அன்சாரியை ஆதரிப்போம் :பகுஜன் சமாஜ் அறிவிப்பு
துணை ஜனாதிபதி தேர்தலில் காங்கிரஸ் கூட்டணி வேட்பாளர் ஹமீது அன்சாரியை ஆதரிப்போம் என பகுஜன் சமாஜ் கட்சி அறிவித்துள்ளது. மாயாவதி ஆதரவு அடுத்த மாதம் 7–ந் தேதி நடக்கவுள்ள துணை ஜனாதிபதி தேர்தலில், தற்போதைய துணை ஜனாதிபதி ஹமீது அன்சாரியை காங்கிரஸ் கூட்டணி மீண்டும் வேட்பாளராக அறிவித்தது. ஹமீது அன்சாரிக்கு ஆதரவு அளிப்பதாக பகுஜன் சமாஜ் கட்சி அறிவித்துள்ளது. இதுதொடர்பாக லக்னோவில், பகுஜன் சமாஜ் கட்சி விடுத்த அறிக்கையில், ''ஆகஸ்டு மாதம் 7–ந் தேதி நடக்கவுள்ள துணை ஜனாதிபதி தேர்தலில், தீவிர சிந்தனைக்கு பின்னர் நாட்டின் நலனையும், மக்கள் நலனையும் முன்னிட்டு ஹமீது அன்சாரியை ஆதரிக்க நாங்கள் முடிவு செய்துள்ளோம் என கட்சியின் தலைவர் மாயாவதி அறிவித்துள்ளார்''என்று தெரிவிக்கப்பட்டுள்ளது.