Skip to main content

பொதுத்தேர்வு மாணவர்களுக்கான டிப்ஸ்

Published on 03/03/2018 | Edited on 03/03/2018

தமிழகத்தில்  பள்ளி மாணவர்களுக்கான பொதுத் தேர்வுகள் ஆரம்பித்துவிட்ட நிலையில், மாணவர்கள் வினாத்தாள், கேள்வி, மதிப்பெண் என பல  எண்ணவோட்டங்களை இழுத்துக்கொண்டு ஓடவேண்டிருக்கும் எனவே அந்த எண்ண ஓட்டத்தின் சிந்தனைகள் நேர்மறையாக இருக்கவேண்டும். மனரீதியாகவும், உடல்ரீதியாகவும் தேர்வு பற்றிய நேர்மறை எண்ணங்களையும், புத்துணர்ச்சியையும் பெற பின்வரும் டிப்ஸ்கள் மிகவும் பயனுள்ளதாக இருக்கும்.

exam tips

தினமும் குறைந்தது ஆறு மணி நேரமாவது நிம்மதியான உறக்கம் தேவை. தேர்வுகளுக்காக தீவிரமாக படித்தாலும் இரவு தூக்கத்தை தொலைக்கக்கூடாது. தூக்கமற்ற கண்விழிப்பு சோர்வை ஏற்படுத்ததும். நிம்மதியான தூக்கம் ஞாபகசக்தியை அதிகப்படுத்தும், சோர்வைகுறைக்கும்.

அடுத்தது நல்ல உணவு. காலம் தாழ்த்தாமல் நேரத்திற்கு சாப்பிட வேண்டும். நம் மூளை மற்றும் உடலின் செயல்திறனுக்கு ஊக்கமே குளூக்கோஸ்தான். நாம் சாப்பிடும் உணவுதான் குளுக்கோஸாக மாறி மூளைக்கும், உடலுக்கும் புத்துணர்வை கொடுக்கும். தொடர்ந்து மூன்று மணிநேரம் மூளைக்கும், கைக்கும் வேலை இருக்கிறது எனவே உணவை தவிர்க்கக்கூடாது. மனதும், உடலும் ஒரு முகப்படவேண்டிய தேர்வு நேரத்தில் மனதை சிறு பயம் மற்றும் படபடப்பு பற்றிக்கொள்ளும். உடல் அசாதாரண நிலையில் இருக்கும் இந்த நேரத்தில்  காய்ச்சல், தலைவலி போன்றவை  எளிதில் வரக்கூடும். ஆதலால் நல்ல தூக்கம், நல்ல உணவு எடுத்துக்கொள்ளவேண்டும் அதிகமாக புரோட்டீன் உள்ள உணவுகள் மற்றும் எதிர்ப்பாற்றல் தரும் உணவுகள் ஆகியவற்றை அதிகமாக எடுத்துக்கொள்வது நல்லது.     

exam tips

அடுத்து கண்களை சோர்வடையாமல் பார்த்துக்கொள்ளுங்கள். படிக்கும் பொழுது உங்களின் இடது புறத்திலிருந்து லைட்டின் ஒளியானது புத்தகம் மீதும் உங்கள் மீதும் படும்படி பார்த்துக்கொள்ளுங்கள். கண்களில் ஏதேனும் பார்வை பிரச்சனைகள் இருந்தாலும் மருத்துவரை ஒருமுறை அணுகுவது நல்லது. நீங்கள் தேர்வின் பொழுது குறிப்புகளுக்காக கணினியையோ  அல்லது மொபைலையோ பயன்படுத்திக்கொண்டிருந்தால் தொடர்ந்து ஒளிர்திரை பார்க்கப்படும்போது கண் சோர்வடையும் அதை தவிர்க்க ஒரு மணி நேரத்திற்கு ஒரு முறை இரு உள்ளங்கைகளினால் இரு கண்ணையும்  ஒரு நிமிடம் பொத்தி வைப்பது கண்ணின் சோர்வை நீக்கும். மேலும் பசுமை நிறைந்த இடங்களை நோக்குவது கண்ணிற்கு புத்துணர்ச்சியை தரும். தூரமாக உள்ள பொருட்களை பார்ப்பது  எடுத்துக்காட்டாக தொலைவில் உள்ள இயற்கை காட்சிகளை பார்க்க வேண்டும் ஏனெனில் எப்போதுமே கண்ணுக்கு அருகில் புத்தங்களை வைத்து படிக்கும் சூழலில் கண்களில் செயல்பாட்டில்  கிட்டப்பார்வை மட்டுமே அதிகமாக இருக்கும். எனவே தூரப்பார்வைக்கும் சிறிது இடம்கொடுக்க வேண்டும்.   

exam tips

அடுத்து சீரான இடைவேளை வேண்டும் 24 மணிநேரமும் புத்தகத்திலேயே லயித்துவிடக்கூடாது. ஒரு மணி நேரத்திற்கு ஐந்து நிமிடமாவது இடைவேளை கொடுக்கவேண்டும். சில உடல் பயிற்சிகள்(physical activity ) தேவை. நடந்துகொண்டு படிப்பது, மாடி படி இறங்குவது, சைக்கிள் ஓட்டுவது போன்ற எளிய உடல் பயிற்சிகள் செய்யவேண்டும். இது மன இறுக்கத்தை போக்கும்.

exam tips

அடுத்து எல்லாவற்றிலும் முக்கியமானது நேர்மறை எண்ணங்களை வளர்த்தல். அதாவது  தொடர்ந்து தேர்வு,வினாத்தாள்,மதிப்பெண் போன்ற விஷயங்கள் மனதில் ஓடிக்கொண்டிருக்கும் பொழுது நேர்மறையான எண்ணங்கள் மிகவும் அவசியம். முடிந்துபோன தேர்வைப் பற்றிய ஆராய்ச்சியில் மூழ்கிவிடக்கூடாது. ஏனெனனில் அடுத்தடுத்து தேர்வுகளுக்காக ஓட வேண்டியிருக்கும் இதனால் நேர்மறை எண்ணங்களை வளர்த்துக்கொள்வது அவசியம்.  நீங்கள் நினைத்த மதிப்பெண் கிடத்ததுபோலவும் தேர்வில் தேர்ச்சி பெற்றுவிட்டேன் என்பது போலவும் மனதை கனவு காணவைப்பது நேர்மை எண்ணங்களை வளர்க்கும்.

 

இவை அனைத்தும் ஒன்று சேர்ந்தால் கண்டிப்பாக வெற்றி நிச்சயம் மாணாக்கர்களே.....

Next Story

10, 11, 12 வகுப்புகளுக்கான பொதுத்தேர்வு கால அட்டவணை வெளியீடு

Published on 16/11/2023 | Edited on 16/11/2023

 

 10th, 11th, 12th General Examination Time Table Publication

 

தமிழகத்தில் 10 மற்றும் 12 ஆம் வகுப்பு பொதுத் தேர்வுக்கான தேதிகள் இன்று அறிவிக்கப்படுவதாகப் பள்ளிக் கல்வித்துறை அறிவித்திருந்தது. அதன்படி அத்துறையின் அமைச்சர் அன்பில் மகேஷ் பொய்யாமொழி 10, 11 மற்றும் 12ம் வகுப்புகளுக்கான பொதுத்தேர்வு கால அட்டவணையை வெளியிட்டார்.

 

செய்தியாளர் சந்திப்பில் பேசிய அமைச்சர் அன்பில் மகேஷ் பொய்யாமொழி, ''10, 11, 12 ஆம் வகுப்பைச் சேர்ந்த மாணவச் செல்வங்கள் ஏற்கனவே படித்து நன்றாகத் தயார்படுத்திக் கொண்டிருக்கின்றீர்கள். தமிழ்நாட்டு முதல்வர் சொல்வது போல இந்த வயது என்பது 'படிப்பு... படிப்பு... படிப்பு...' என அதில்தான் அதிகம் கவனம் செலுத்த வேண்டிய வயது. வேற எந்த ஒரு விஷயத்திற்கும் நமது நாட்டம் சென்றுவிடாமல் நீங்கள் கவனமாக நல்ல முறையில் படித்து நல்ல விதத்தில் நல்ல மதிப்பெண்கள் பெற்றுத் தேர்வாக வேண்டும் என்ற முதல்வரின் எண்ணத்தை நான் இங்கு பதிவு செய்ய விரும்புகிறேன்'' என்றார்.

 

தொடர்ந்து வெளியான பொதுத்தேர்வு கால அட்டவணையில் 12 ஆம் வகுப்பு பொதுத்தேர்வு மார்ச் 1 ஆம் தேதி தொடங்கி மார்ச் 22 ஆம் தேதி வரை நடைபெறும். 12 ஆம் வகுப்பு மாணவர்களுக்கான செய்முறை தேர்வு பிப்ரவரி 12 தொடங்கி பிப்ரவரி 17 ஆம் தேதி வரை நடைபெறும். பத்தாம் வகுப்பு பொதுத் தேர்வுகள் 26/3/2024 தொடங்கி ஏப்ரல் 8 ஆம் தேதி வரை நடைபெறும். பத்தாம் வகுப்பு தேர்வு முடிவுகள் மே 10 ஆம் தேதி வெளியிடப்படும். 12 ஆம் வகுப்பு பொதுத்தேர்வு முடிவுகள் மே 6 ஆம் தேதி வெளியிடப்படும். 11 ஆம் வகுப்பு மாணவர்களுக்கு பொதுத்தேர்வு மார்ச் 4 ஆம் தேதி தொடங்கி மார்ச் 25 ஆம் தேதி வரை நடைபெறும். 11 ஆம் வகுப்பு செய்முறைத் தேர்வுகள் 19/2/2024 தொடங்குகிறது.11 ஆம் வகுப்பு முடிவுகள் மே 14 ஆம் தேதி வெளியிடப்படும் எனத் தெரிவிக்கப்பட்டுள்ளது. 10 ஆம் வகுப்பு மாணவர்களுக்கு செய்முறை தேர்வு பிப்.23 ஆம்  தேதி தொடங்கி பிப்.29 தேதி வரை நடைபெறும் எனத் தெரிவிக்கப்பட்டுள்ளது.

 

10 ஆம் வகுப்பு பொதுத்தேர்வு அட்டவணை

 

தமிழ் -    26/03/2024

 

ஆங்கிலம் -    28/03/2024

 

கணிதம் -    01/04/2024

 

அறிவியல் -   04/04/2023

 

சமூக அறிவியல் -   08/04/2024

--------------------------------------------------------------------------

11 ஆம் வகுப்பு பொதுத்தேர்வு அட்டவணை

 

மொழிப்பாடம்-     04/03/2024
 
ஆங்கிலம்-       07/03/2024

இயற்பியல்/பொருளாதாரம்/ கணினி தொழில்நுட்பம்- 12/03/2024

கணினி அறிவியல்/ புள்ளியியல் - 14/03/2024
 
உயிரியல் /வணிக கணிதம் / வரலாறு - 18/03/2024

வேதியியல்/ கணக்குப்பதிவியல்/ புவியியல்- 21/03/2024

--------------------------------------------------------------------------

12 ஆம் வகுப்பு பொதுத்தேர்வு  அட்டவணை

 

மொழிப்பாடம் -     01/03/2024

 

ஆங்கிலம் -       05/03/2024

 

கணினி அறிவியல்/ உயிரி அறிவியல்/ புள்ளியியல்-    08/03/2024

 

வேதியியல்/ கணக்குப்பதிவியல்/ புவியியல்-  11/03/2024

 

இயற்பியல்/பொருளாதாரம்/ கணினி தொழில்நுட்பம்-  15/03/2024

 

கணிதம்/ விலங்கியல்/நுண் உயிரியல்-  19/03/2024

 

 

Next Story

தேர்வில் உதவிய அறை கண்காணிப்பாளர்; 34 மாணவர்களின் முடிவுகள் நிறுத்திவைப்பு

Published on 09/05/2023 | Edited on 09/05/2023

 

NN

 

தமிழ்நாட்டில் 12 ஆம் வகுப்பு மாணவர்களுக்கான பொதுத்தேர்வு கடந்த மார்ச் மாதம் 13 ஆம் தேதி தொடங்கி ஏப்ரல் 3 ஆம் தேதி முடிவடைந்தது. விடைத்தாள் திருத்தும் பணிகள் முடிவடைந்து நேற்று  12 ஆம் வகுப்பு பொதுத்தேர்வு முடிவுகள் வெளியாகியது.

 

தேர்ச்சி விகிதத்தில் விருதுநகர் மாவட்டம் தமிழ்நாட்டில் முதலிடம் பிடித்துள்ளது. இரண்டாம் இடத்தை திருப்பூர் மாவட்டமும், மூன்றாம் இடத்தை பெரம்பலூர் மாவட்டமும் பிடித்துள்ளன. தேர்வு எழுதிய 8.03 லட்சம் பேரில் 7.55 லட்சம் மாணவர்கள் தேர்ச்சி என 94.03 சதவீதம் பேர் தேர்ச்சி பெற்றுள்ளனர். அதில் மாணவிகள் 96.38 சதவீதமும், மாணவர்கள் 91.45 சதவீதமும் தேர்ச்சி அடைந்துள்ளனர். கடந்த ஆண்டை விட இந்த ஆண்டு மாணவர்களின் தேர்ச்சி விகிதம் அதிகரித்துள்ளதாக அமைச்சர் அன்பில் மகேஸ் தெரிவித்துள்ளார்.

 

இந்நிலையில் உதகையில் 12 ஆம் வகுப்பு தேர்வு எழுதிய 34 மாணவர்களின் தேர்வு முடிவுகள் நிறுத்தி வைக்கப்பட்டுள்ளது. உதகை அருகே அரசு உதவிபெறும் பள்ளியில் 12 ஆம் வகுப்பு கணிதத் தேர்வு எழுதிய 34 மாணவர்களுக்கு அறை கண்காணிப்பாளர் உதவியதாக குற்றச்சாட்டு எழுந்த நிலையில், அது தொடர்பான விசாரணையில் அறை கண்காணிப்பாளர் மாணவர்களுக்கு உதவியது உறுதி செய்யப்பட்டது. இதனால் 34 மாணவர்களின் கணிதப் பாடத்திற்கான முடிவுகள் நிறுத்தி வைக்கப்பட்டுள்ளது. பிற பாடங்களுக்கான மதிப்பெண்கள் மட்டும் வெளியாகி உள்ளது.