Add1
logo
மோடியுடன் ஓ.பன்னீர்செல்வம் சந்திப்பு || நீட் தேர்வுக்கு விலக்களிக்க கோரிய விசாரணை ஒத்திவைப்பு! || முன்னாள் மத்திய இணை அமைச்சர் அரங்க வேலு எழுதிய நூல் வெளியீடு! || டி.எஸ்.பி ஆகிறார் இந்திய கிரிக்கெட் வீரர் ஹர்மான்பிரீத் கவுர்! || கிணற்றை தருவதாக ஓ.பி.எஸ் எங்களை ஏமாற்றி விட்டார்: கிராம மக்கள் ஆவேசம்! || உணவில் பல்லி! காயிதே மில்லத் மாணவிகள் 105 பேருக்கு வாந்தி-மயக்கம்! || ஜெ., நினைவிடம் அமைப்பதற்கு தடைகோரிய வழக்கு: தமிழக அரசு பதிலளிக்க உத்தரவு! || கழிவறை கட்ட வழியில்லாதவர்கள் மனைவியை விற்றுவிடுங்கள்: ஆட்சியரின் சர்ச்சை பேச்சு || விவசாயிகள் உயிருக்கு ஆபத்து என்றால் எச்.ராஜா தான் காரணம்: அய்யாக்கண்ணு || குட்கா ஊழல் ஆதாரத்தை அழித்து தமிழக அரசு தவறுக்கு மேல் தவறு செய்கிறது: ராமதாஸ் || சென்னையில் பள்ளி வேன் கவிழ்ந்து மாணவி பலி! || நெடுவாசல், கதிராமங்கலம் போராட்டத்தை ஆதரித்து அறந்தாங்கி மாணவர்கள் போராட்டம் || பள்ளி மாணவி பாலியல் பலாத்காரம்: டிராக்டர் ஓட்டுநர் கைது ||
முக்கிய செய்திகள்
விவசாயிகள் உயிருக்கு ஆபத்து என்றால் எச்.ராஜா தான் காரணம்: அய்யாக்கண்ணு
 ................................................................
குட்கா ஊழல் ஆதாரத்தை அழித்து தமிழக அரசு தவறுக்கு மேல் தவறு செய்கிறது: ராமதாஸ்
 ................................................................
ஆசிரியர் இடமாறுதலில் பல கோடி ஊழல்! அன்புமணி குற்றச்சாட்டு
 ................................................................
தமிழக அமைச்சர்கள் குழு மீண்டும் டெல்லி பயணம்
 ................................................................
உங்களோட போராடுவேன்: நெடுவாசலில் விஜயகாந்த் பேச்சு (படங்கள்)
 ................................................................
பாஜக ‘எள்’ என்றால் எடப்பாடி பழனிச்சாமி ’எண்ணெய்’ போல மாறிக் கொண்டிருக்கிறார்: ஸ்டாலின்
 ................................................................
அரசியல்வாதிகளுக்கு பதிலளிக்க நானே போதும் : கமல்
 ................................................................
வில்லன் போல செயல்படுகிறார் கிரன்பேடி : சீமான் குற்றச்சாட்டு
 ................................................................
5, 8ஆம் வகுப்புகளில் கட்டாயத்தேர்ச்சி ரத்து குலக்கல்விக்கே வழி வகுக்கும்! ராமதாஸ்
 ................................................................
இடிக்கிற மாதிரி போனாரு... கண்ணீருடன் புகார் கூறி வெளியேறிய நமீதா...
 ................................................................
பெட்ரோலிய மண்டலம் அமைத்து தமிழகத்தை பாலைவனமாக்குவதா? வேல்முருகன் கண்டனம்
 ................................................................
ஆறுக்குட்டி விலகலைத் தொடர்ந்து ஆதரவாளர்களுடன் ஓ.பி.எஸ். ஆலோசனை
 ................................................................
எடப்பாடி பழனிசாமியை சந்தித்து ஆதரவு தெரிவித்தார் ஆறுகுட்டி
 ................................................................
சசிகலாவை சிறைமாற்றம் செய்யும்படி வலியுறுத்துவீர்களா? மு.க.ஸ்டாலின் பதில்
 ................................................................
Facebook Google Plus Print E-mail
பதிவு செய்த நாள் : 21, ஏப்ரல் 2017 (13:16 IST)
மாற்றம் செய்த நாள் :21, ஏப்ரல் 2017 (14:54 IST)


நடிகனாக இருப்பதை விட.. தமிழனாக இறப்பதே பெருமை.. சத்யராஜ் 



பாகுபலி-2 படத்தை கர்நாடகாவில் திரையிட எதிர்ப்பு தெரிவித்து வரும் நிலையில், இந்த பிரச்சினைக்கு காரணமான சத்யராஜ் இன்று வீடியோ வாயிலாக தனது வருத்தத்தை தெரிவித்துள்ளார்.

காவிரி பிரச்சினை தொடர்பாக தமிழ் திரைப்பட நடிகர் சத்யராஜ் கன்னடர்களையும், கன்னட அமைப்புகளின் தலைவர்களையும் தரக்குறைவாக பேசியதாக கூறி, அவர் நடித்துள்ள ‘பாகுபலி-2‘ திரைப்படத்தை கர்நாடகத்தில் திரையிடக் கூடாது என்று கன்னட அமைப்பினர் வலியுறுத்தி வருகிறார்கள். அவரது போஸ்டரை கன்னட அமைப்பினர் தீயிட்டு கொளுத்தி எதிர்ப்பை தெரிவித்து வருகின்றனர். 

‘பாகுபலி-2‘ திரைப்படம் வருகிற 28-ந்தேதி நாடு முழுவதும் திரையிடப்பட உள்ளது. அன்றைய தேதி நடிகர் சத்யராஜுக்கு எதிர்ப்பு தெரிவித்து பெங்களூருவில் முழு அடைப்பு போராட்டம் நடத்தவும் கன்னட அமைப்பினர் முடிவு செய்துள்ளனர். 

இந்நிலையில், நேற்று ‘பாகுபலி’ படத்தின் இயக்குனர் ராஜமௌலி டுவிட்டரில் பாகுபலி படத்தை திரையிட அனுமதிக்குமாறு கன்னட மக்களுக்கு கோரிக்கை வைத்திருந்தார். தற்போது, இந்த பிரச்சினைக்கு நடிகர் சத்யராஜ் வீடியோ வாயிலாக வருத்தம் தெரிவித்துள்ளார். இதுகுறித்து அவர் பேசிய வீடியோவில் கூறியிருப்பதாவது,

ஒன்பது வருடங்களுக்கு முன்னாள் காவிரி நதிநீர் பிரச்சினையில் கர்நாடகாவில் தமிழர்கள் தாக்கப்பட்டார்கள். தமிழ் படங்கள் திரையிடுவதை நிறுத்தச்சொல்லி ஆர்ப்பாட்டங்கள் நடைபெற்றன. அதற்கு கண்டனம் தெரிவிக்கும் வகையில் தமிழ் திரையுலகின் சார்பில் நடைபெற்ற கண்டன கூட்டத்தில் பலரும் ஆவேசமாக பேசினார்கள். அவர்களில் நானும் ஒருவன். 

அதற்கு எதிர்வினையாக என்னுடைய கொடும்பாவி, உருவ பொம்மைகள் கர்நாடகாவில் எரிக்கப்பட்டன. அதேவேளையில், கர்நாடகாவில் நடைபெற்ற ஆர்ப்பாட்டங்களில் கர்நாடக திரைப்பட கலைஞர்களும் ஆவேசமாக பேசினார்கள். அப்படி நான் பேசியபோதே என்னுடைய சில வார்த்தைகள் கன்னட மக்களின் மனதை புண்படுத்தியதாக அறிகிறேன். 

நான் கன்னட மக்களுக்கு எதிரானவன் அல்ல. அதற்கு உதாரணமே, 35 வருடங்களாக என்னிடம் உதவியாளராக இருக்கும் சேகர் என்பவரின் தாய்மொழி கன்னடம். கடந்த 9 வருடங்களில் ‘பாகுபலி’ பாகம் 1 உள்பட நான் நடித்த சுமார் 30 திரைப்படங்கள் கர்நாடகாவில் வெளியாகியுள்ளன. எந்த பிரச்சினையும் எழவில்லை. 

சில கன்னட படங்களில் நடிக்கவும் என்னை அணுகினார்கள். நேரமின்மையால் நடிக்க இயலவில்லை. 9 வருடங்களுக்கு முன்னால் நடந்த அந்த கண்டன கூட்டத்தில் நான் பேசிய அந்த வீடியோ பதிவை யூடியூப்பில் பார்த்ததாலும், நான் பேசிய சில வார்த்தைகளால் கன்னட மக்களின் மனம் புண்படுவதாக அவர்கள் கருதுவதாலும் அந்த சில வார்த்தைகளுக்காக 9 வருடங்களுக்கு பிறகு நான் கன்னட மக்களிடம் என் மனப்பூர்வமான வருத்தத்தை தெரிவித்துக் கொள்கிறேன். 

எனக்கு ஆதரவாக குரல் கொடுக்கும் தமிழக மக்களுக்கும், என் நலம் விரும்புபவர்களுக்கும் என்மீது வருத்தம் கொள்ளவேண்டாம் என்று கேட்டுக் கொள்கிறேன். அவர்களுக்கு ஒரு சிறிய விளக்கம். பாகுபலி என்ற மிகப்பெரிய படத்தின் ஒரு மிகச்சிறிய தொழிலாளிதான் நான். என் ஒருவனுடைய செயலின் பொருட்டு, சொற்களின் பொருட்டு பல ஆயிரம் பேர்களின் உழைப்பும், பணமும் விரயம் ஆவதை நான் விரும்பவில்லை. 

அதுமட்டுமில்லாது, கர்நாடகா மாநிலத்திற்கு ‘பாகுபலி-2’ ஆம் பாகத்தை வாங்கிய விநியோகஸ்தர்களும், திரையரங்கு உரிமையாளர்களும், பாதிக்கப்படாமல் பாதுகாக்கும் கூடுதல் பொறுப்பும் எனக்கு உள்ளது என்பதை தயவுசெய்து புரிந்துகொள்ள வேண்டும் என்று கேட்டுக் கொள்கிறேன். 

இயக்குனர் ராஜமௌலி அவர்கள் டுவிட்டரில் கூறிய விளக்கத்தின் மூலமாக தெளிவாக தெரியும். ஆனாலும், இனி வரும் காலங்களில் தமிழக மக்களின் பிரச்சினையாக இருந்தாலும் சரி, காவிரி நதிநீர் பிரச்சினையானாலும் சரி, விவசாயிகள் பிரச்சினையானாலும் சரி, தமிழக மக்களின் நலம் சார்ந்த அனைத்து நியாயமான பிரச்சினைகளுக்கும் தொடர்ந்து குரல் கொடுத்துக் கொண்டுதான் இருப்பேன் என்பதை தெள்ளத்தெளிவாக கூறிக் கொள்கிறேன். 

இப்படி நான் கூறுவதால் இந்த சத்யராஜை வைத்து படம் எடுத்தால் எதிர்காலத்தில் தொல்லைகள் வரும் என்று கருதும் தயாரிப்பாளர்கள் தயவுசெய்து இந்த சாதாரண, சின்ன நடிகனை தங்கள் படங்களில் ஒப்பந்தம் செய்யவேண்டாம், என்னால் நஷ்டமடைய வேண்டாம் என்று மிகவும் தாழ்மையுடன் கேட்டுக் கொள்கிறேன். 

ஏனென்றால், ஒரு நடிகனாக இருப்பதைவிட, இறப்பதைவிட எந்தவிதமான மூடநம்பிக்கையும் இல்லாத ஒரு தமிழனாக இருப்பதும், இறப்பதும்தான் எனக்கு பெருமை, மகிழ்ச்சி. எனது மனப்பூர்வமான வருத்தத்தை ஏற்றுக்கொண்டு பாகுபலி-2 ஆம் பாகத்தை வெளியிட ஒத்துழைக்குமாறு கன்னட மக்களை அன்புடன் கேட்டுக் கொள்கிறேன். 

என் உணர்வுகளை புரிந்துகொண்டு எனக்கு உறுதுணையாக நின்ற தமிழ் மக்கள், தமிழ் உணர்வாளர்கள், தென்னிந்திய திரைப்பட நடிகர் சங்கம், தமிழ் திரைப்பட தயாரிப்பாளர்கள் சங்கம், தமிழ் திரைப்பட இயக்குனர்கள் சங்கம், தென்னிந்திய திரைப்பட தொழிலாளர்கள் சங்கம், என் நலவிரும்பிகள் என அனைவருக்கும் நான் எனது மனமார்ந்த நன்றியை தெரிவித்துக் கொள்கிறேன். 

என்னால் ஏற்பட்ட தொல்லைகளை பொறுத்துக்கொண்ட இயக்குனர் ராஜமௌலி, தயாரிப்பாளர் சோபு, பிரசாத் மற்றும் ‘பாகுபலி’ படக்குழுவினர் அனைவருக்கும் எனது மனமார்ந்த நன்றியை தெரிவித்துக் கொள்கிறேன். 

இவ்வாறு அவர் பேசியுள்ளார்.
matrimony

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(7)
Name : Chelva Khanthan Date :4/22/2017 1:45:34 PM
ஒரு மனிதன் எவ்ளவு வாழ்க்கை எனும் பயணத்தில் மேன்மை அடைந்திருக்கிறான் என்பது அவனுடைய பேச்சியிலும் அவனுடைய நடத்தையிலும் தெரியும் . அந்த மேன்மையும் அந்த முதிர்ச்சியும் திரு. சத்யராஜ் அவர்களிடம் காண்கிறேன். தமிழின் மகிமையும், தமிழன் இந்த பூமிக்கும் கொடுத்த தமிழ் போக்கியஷங்களையும், தமிழனியன் இன்றைய போராட்டத்தையும், தமிழனை மற்ற மாநிலங்கங்கள் இழிவுபடுத்துவதையும் , மத்தியரசு தமிழனின் கோரிக்கைளை கண்டுகொள்ளாமல் இருப்பது கண்டு கண்கலங்காவதர் யாறும் இருக்க முடியாது. தமிழ் வாழ்க ! தமிழகம் வாழ்க ! திரு. சத்யராஜ் அவர்களின் தமிழ் உணர்வுகள் வாழ்க.வாழ்க! வாழ்க வளமுடன் !
Name : RATHINAVELU Date :4/21/2017 8:36:25 PM
இவர் பேசியது கன்னடியரை மட்டுமன்றி கண்ணியமான எவரையும் வருத்தப் பட வைத்தது. மிகத் தரக்குறைவான பேச்சு. ( கர்னாடகாவில் நடப்பது சரியில்லை என்பது உணமை;அது வேறு.) இப்படிக் கீழ்த்தரமாகப் பேசும் தமிழனாக இருக்க அவமானப் படுகிறேன்
Name : prema Country : Japan Date :4/21/2017 8:26:22 PM
மானமுள்ள தமிழன் திரு சத்யா ராஜ் .
Name : அன்வர் Date :4/21/2017 5:13:41 PM
2008 -ல் சூப்பர் ஸ்டார் ரஜினி அவர்களை குத்திக்காட்ட அந்த மேடையை பயன்படுத்திக்கொண்டான். இன்று கன்னடர்களிடம், முக்காடு போட்டு மண்டியிட்டு உள்ளான். முற்பகல் செய்யின் பிற்பகல் விளையும்.
Name : M.Murugan Date :4/21/2017 3:07:16 PM
We tamilians are fools , we are celebrating Birth day / film release of the Rajnikanth with offering milk on his posters. We will never improve our status. Karnataka , AP and Kerala are constructing dams, but we are giving them sands for constructing dams by looting TN . so We Tamilins are great fools. . HAHAHAHAHAHA
Name : M.Murugan Date :4/21/2017 3:04:55 PM
We tamilians are fools , we are celebrating Birth day / film release of the Rajnikanth with offering milk on his posters. We will never improve our status. Karnataka , AP and Kerala are constructing dams, but we are giving them sands for constructing dams by looting TN . so We Tamilins are great fools. . HAHAHAHAHAHA
Name : MUTHU Date :4/21/2017 2:39:22 PM
இனி நீ ஒரு ஆணியும் புடுங்கவே வேண்டாம் போயி தொலை,கூத்தாடிக இனிமே பொது வாழ்க்கைக்கு வராதீங்கடா.