Add1
logo
இலங்கையில் கனமழைக்கு 201 பலி - நிவாரண உதவி வழங்கிய சீனா || இந்தியா - பாகிஸ்தான் தொடருக்கு அனுமதி மறுப்பு - அமைச்சர் கோயல் || வடகொரியா மீண்டும் ஏவுகணை சோதனை - ஜப்பான் பிரதமர் கண்டனம் || மோரா புயல் இன்று கரை கடக்கிறது || பராமரிப்பு பணியால் மின்உற்பத்தி நிறுத்தம் || ஒகேனக்கல் காவிரியில் மூழ்கி 2 மாணவிகள் பலி || சென்னையில் மின்வெட்டு இரவில் மக்கள் தவிப்பு || ஜம்மு காஷ்மீர் மாநிலத்தில் நிலநடுக்கம் || விசாரணைக்கு சென்ற நாம்தமிழர் கட்சியினர் கைது || அமைதி வழியில் போராடுபவர்களை குண்டர் சட்டத்தில் கைது செய்வதா? ஆம்ஆத்மி கட்சி வசீகரன் கண்டனம்! || ஸ்ரீநித்ய கல்யாண வேங்கடேஷ்வர பெருமாள் திருக்கோவில் மஹா கும்பாபிஷேக விழா || சங்கமித்ரா படத்திலிருந்து நீக்கப்பட்டது ஏன்? ஸ்ருதிஹாசன் விளக்கம் ‘ || சங்கமித்ரா படத்திலிருந்து ஸ்ருதிஹாசன் நீக்கம் ||
சிறப்பு கட்டுரை
செல்போன்களில் மூழ்கிக் கிடக்கும் பெற்றோர்களின் கவனத்திற்கு!
 ................................................................
சமோசாவுக்குத் தடையா..? உலகமெங்கும் உணவு அரசியல்!
 ................................................................
விவசாயத்திற்காக மாடுகள் காக்கப்பட வேண்டும்: விவசாயிகள் செத்தா நமக்கென்ன?
 ................................................................
வெறும் வெற்று விளம்பரங்கள்! 3 ஆண்டுகளில் என்ன சாதனை நிகழ்த்தினார் மோடி?
 ................................................................
கடனும் ஊழலும்! ஓராண்டு "சாதனை'!
 ................................................................
காலா - நிற அரசியலை பேசுகிறதா?
 ................................................................
வழி விடாமல், வலி தந்து போன ஜெயலலிதா!
 ................................................................
அஜித் - அத்தனை நடிகர்களும் உச்சரிக்க காரணம் என்ன?
 ................................................................
ஸ்மார்ட் க்ளாஸ்... மாணவர்கள் கையில் டேப்லட்... ஆஹா... அரசுப் பள்ளியா இது..?
 ................................................................
சட்ட மாணவியின் ‘நறுக்’ தண்டனை: படத்தில் நடந்தது நிஜத்தில்!
 ................................................................
ரேன்சம்வேரா... உலகப்போரா??? வெளியே வந்த அமெரிக்க வைரஸ் பூதம்!
 ................................................................
ஒருத்தி! இன்னொருத்தி! வேறொருத்தி! பாலு மகேந்திரா ஒரு படிப்பினை!
 ................................................................
மே 21 இராஜிவ்காந்தி படுகொலை நாள்!
 ................................................................
தோண்டியெடுக்கப்பட்ட தமிழனின் பெருமை..!
 ................................................................
கழுகைப் பார்! உன்னை மாற்று! உருமாறு! -மாணவர்களுக்கான பொன்ராஜ் உரை!
 ................................................................
Facebook Twitter Google Plus Print E-mail
பதிவு செய்த நாள் : 13, மார்ச் 2017 (19:15 IST)
மாற்றம் செய்த நாள் :13, மார்ச் 2017 (19:18 IST)




மிழகத்திற்கே தலைமை மருத்துவமனையாக விளங்கும் சென்னை அரசு இராஜீவ்காந்தி மருத்துவ... கேன்சர் நோயாளி களுக்கு சிகிச்சை அளிக்காமல் உயிருக்கு உலை வைப்பதாக "ஷாக்' கொடுக்கிறார்கள் டாக்டர்களே!

மேலும் நாம் விசாரித்தபோது... ""ஒன்பதாவது படிக்கிறேண்ணா. கழுத்துக்கிட்ட கட்டிமாதிரி வந்துடுச்சு. செக் பண்ணிப்பார்த்தப்போதான் கேன்சர்னு தெரியவந்தது. இப்போ காலில் பரவிடுச்சு. சென்னையில பெரிய ஹாஸ்பிட்டல்னா அது இராஜீவ்காந்தி ஹாஸ்பிட்டல்தான். ஆனா, பலதடவை ட்ரீட்மெண்ட் தடைப்பட்டுக்கிட்டே இருக்கு. கேட்டா, கரண்ட்மெஷின் (புற்றுநோய்  கதிர்வீச்சு சிகிச்சை கருவியைத்தான் கரண்ட்மெஷின் என்று சொல்கிறான்) ரிப்பேரு,… ஒருவாரம் ஆகும்னு ட்ரீட்மெண்டை தள்ளி வெச்சிடுறாங்க. எனக்கு என்ன ஆகுமோன்னு பயமா இருக்குண்ணா...''’என்று கதறுகிறான் சிறுவன் ஜெயக்குமார். 

பக்கத்து பெட்டிலுள்ள 35 வயது வெங்கடேஷுக்கு தலையில் கேன்சர் கட்டி. கதிர்வீச்சு சிகிச்சை கிடைக்காமல் குமுறுகிறார்.



65 வயது ராஜுவுக்கு கேன்சர் வந்து நாக்கில் ஓட்டையே விழுந்து விட்டது. ""நான்கு வாரமாகியும் 7 தடவைதான் கதிர்வீச்சு சிகிச்சை அளிக்கப்பட்டிருக்கிறது'' என்கிறார் அவரது மனைவி காந்தா. சுப்பிரமணி என்பவர், ""தொண்டையில் கேன்சர். 32 முறை கதிர்வீச்சு சிகிச்சை அளித்திருக்கவேண்டும்; ஆனால், கதிர்வீச்சு மெஷின் ரிப்பேரால் 6 முறைதான்  வைக்கப்பட்டிருக்கிறது'' என்கிறார். கணேசனுக்கும் மூர்த்திக்கும் இதே நிலைதான். கிட்டத்தட்ட 200க்கும் மேற்பட்ட கேன்சர் நோயாளிகளுக்கு சரியான நேரத்திற்கு கதிர்வீச்சு சிகிச்சை அளிக்கப்படாமல் இருப்பது ஆதாரப்பூர்வமாக தெரியவந்தது.

"சிகிச்சை தாமதமாவதால் உயிருக்கே ஆபத்தாகிவிடுமே?' என்று புற்றுநோய் கதிர்வீச்சு சிகிச்சைத்துறை (Department of Radiation Oncology) டாக்டர்களிடம் நாம் கேட்டபோது, “""புற்று நோய்க்கு சிகிச்சையளிக்க இப்போது தனியார் மருத்துவமனைகளில் அதிநவீன லினெக் (LINAC) எனப்படும்  Linear Accelerator கருவி வாங்கப்பட்டு, சிறப்பான சிகிச்சை அளிக்கப்பட்டுவருகிறது.

அதே கருவியை அரசு இராஜீவ்காந்தி மருத்துவமனைக்கும் வாங்கவேண்டும் என்று கடந்த 7 வருடங்களுக்கும் மேலாக ரேடியோதெரபி பேராசிரியர்கள் போராடியதால் அதற்கான, புதிய கட்டமைப்பு கட்டிடமும் கடந்த வருடம் இங்கு கட்டப்பட்டுவிட்டது. ஆனால் கருவி இன்னும் வாங்கப்பட வில்லை. கமிஷனுக்காக, 22 வருட மிக... மிக...  பழமையான  கோபால்ட் ரேடியேஷன் மெஷினைத்தான் (cobalt radiation machine) இன்னமும் வைத்திருக்கிறார்கள்.



ஒரு மெஷின் 10 வருடங்கள் ஆகிவிட்டாலே அதன் செயல்படும் தன்மை குறைந்துவிடும். மேலும், இந்த மெஷினில் ஒருநாளைக்கு  சுமார் 50 லிருந்து 60 பேருக்கு சிகிச்சை அளிக்க லாம். ஆனால், 22 வருடங்களுக்கு மேலாக இருக்கும் தரம்குறைந்த கோபால்ட் ரேடியேஷன் மெஷின் மூலம் ஒருநாளைக்கு 200 கேன்சர் நோயாளிகளுக்கு இங்கு  சிகிச்சை அளிக்கப்படுகிறது. இதனால், இன்னும் செயல்படும் தன்மை குறைந்து அடிக்கடி ரிப்பேர் ஆகிவிடுவ தால்தான் நோயாளிகளுக்கு சரியான நேரத்தில் சிகிச்சை யளிக்க முடியாமல் பரிதாபமாக இறந்துபோகிறார்கள்.

இதைவிடக்கொடுமை, அரசு உதவிபெறும் தனியார் மருத்துவமனையான அடையார் கேன்சர் இன்ஸ்டிடியூட்டுக்கு  120 கோடி ரூபாயை 110 விதியின் கீழ் ஜெயலலிதா ஒதுக்கியதன் மூலம், அதிநவீன கருவியான Linear Accelerator  மெஷினை வாங்கிவிட்டது  அடையாறு கேன்சர் இன்ஸ்டிடியூட். அப்படியென்றால், தனியார் மருத்துவமனைக்கு போகும் பணக்காரர்கள் வாழவேண்டும்.… அரசு மருத்துவமனைக்கு வரும் ஏழை நோயாளிகள் சாகவேண்டும் என்பதுதானே தமிழக அரசின் கொள்கை முடிவு? தமிழகத்திலேயே வரு டத்திற்கு 30-க்கு மேற்பட்ட புற்றுநோய் கதிர்வீச்சுத் துறை முதுநிலை மாணவர்கள் படிப்பது சென்னை இராஜீவ் காந்தி அரசு பொது மருத்துவ மனையில்தான். ஆனால், எம்.சி.ஐ. விதிக்கு புறம்பாக இங்கு அதிநவீன கருவி இல்லாமல் எப்படி புற்றுநோய் சிகிச்சைக்கான தரமான மருத்துவ நிபுணர்களை உருவாக்க முடியும்?''’என்று நியாயமான கேள்வியை எழுப்புகிறார் கள்.

புதிய கருவிகளை வாங்கிக் கொடுக்கவேண்டிய தமிழ்நாடு மருத்துவப் பணிகள் கழகத்தின் மேனேஜிங் டைரக்டர் அபூர்வா ஐ.ஏ.எஸ்.ஸை தொடர்புகொண்டு  கேட்டபோது, ""சுமார் 15 கோடி ரூபாய் ஆகும். புதிய "லினெக்' புற்றுநோய் கருவிக்கு மூன்று முறை டெண்டர் விட்டும் யாரும் கலந்து கொள்ளவில்லை. மீண்டும் டெண்டர் விட இருக்கிறோம்'' என்றார்.

அதற்குள், அபூர்வாவிற்குப் பதிலாக உமாநாத் ஐ.ஏ.எஸ். மாற்றப் பட்டுள்ளார்.

மேலும், சுகாதாரத்துறை அமைச்சர் டாக்டர் விஜய பாஸ்கரை தொடர்புகொண்ட போது...  ""விரைவில் நடவடிக்கை எடுக்கப்படும்'' என்றார் உறுதியாக.

"கேன்சர் வந்தால் தனியார் மருத்துவ மனைக்குப்போங்கள், எங்களிடம் வந்தால் கொன்றுவிடுவோம்' என்று சொல்லாமல் சொல்கிறதோ சுகா தாரத்துறை!

-மனோசௌந்தர்

தங்கள் கருத்துக்களை பதிவு செய்யவும்                                  * Indicates mandatory fields
Name * :
Email Id * :
Loading...
Left: Press Ctrl+g to toggle between English and Tamil
Comment * (500) :
கருத்துக்கள்(2)
Name : Srinivasan Date :3/15/2017 7:09:42 PM
ஐயா உங்களது கட்டுரை நல்ல நோக்கதுடன் எழுதப்பட்டிருந்தாலும் அடையார் கேன்சர் இன்ஸ்டிடியூட் பற்றிய விமர்சனங்கள் தவிர்க்கப்பட்டிருக்கலாம். அவர்களது சேவை தன்னலமற்ற ஈடு இணை இல்லாதது.
Name : Villavarayar Date :3/14/2017 10:34:40 AM
அபாயகரமான தொழிற்சாலைகள் அனைத்தையும் ஒழித்துவிட்டு, இயற்கை வேளாண்மைக்குத் திரும்புவதே உடல், மன நலன்களைக் காக்கும்! சுரண்டல்வாதிகளின் "வளர்ச்சி" ஏமாற்றுக் கூவலில் வாத்துமடையர்களாக மயங்கினாலோ, கூலிக்கு அவர்கள் சார்பில் மாரடித்தாலோ, உனக்குக் கிடைக்கும் வளர்ச்சி, "கழலை" மற்றும் "கட்டி" வகை வளர்ச்சிகளே! "ஓட்டை", "இராசபிளவை" வகை வளர்ச்சிகளும் ஏற்படும்! இதனால் பலரின் குடும்பங்கள் சந்ததி இன்றி அழியும்! "ஊருக்கு இளைத்தவன் பிள்ளையார் கோயில் ஆண்டி, அதனால் அவனை ஒழித்துக்கட்டு" என்ற பாணியில் "சீமைக்கருவை" யிடம் வீரத்தைக் காட்டாமல் உண்மையான சூழ்நிலைச் சீர்கேடுகளுக்கு எதிராக போராடி வெல்வதே மேற்சொன்ன வளர்ச்சிகளுக்கு முடிவாக அமையும்! சீமைக்கருவை உச்சநீதி மன்றம் சென்று வாதாட வக்கில்லாதது என்பதால் வெற்றிக்கொடி நாட்டிவிட்டாய்! இதுபோல் வேறு ஏதாவது அழிவுத்திட்டத்தை உன்னால் நிறுத்தமுடியுமா என்று சிந்தித்துப் பார்! அப்பாவி ஒருவனை திருவிழாக் கூட்டத்தில் கரும்புள்ளி செம்புள்ளி குத்தி கல்லெறிந்து மகிழ்வதுபோல் வக்கில்லாத சீமைக்கருவையை வெட்டிவீழ்த்துகிறாய்! இதனால் ஏற்படப் போகும் சீர்கேட்டை விரைவில் காண்பாய்!