இந்தியாவில் டெல்லிக்கு முதலிடம்! சென்னைக்கு 105வது இடம்!
போட்டி போட்டு முதலீடு, வர்த்தகம், சுற்றுலா பயணிகளை கவருவதில் ஆற்றல் வாய்ந்த 120 நகரங்களின் பட்டியலை உலகளவில் கண்டறிந்து அவற்றின் தரவரிசையை பொருளாதார புலனாய்வு அமைப்பு (இஐயூ) பட்டியலிட்டு இருக்கிறது.
இந்த பட்டியலில் நியூயார்க், லண்டன், சிங்கப்பூர் ஆகிய நகரங்கள் முதல் மூன்று இடத்தைக் கைப்பற்றி உள்ளன.
இந்தியாவின் தலைநகரமான டெல்லி உலகளவில் 68 வது இடத்தை பிடித்துள்ளது. இந்தியாவை பொறுத்தமட்டில் டெல்லி, முதலிடத்தில் உள்ளது.
நிதி தலைநகரமான மும்பைக்கு உலகளவில் 70வது இடம் கிடைத்திருக்கிறது. இந்தியாவின் சிலிகான்வேலி என்ற பெயரை பெற்றிருக்கிற பெங்களூருக்கு தர வரிசைப்பட்டியலில் 79 வது இடம் கிடைத்துள்ளது. மராட்டியத்தின் கலாசார தலைநகர் என்ற சிறப்புக்குரிய புனே 97 வது இடத்தை பெற்று இருக்கிறது. தமிழகத்தின் தலைநகரான சென்னைக்கு 105 வது இடம்.