Add1
logo
பெரம்பலூரில் அம்மா உணவகம் சூறையாடல்! || இன்றைய ராசி பலன்- முருகு பால முருகன் || புதுச்சேரியில் பழிக்கு பழியாக 3 ரவுடிகள் வெடிகுண்டு வீசி கொலை! || ஆசிரியை கொடுமை தாங்காமல் எலி மருந்து குடித்த மாணவி மரணம்! || தீபாவளிக்கு ஆற்றில் குளிக்க வந்த 4 இளைஞர்கள் பலி! || சாலையோர மரத்தில் கார் மோதியதில் 7 பேர் பலி || நீட் தேர்வு நடத்த மத்திய அரசுக்கோ, மருத்துவக் கவுன்சிலுக்கோ சட்டப்படி அதிகாரமில்லை: கி.வீரமணி || மெர்சல்..இளைஞர்கள் மோதல் -4 பேர் காயம் || வரி மறுப்பு சத்யாகிரகப் போராட்டத்தில் பிரகாஷ் ராஜ் பங்கேற்பு || வௌவால்கள் வாழ்வதற்காக தீபாவளியை கை விட்ட கிராம மக்கள்! || கமல் கருத்தை நாங்கள் தீவிரமாக எடுத்துக்கொள்வதில்லை: தமிழிசை || நிலவேம்பு விநியோகத்தில் ஈடுபடவேண்டாம் - ரசிகர்களுக்கு கமல் வேண்டுகோள் || ராணுவ வீரர்களுக்கு சாட்டிலைட் அழைப்பு கட்டணம் குறைப்பு ||
முக்கிய செய்திகள்
Facebook Google Plus Print E-mail
பதிவு செய்த நாள் : 21, மார்ச் 2017 (11:7 IST)
மாற்றம் செய்த நாள் :21, மார்ச் 2017 (11:14 IST)


டி.டி.வி. தினகரன் வேட்பு மனுவை ஏற்க தடை விதிக்கக் கோரி உயர்நீதிமன்றத்தில் பொதுநல மனு தாக்கல்



அன்னிய செலாவணி மோசடி வழக்கில் அபராதம் விதிக்கப்பட்ட டி.டி.வி.தினகரன் வேட்புமனுவை ஏற்க, தேர்தல் ஆணையத்திற்கு தடை விதிக்கக் கோரி சென்னை உயர் நீதிமன்றத்தில் மனுத் தாக்கல் செய்யப்பட்டுள்ளது.

சென்னை ஆர்.கே.நகர் தொகுதி இடைத்தேர்தலில் அ.தி.மு.க. வேட்பாளராக அக்கட்சியின் துணைப் பொதுச் செயலாளர் டி.டி.வி.தினகரன் போட்டியிடுகிறார். அன்னிய செலாவணி மோசடி வழக்கில் 28 கோடி ரூபாய் அபராதம் விதிக்கப்பட்ட அவரது வேட்புமனுவை ஏற்க தேர்தல் ஆணையத்திற்கு தடை விதிக்கக் கோரி சென்னை அரும்பாக்கத்தைச் சேர்ந்த ஜோசப் என்பவர் சென்னை உயர்நீதிமன்றத்தில் மனுத் தாக்கல் செய்துள்ளார்.

அந்த  மனுவில், மக்கள் பிரதிநிதித்துவச் சட்டத்தின் 8வது பிரிவுபடி குற்ற வழக்குகளில் தண்டிக்கப்பட்டவர்கள் தேர்தலில் போட்டியிட தடை விதிக்கிறது. ஆனால், அன்னிய செலவாணி மேலாண்மை சட்டம், சுங்கவரிச் சட்டப் பிரிவுகளின் கீழ் அபராதம் விதிக்கப்பட்டவர்களுக்கு அதுபோல எந்த தடையும் விதிப்பதில்லை. துறை ரீதியிலான நடவடிக்கையில் அபராதம் விதிக்கப்பட்டு, குற்ற வழக்குகளில் விடுவிக்கப்பட்டால், துறைரீதியான நடவடிக்கையை புறந்தள்ளி விட முடியுமா என்ற சட்டரீதியான கேள்வி எழுகிறது. ஆகவே, குற்ற வழக்குகளில் தண்டிக்கப்பட்டவர்கள் மட்டுமே தேர்தலில் போட்டியிட தடை விதிக்கும் மக்கள் பிரதிநிதித்துவச் சட்டப் பிரிவுகளை செல்லாது என அறிவிக்க வேண்டும் எனக் கோரப்பட்டுள்ளது.

மேலும், அன்னிய செலாவணி மோசடி வழக்கில் அமலாக்கப் பிரிவினரால் 28 கோடி ரூபாய் அபராதம் விதிக்கப்பட்டுள்ள டி.டி.வி.தினகரன் ஆர்.கே.நகர் தொகுதியில் தாக்கல் செய்யும் வேட்புமனுவை ஏற்க தேர்தல் ஆணையத்திற்கு தடை விதிக்க வேண்டும்" எனவும் கோரியுள்ளார்.

அமலாக்கப் பிரிவு விதித்த 28 கோடி ரூபாய் அபராதத்தை சென்னை உயர் நீதிமன்றம் உறுதி செய்துள்ளது. அதேபோல, இதுசம்பந்தமான குற்ற வழக்கில் இருந்து தினகரனை விடுவித்து எழும்பூர் நீதிமன்றம் பிறப்பித்த உத்தரவையும் உயர் நீதிமன்றம் ரத்து செய்துள்ளது என்பது குறிப்பிடத்தக்கது. 

ஜீவா பாரதி

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(1)
Name : Jeyasekar S Country : India Date :3/21/2017 12:45:16 PM
மக்கள் செல்வன் தினகரன் அவர்கள் மகத்தான வெற்றி பெறுவார்கள்