Add1
logo
வங்கி பணியிடங்களுக்கான நிரப்புதலில் உள்ளூர் மொழி கட்டாயம் என்ற நடைமுறையை உறுதி செய்க: ஜீ.ரா || காக்கிக்குள் ஈரம்! || பசுக்கள் நல கண்காட்சியில் வளர்ச்சி பற்றி மோடி! || அரசு மருத்துவரை கண்டித்து நாம் தமிழர் கட்சி ஒட்டிய போஸ்டரை கிழித்த அரசு மருத்துவமனை ஊழியர்கள் || பா.ஜ.க. பிரமுகரின் கபட நாடகம் அம்பலம்! கி.வீரமணி || ஜெ.,சிகிச்சையின் போது என் சித்தியையே பார்க்க அனுமதிக்கவில்லை: தினகரன் பேட்டி || இவருக்கெல்லாம் பதில் சொல்லவே அசிங்கமாக இருக்கிறது: எடப்பாடி மீது தினகரன் தாக்கு || பேரறிவாளனின் பரோல் மேலும் ஒரு மாதம் நீட்டிப்பு! || ரோகிங்கியா முஸ்லிம்கள் மீதான தாக்குதலை கண்டித்து சீமான் தலைமையில் ஆர்பாட்டம் || நொய்யல் கழிவுகள்: சாயப்பட்டறைகளுக்கு ஆதரவாக செயல்படும் அமைச்சரை நீக்குக! ராமதாஸ் வலியுறுத்தல் || வீடுகளில் இருந்து வெளியேறும் சோப்பு கழிவுகளால் தான் ஆற்றில் நுரை வருகிறது: அமைச்சர் கே.சி.கருப்பணன்! || ரூ.50 லட்சம் பணத்தை வேறு ஒருவர் கணக்கில் வரவு வைத்த மெர்கண்டைல் வங்கி மேலாளர் கைது..! || அனிதாவை தற்கொலைக்கு தூண்டியது யார்? விசாரணை தேவை - தேசிய தாழ்த்தப்பட்டோர் ஆணையம் கோரிக்கை! ||
சிறப்பு செய்திகள்
வாழையடி வாழையாக வம்சாவளி அரசியல் !!!
 ................................................................
மாநில கட்சிகளே இருக்காது: வானதி சீனிவாசன்
 ................................................................
வெமுலா தற்கொலைக்கு பழிதீர்த்த பல்கலை.!
 ................................................................
அமேசானில் 'ஷாப்பிங்' செய்த கிளி !
 ................................................................
சென்னையை மிரட்டிய 'எம்டன்' !!!
 ................................................................
‘கேஷ்’-சுக்கே திரும்பிய கேஷ்லெஸ் கிராமம்!
 ................................................................
முதல் பெண் சட்டமன்ற உறுப்பினர் முத்துலெட்சுமி ரெட்டி!
 ................................................................
'டிரைவர்' இல்லாத 'டிராக்டர்'!!!
 ................................................................
பஞ்சமி நிலங்களுக்காக போராடிய ஆங்கிலேயர்!
 ................................................................
யூ-ட்யூபை கலக்கும் ஸ்ருதிஹாசன் குறும்படம் !!!
 ................................................................
நேரு துவங்கினார்... மோடி திறந்தார்...
 ................................................................
அரசாங்க குளறுபடியும் ரேசன் அட்டை காமெடிகளும்!
 ................................................................
தந்தை பெரியாரின் சுயமரியாதை இயக்கம்!
 ................................................................
இன்றும் ட்ரெண்டில் பெரியார் !!!
 ................................................................
இதய நோயாளிகளுக்கு ஒரு நற்செய்தி...
 ................................................................
Facebook Google Plus Print E-mail
பதிவு செய்த நாள் : 11, ஜூலை 2017 (17:43 IST)
மாற்றம் செய்த நாள் :11, ஜூலை 2017 (18:14 IST)


அடிமைகளாவதைத் தவிர்க்க உணவுப்புரட்சி செய்யுங்கள்!

ஆதிகாலம் தொட்டே மனிதன் உணவுக்காகத்தான் ஒவ்வொரு நாளையும் செலவிட்டு வந்திருக்கிறான். நாட்கள் செல்லச்செல்ல அத்தியாவசியப்பொருள் என்ற நிலைமாறி, உணவு ஆடம்பரப் பொருளாக மாறியுள்ளது. ‘மருந்தென வேண்டாவாம் யாக்கைக்கு’ என்ற வள்ளுவனின் வாக்கை மறந்துவிட்டு, நேரம் காலம் தெரியாமல் உணவருந்த ஒவ்வொருவரும் பழகிவிட்டோம். காலந்தோறும் கலாச்சாரம், பண்பாடு என்ற ஒழுங்குமுறை பிரச்சாரங்களை ஒருபக்கம் பேசிவிட்டு, காலங்காலமாக தொடர்ந்துவந்த நம் மரபுவழி பண்பாட்டு உணவுமுறையைத் தொலைத்துவிட்டோம். இதுகுறித்த முறையான விழிப்புணர்வு பற்றி விரிவாக பேச நடிகரும், ஊட்டச்சத்து ஆலோசகருமான ஆரி உடன் நடத்திய கலந்துரையாடல்,



உணவு பற்றிய விழிப்புணர்வு தற்போதைய சூழலில் எந்த அளவிற்கு அவசியமாக இருக்கிறது?

இன்றைய சூழலில் உணவு சார்ந்த பிரச்சனைகள் நம் கையை மீறி போய்விட்டன. உணவு சார்ந்த விழிப்புணர்வு இல்லையென்றால், அடுத்த தலைமுறை என்ற ஒன்று இல்லாமல் போய்விடும். கிட்டத்தட்ட 2கோடியே 50லட்சம் பேர் புற்றுநோயால் பாதிக்கப்பட்டுள்ளதாக ஒரு புள்ளிவிவரம் சொல்கிறது. வருடத்திற்கு 7லட்சம் பேர் புற்றுநோயாளிகளாக அடையாளம் காணப்படுகின்றனர். இதில் ஆண்டொன்றுக்கு 2,500 பேர் உயிரிழக்கின்றனர் என இன்னொரு புள்ளிவிவரம் சொல்கிறது. இந்தத் தலைமுறையில் தான் தாத்தாவும் அப்பாவும், தங்கள் பேரனும் மகனும் சாவதை நேரில் பார்க்கும் அவலம் நிகழ்கிறது. எல்லோருக்கும் இறப்பு நிச்சயம். ஆனால், நாம் மரணிக்கும் தேதி நம்மால் முடிவு செய்யப்படவேண்டும். அதை பன்னாட்டு நிறுவனங்களிடம் கொடுத்துவிட்டு அதை மீட்டெடுக்க போராடிக்கொண்டிருக்கிறோம். 

நகர்ப்புறங்களில் வாழும் மக்கள் வேகமான வாழ்க்கைக்கு மாறிவிட்டார்கள். அவர்களின் உணவுப்பழக்கங்களில் என்ன மாதிரியான மாற்றங்களைக் கொண்டுவர முடியும்?

வெள்ளைச் சர்க்கரையைத் தவிர்த்து பனங்கற்கண்டு, பனக்கருப்பட்டி, பனவெல்லம், தேன் போன்றவற்றை எடுத்துக்கொள்ளலாம். பட்டை தீட்டப்பட்ட அரிசியைத் தவிர்த்து சிவப்பு அரிசி, நெல்குத்தல் அரிசி, குதிரைவாலி போன்றவற்றை பயன்படுத்தலாம். தீய சக்திகளைக் கவரும் கல் உப்பு பயன்படுத்துங்கள். கோதுமைத்தூசியான மைதாவை ஒழித்துக்கட்டுங்கள். மைதாதான் பல நோய்களை உருவாக்கும் முக்கிய காரணி. கேரளாவில் முழுமையாக தடைசெய்யப்பட்டுவிட்டது. தமிழகத்தில் சின்ன எதிர்ப்புக்குரல் கூட எழுப்பப்படவில்லை. ஏனென்றால், இது அத்தனைப்பெரிய வியாபார சந்தை. செக்கில் ஆட்டப்பட்ட எண்ணெய் வகைகளை உபயோகியுங்கள். தானிய வகைகளுக்கு உணவுமுறையை மாற்றுங்கள். அவற்றின் உற்பத்தியில் எந்த உரவகைகளும், பூச்சிக்கொல்லிகளும் பயன்படுத்தாத நிலையில், ஆரோக்கியமான உணவை எடுத்துக்கொள்கிறோம் என்ற நம்பிக்கை எப்போதும் இருக்கும். குழந்தைகளுக்கு இந்த உணவுமுறையை பழக்குங்கள். உங்கள் வீட்டு சமையலறையில் இருந்தே புரட்சியைத் தொடங்குங்கள்.

இன்று இந்தியாவில் விவசாயிகள் இருக்கும் நிலையில், நீங்கள் சொல்லும் உணவுப்பழக்கங்கள் சாத்தியமா?

சாத்தியம் இல்லையெனில் விவசாய வாழ்க்கைமுறையே இல்லாமல் போயிருக்கும். ‘விவசாயம் வியாபாரமல்ல; வாழ்க்கைமுறை’ என நம்மாழ்வார் சொன்னதை இங்கு பொருத்திக் கொள்ளலாம். நம் விவசாய பாரம்பரியம் இயற்கை முறையைச் சார்ந்தது. நம் பாரம்பரியத்தில் பூச்சிக்கொல்லி என்ற ஒன்று கிடையவே கிடையாது. பூச்சிவிரட்டிகள் தான் இருந்தன. தற்போது இருக்கும் பூச்சிக்கொல்லிகள் நம் உடலுக்குள் சென்று நம்மை கொஞ்சம் கொஞ்சமாக கொல்லக்கூடியவை. நாம் சாப்பிடும் அனைத்து உணவுப்பொருட்களிலும் பன்னாட்டு நிறுவனங்களின் ஆதிக்கம் அதிகரித்துள்ளது. ஒரு நாட்டின் மக்களை அடிமைப்படுத்த வேளாண் யுத்தம் தொடங்கினால் போதும். தற்போது அந்த யுத்தம் தொடங்கிவிட்டது.

பிளாஸ்டிக் உபயோகம் தவிர்க்க முடியாத ஒன்றாக மாறியுள்ளது. அதன் ஆபத்துகள் என்னென்ன?

பிளாஸ்டிக் மிகவும் கவர்ச்சிகரமான பொருள். அது பலவடிவங்களில் தற்போது கிடைக்கிறது. எந்த உணவகங்களுக்குச் சென்றாலும் பிளாஸ்டிக் கவர்களில் தான் உணவு கொடுக்கப்படுகிறது. தேநீர்க் கடைகளிலும் இதேதான். 40 மைக்ரான்களுக்கு மேல் உள்ள உணவு தர பிளாஸ்டிக்கைத் தான் பயன்படுத்த வேண்டும் என்ற அளவு உள்ளது. உணவு சூடாகும்போது பிளாஸ்டிக்கின் வேதிப்பொருட்கள் அதில் இடம்பெயருகின்றன. இதனால் நம் உடலில் பல பாதிப்புகள் ஏற்படும். ஆனால், இதை முறைப்படுத்த இந்தியாவில் ஒழுங்குமுறை ஆணையம் என்ற ஒன்றே கிடையாது. 

குழந்தைகளின் பிறந்தநாள் கேக்குகளில் செயற்கை வண்ணங்கள் இருப்பதாகவும், அவை தீங்கு விளைவிக்கக் கூடியவை என்றும் சொல்லப்படுவது உண்மையா?

அது உண்மை.. மருத்துவர் ஒருவரிடம் கேட்கும் போது இதுகுறித்த மேலும் சில தகவல்களை அறிந்தேன். அரசு சில வண்ணங்களுக்கு அனுமதி அளித்துள்ளது. ஆனால், அதற்கு மேலும் பல வண்ணங்களை வியாபாரிகள் பயன்படுத்துகின்றனர். அரசு அனுமதித்துள்ள வண்ணங்களே நமக்கு தீங்கு விளைவிக்கக் கூடியவைதான். நம் எல்லோருக்கும் ஒருவித கவர்ச்சி தேவைப்படுகிறது. அதை சரியாக புரிந்து கொண்டவர்கள் சிறப்பாக செய்து கொண்டிருக்கிறார்கள். நாம் தெரிந்தும் தெரியாமலும் பலிகெடாக்கள் ஆக்கப்படுகிறோம். 

உங்கள் திருமணத்தில் பாரம்பரிய உணவுகளை விருந்தாக கொடுத்திருந்தீர்கள். அது எந்தளவுக்கு வெற்றியடைந்தது?

உங்கள் வீட்டில் நடக்கும் விசேஷங்களில் தானியம் சார்ந்த உணவுவகைகளை விருந்தினர்களுக்கு செய்துகொடுங்கள். இதையே என் திருமணத்திலும் செய்ய முயற்சித்தேன். வந்த பலரும் இதைப் பெரிதும் பாராட்டிச் சென்றனர். வெளியில் எங்கு சென்றாலும் கிடைக்கும் உணவுகளைத் தவிர்த்து இதுமாதிரியான உணவுகளைப் பார்ப்பதே புத்துணர்ச்சியாக இருப்பதாக கூறினார்கள். இது மிகப்பெரிய வெற்றியடைந்தது. நீங்களும் இதை முயற்சி செய்து பார்க்கலாம். இதற்கான வாய்ப்புகள் நம்மிடம் ஏராளம் இருக்கின்றன. 

மாற்றத்தை உங்களிடமிருந்து தொடங்குங்கள். விவசாயத்தைப் பாதுகாக்க தானியங்களை அதிகம் பயன்படுத்துங்கள். இதன்மூலம் தானாக உற்பத்தி பெருகும். வியாபாரம் அதிகரிக்கும். இதுவொரு கூட்டுமுயற்சியாக இருக்கும். மாற்றம் என்பது எங்கோ, யாரோ ஒருவரால் நிகழ்த்தப்படுவதில்லை. உங்களிடமிருந்தே அந்த மாற்றத்தை உருவாக்க முடியும். மாறுவோம்.. மாற்றுவோம்.. புதிய சிந்தனைக்கு வழியெடுப்போம்.. நம் பாரம்பரிய உணவுகளையும், விதைகளையும், விவசாயத்தையும் பாதுகாக்க நாம் போராடுவோம்.. வெல்வோம்..

- பெலிக்ஸ் இன்பஒளி
தொகுப்பு- ச.ப.மதிவாணன்

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(1)
Name : Justin Jayakumar A Country : United States Date :7/13/2017 1:32:01 PM
நல்ல பதிவு. தொடரட்டும் வாழ்த்துக்கள்.