“உன் வாழ்க்கை உன் கையில்...” - ரஜினி கொடுத்த நம்பிக்கை

2022 ஆம் ஆண்டு நிறைவடைந்து 2023 ஆம் ஆண்டு பிறந்துள்ளதால், நாடு முழுவதும் ஆங்கிலப் புத்தாண்டை பொதுமக்கள் கோலாகலமாகக் கொண்டாடி வருகின்றனர். 2 ஆண்டுகளுக்குப் பிறகு கொரோனாவிற்கு முந்தைய உற்சாகத்துடன் நாட்டு மக்கள் குடும்பத்துடன் கேக் வெட்டி ஆட்டம், பாட்டம் எனக் கொண்டாடி மகிழ்ந்து வருகின்றனர். புத்தாண்டையொட்டி அரசியல் தலைவர்கள், முக்கியப் பிரமுகர்கள், திரைப்பிரபலங்கள் எனப் பலரும் தங்களது வாழ்த்துகளைத் தெரிவித்து வருகின்றனர். 

அந்த வகையில், நடிகர் ரஜினிகாந்த் புதிய ஆண்டில் மக்களுக்கு நம்பிக்கை கொடுக்கும் வகையில்,  உன் வாழ்க்கை உன் கையில் என்ற ஹேஷ்டேக்கை பயன்படுத்தி அனைவருக்கும் தனது புத்தாண்டு வாழ்த்துகளைத் தெரிவித்துள்ளார். இதே போன்று நடிகர் கமல்ஹாசன், வைகோ, சரத்குமார், கே.எஸ்.அழகிரி உள்ளிட்ட பல்வேறு அரசியல் கட்சித் தலைவர்கள் தங்களது வாழ்த்துகளைத் தெரிவித்திருக்கின்றனர். 

அனைவருக்கும் புத்தாண்டு நல்வாழ்த்துகள்..#உன்வாழ்க்கை_உன்கையில்

 

— Rajinikanth (@rajinikanth) December 31, 2022