஷ்ணுவர்தன் கேட்டுக் கொண்டார்.
இதற்காக அஜித்குமார் தினமும் தீவிர உடற்பயிற்சி செய்து வருகிறார். கடந்த 15 நாட்களில், அவர் தனது உடல் எடையை 6 கிலோ குறைத்து இருக்கிறார்.
``இன்னும் 4 கிலோ எடையை குறைத்தபின், மும்பையில் நடைபெற இருக்கும் அடுத்த கட்ட படப்பிடிப்பில் கலந்து கொள்வேன்'' என்று அஜித்குமார் தெரிவித்தார்.