டிசம்பர் 6இல் தே.மு.தி.க. மாவட்டச் செயலாளர்கள் கூட்டம்!

தமிழ்நாட்டில் நடைபெற உள்ள மாநகராட்சி, நகராட்சி, பேரூராட்சித் தேர்தல்களில் தே.மு.தி.க. தனித்துப் போட்டியிடும் என்று அக்கட்சி ஏற்கனவே அதிகாரபூர்வமாக அறிவித்திருந்தது. 

இந்த நிலையில், தே.மு.தி.க.வின் பொதுச்செயலாளரும், நிறுவனருமான விஜயகாந்த் இன்று (02/12/2021) வெளியிட்டுள்ள அறிவிப்பில், "வரும் டிசம்பர் 6ஆம் தேதி அன்று சென்னை கோயம்பேட்டில் உள்ள தே.மு.தி.க.வின் தலைமை அலுவலகத்தில் கட்சியின் மாவட்டச் செயலாளர்கள் கூட்டம் நடைபெறும். இக்கூட்டத்தில் நகர்ப்புற உள்ளாட்சித் தேர்தல், கட்சியின் வளர்ச்சிப் பற்றி ஆலோசிக்கப்படும்" எனத் தெரிவிக்கப்பட்டுள்ளது.