பிரணாப் முகர்ஜிக்கு அகிலேஷ் யாதவ் விருந்து
ஐக்கிய முற்போக்குக் கூட்டணியின் குடியரசுத் தலைவர் வேட்பாளர் பிரணாப் முகர்ஜிக்கு உத்தரப் பிரதேச முதல்வர் அகிலேஷ் யாதவ் இன்று தனது வீட்டில் விருந்தளித்தார்.
தேர்தலில் ஆதரவு திரட்டுவதற்காக இன்று லக்னௌ வந்த பிரணாப் நேராக முதல்வரின் காளிதாஸ் மார்க் இல்லத்துக்கு சென்றார். அங்கு அகிலேஷ் வைத்த விருந்தில் கலந்துகொண்டார். விருந்தில் அமைச்சர்கள் உள்பட உத்தரப் பிரதேச சட்டப்பேரவை உறுப்பினர்கள் கலந்துகொண்டனர். எனினும் இந்த விருந்தில் பகுஜன் சமாஜ் மற்றும் பாஜக உறுப்பினர்கள் யாரும் கலந்துகொள்ளவில்லை.